李佳芯/鄺潔楹/黃翠如最清純，岑麗香/湯怡變化超大！盤點10位香港女星學生相！
近年唔少女星都會喺自己嘅社交網上分享童年照或學生相，大部分女星都可以話係愈大愈靚，有啲仲同細個時判若兩人！今次就同大家整理咗 10 位女藝人嘅學生相，睇吓佢哋係「由細靚到大」定「女大十八變」喇！
陳自瑤
陳自瑤早前喺 IG 就大方分享自己中學時期嘅學生相，同依家可以話根本冇咩分別，一樣咁靚，好似睇唔到歲月痕跡咁。即使已有一女嘅佢身型依然 keep 得好好，睇起嚟依然少女感十足！
依家：
李佳芯
李佳芯（Ali）自 2012 年轉投 TVB 後，憑「小三」一角成功演到上女一嘅位置，後來更多飾演專業人士嘅角色，深得唔少觀眾緣！而學生時期嘅 Ali 已經係一位大眼瓜子臉嘅標準女神外型，相信當年已經係唔少學生哥嘅女神嚟呀！
依家：
湯怡
最近正式成為人妻嘅湯怡喺學生時期嘅皮膚比較深色，同佢依家白哲肌膚形成強烈嘅對比，如果齋睇學生相，可能真係認唔到佢呀！
依家：
岑麗香
岑麗香學生時期同依家有啲出入，當時嘅佢唔止有單眼皮嘅眼睛，眉毛好細長，臉型仲有啲 baby fat 添，同依家相比真係「女大18變」呀！依家岑麗香超明顯嘅雙眼皮同尖尖嘅瓜子面，真係分別都幾大！
依家：
鄺潔楹
28 歲嘅女神鄺潔楹（Judy），除咗清純甜美外表外，仲係娛圈中嘅小富婆嚟。早前佢就公開自己小學生 look 嘅相，相中佢戴住白色頭箍，好可愛，個靚樣真係冇咩點變㗎！
依家：
劉佩玥
劉佩玥學生時期其實跟依家分別唔太大，相中身穿運動服裝嘅佢更顯清純，而從小到大的臉型都係有小小 baby fat 咁，睇嚟真係好難減走呀！
依家：
黃翠如
黃翠如細個時曾留過個「冬菇頭」，臉型亦明顯比依家肥少少，感覺仲有啲似男仔添！之後留有一把黑長髮嘅佢，眉目清秀超有氣質～
依家：
蔣家旻
憑「馬子妮」一角為人熟悉嘅蔣家旻雖然已經 30 歲，其天生麗質嘅少女味同學生時期相比，感覺就好似時光喺佢身上停止咗一樣。
依家：
鄧佩儀
前華姐冠軍鄧佩儀曾經自言非常鍾意返學，興趣多多係校內嘅活躍分子嚟，仲贏過唔少地區獎項。讀書時嘅活躍性格令佢走上選美之路，大學佢仲參加過電台 DJ 比賽，喺眾多參賽者中成功打入八強，認真利厲！
依家：
阮小儀
小儀喺圈中出名玩得，但如果只睇外表完全睇唔出佢已經 50 歲，喺佢身上可以話係真正歲月不留痕，keep 非常好，睇吓依張三十幾年前佢中學年代嘅學生 look 真係冇咩分別㗎！
依家：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
6位藝人貼紙相曝光！馮盈盈mk金毛/GEM男友甜蜜錫面/Angelababy同朋友撞樣
12 Mar 2021
影貼紙相係唔少八、九十後嘅集體回憶，原來有好多藝人都做過同樣嘅事！一齊回顧6位藝人影嘅貼紙相，根本係時代嘅眼淚！
1. Twins
2001年出道嘅Twins，當時係眾多八、九十後嘅偶像，佢哋梗係有影過貼紙相啦！
早於2015年阿Sa蔡卓妍就喺微博公開過同阿嬌2005年影嘅貼紙相，佢哋影嗰種係將人頭key喺唔同嘅圖入面，雖然無擺pose，但就表情多多～
Photo from 蔡卓妍微博
Photo from 蔡卓妍微博
Photo from 蔡卓妍微博
2. 馮盈盈
90後馮盈盈嘅舊照喺網上都搵到唔少，其中有佢同朋友影嘅貼紙相。
相中佢染咗金色頭髮，mk味濃！不過佢影嘅貼紙相比較簡單，無加到貼圖裝飾，但仍然睇得出眼睛有變大嘅效果。
Photo from 馮盈盈IG
3. G.E.M. 鄧紫棋
G.E.M.曾經喺微博公開過同朋友影嘅貼紙相，不過佢表示：「小時候第一次跟朋友照大頭貼，因為樣子太醜所以我把它畫成這樣。」竟然因為影得唔靚而畫花晒個樣！
佢同初戀男友嘅貼紙相亦喺網上流傳，G.E.M.男友更親蜜錫女友面珠，好sweet，根本就係當年情侶貼紙相嘅必備pose～
Photo from G.E.M.微博
Photo from 微博
Photo from G.E.M.微博
4. Angelababy
Baby之前同一班朋友去日本旅行，仲齊齊影貼紙相留念添～
喺放大眼睛同尖面effect下，Baby竟然同朋友撞樣！網民都話「傻傻分不清」。
Photo from mikocokiki微博
Photo from mikocokiki微博
Photo from Angelababy微博
5. 楊冪
內地一線小花楊冪早年影嘅貼紙相曝光，佢加咗唔少貼圖，留齊蔭嘅佢擺出唔同pose同表情，好young好pure！
Photo from 微博
Photo from 微博
Photo from 楊冪微博
6. 楊丞琳
台灣女星楊丞琳曾經喺IG Story公開過同小鬼黃鴻升嘅貼紙相懷念對方。
當時兩人得10幾歲，一臉青澀，楊丞琳都話：「我們好青春，完全不覺得是21年前的事。」
Photo from 楊丞琳IG
Photo from 楊丞琳IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
