傅嘉莉自爆旺角鬧市遇露體狂：就這樣放了出來，畫面揮之不去！委屈問網民：應該點做！

By Celia on 08 Mar 2021

Digital Editor

藝人傅嘉莉依日突然上載黑色相片並發長文指自己喺旺角遇到露體狂，仲清楚睇到對方下體，當時佢完全呆咗，仲話畫面喺腦海度揮之不去，因而決不發文問大家下次應該怎樣做。

藝人傅嘉莉不時都會喺社交網站上同大家分享生活點滴，而佢依日就突然喺 IG 上傳咗一張黑色嘅相並同大家分享日前同朋友相約見面前嘅經歷。佢留言自爆日前喺旺角花墟不幸遇上露體狂：「昨天約咗朋友喺旺角花墟某店，我一落車便望着電話上的地址搵門牌，街上人來人往，我一邊睇手機一邊搵方向，我忽然向下望電話之際，我望到一個男士的下體，當刻我也質問自己，怎麼可能，但當我再望，他是有着衫同褲，原來只是褲冇拉鏈就這樣放了出來，我當刻停咗腳步，完全呆定了，我真的冇睇錯，他的確在公眾地方露械。」

之後佢又指自己當時唔知道應該要點做，呆企咗幾十秒：「這刻望周圍的人，冇人察覺到他的行為，我就這樣俾佢離開左。」

並喺同朋友相遇講番依件事時，大家都冇似佢這般大反應，但佢就指自己嘅腦海點都揮之不去依個畫面：「我番到我朋友身邊同佢哋講依件事，大家都冇似我這般大反應，但係這畫面係我腦海揮之不去。我喺度質問自己點解當時唔舉報佢，如果其他小朋友睇到呢個畫面，會唔會令到他們有童年陰影。如果再又下一次咁嘅事情，我應該點做。」

網民睇到後都有唔同嘅反應，有人指出旺角區經常見到，有人指應該要拿手機出來影低對方，亦有人指應該立即大叫一聲，更希望傅嘉莉唔好再遇到依啲情況，不過佢就一律未有點回覆留言。

IG 全文：

今天才回過神來
分享昨天親眼看到的一個畫面
昨天約咗朋友喺旺角花墟某店
我一落車便望着電話上的地址搵門牌
街上人來人往
我一邊睇手機一邊搵方向
我忽然向下望電話之際
我望到一個男士的下體
當刻我也質問自己
怎麼可能
但當我再望
他是有著衫同褲
原來只是褲冇拉鏈就這樣放了出來
我當刻停咗腳步
完全呆定了
我真的冇睇錯
他的確在公眾地方露械
但我不知道應該要點做
應該大嗌
應該同其他人講
應該上前同這位男士講你唔可以咁做
定係佢只係唔記得拉返條拉鍊
我就咁呆企了幾十秒
這刻望周圍的人
冇人察覺到他的行為
我就這樣俾佢離開左
我番到我朋友身邊同佢哋講依件事
大家都冇似我這般大反應
但係這畫面係我腦海揮之不去
我喺度質問自己點解當佢唔舉報佢
如果其他小朋友睇到呢個畫面
會唔會令到他們有童年陰影
畢竟花墟也是一家大細也會去的地方
如果再又下一次咁嘅事情
我應該點做

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

楊明違規紀錄加感情史懶人包！醉駕/刑事毀壞/無牌經營食肆/盜用商標

05 Mar 2021

今年40歲嘅楊明入行以來都喺TVB拍攝咗唔少嘅作品，可以話係大家都好熟悉嘅藝人。但其實佢嘅私生活亦都非常多姿多彩，無論係感情路定違法都可以話係好有經驗！而家就一齊黎睇下佢過往曾經發生過啲咩事啦～

Photo from 楊明IG

2005年，楊明就比人發現將架車停泊喺佐敦道中間行車線度訓覺，接受酒精測試之後證實超標，以涉嫌酒後駕駛被捕。後來被判停牌一年同罰款7,000元。

Photo from 楊明FB

2006年，楊明就因為喺夜店被拒絕入場，用腳踢保安員而被判守行為。但守行為期間，佢就飲醉酒後去便利店用回鄉卡當八達通咁用咗兩次。但就因為交易唔成功而令佢非常憤怒，所以將店內嘅八達通機擲出店外同埋打爛咗一個香煙廣告箱，因此而被判社會服務令150小時同賠償3,880元比便利店。

Photo from 楊明FB

2020年1月，楊明所經營嘅餐廳就被發現用「食物製造廠牌照」黎招待食客。經過食物環境衛生署嘅調查後，發現2019年9月同2010年1月都有違規嘅情況，並向餐廳負責人發出無牌經營食肆嘅檢控。而佢回應嘅時候就話成日都會收到啲好無理嘅投訴，覺得自己係被針對。同年，佢涉嫌盜用「泰國藍象」嘅商標用於自己餐廳嘅海報上，並被泰國藍象的港澳總代理喺官方專頁警告必須要喺兩星期內移除所有同「藍象」有關嘅宣傳品，否則將會對佢作出檢控。