《真·三國無雙》古天樂呂布造型激似項少龍！林雪神還原董卓！尷尬特效被指似印度神劇

電影《真·三國無雙》預告公開，古天樂飾演嘅呂布造型同項少龍超似！另外仲有韓庚、林雪、呂良偉、劉嘉玲、古力娜扎參演。引起網民熱議。

Photo from 《真·三國無雙》

《真.三國無雙》改編自遊戲，電影搵咗中港多位演員出演，古天樂飾演呂布，喺預告片中有唔少鏡頭，包括身穿戰服出兵、騎馬、亦有同貂蟬（古力娜扎飾演）擁抱戲份。

Photo from 《真·三國無雙》

Photo from 《真·三國無雙》

古天樂嘅呂布造型被唔少網民笑指撞樣《尋秦記》嘅項少龍！話項少龍今次唔係穿越去秦朝，而係去咗三國：「以為項少龍走出來」

Photo from 《真·三國無雙》

Photo from 《尋秦記》

Photo from 《真·三國無雙》

Photo from 《真·三國無雙》

但另一位演員嘅造型就大受好評，預告中林雪僅有一個近鏡但已獲網民肯定，觀眾佢指神還原遊戲中嘅董卓：「只有呂良偉的袁紹跟林雪的董卓我可以接受，其他都不行」。

Photo from 《真·三國無雙》

呂良偉飾演袁紹、王凱飾演曹操﹑韓庚飾演關羽、劉嘉玲亦有參演，飾鑄劍堡堡主。

Photo from 《真·三國無雙》

Photo from 《真·三國無雙》

Photo from 《真·三國無雙》

Photo from 《真·三國無雙》

除咗演員嘅造型備受網民關注是否還原遊戲角色外，電影嘅CG特效亦成為討論焦點！

Photo from 《真·三國無雙》

Photo from 《真·三國無雙》

預告有好多千軍萬馬、兵器飛天嘅場面，但有唔少網民就表示特效勁尷尬，CG太假：「這特效，大學生就能做出來了」、「我以為我在看印度神劇」，不過亦有網友指本身電影係改編自遊戲，覺得後期特效同遊戲差唔多好正常。

Photo from 《真·三國無雙》

Photo from 《真·三國無雙》

Photo from 《真·三國無雙》

即睇《真.三國無雙》電影預告：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

四大天王各捐$100萬助電影業度過難關！古天樂出手集資拍抗疫電影

8 Oct 2020

新冠肺炎疫情令電影業大受影響，古天樂打算開拍抗疫電影，但有指向政府申請資金獲批金額不足，於是再發起募捐，其中四大天王各自捐出$100萬，其他演員亦齊捐款助電影業度過難關。

疫情令香港電影業大受打擊，唔止電影拍攝要暫停，戲院停業亦令好多電影未能上映。

台前幕後從事演藝行業嘅基層收入大跌，香港演藝人協會會長古天樂為基層工作人員籌款派應急抗疫基金，以解佢哋燃眉之急！

早前古天樂夥香港電影工作者總會發起「香港電影工作者疫境支援計劃」募捐，獲10間電影公司，包括天下一、邵氏兄弟、寰亞電影、英皇電影、安樂影片、東方影業、中國星集團、寰宇娛樂、美亞娛樂、太陽娛樂文化捐款。

另外向電影發展基金申請$900萬資金，以$3900萬開拍抗疫電影《總是有愛在隔離》，希望可以為電影業界人士提供工作。但有指政府最終只批出申請資金嘅七成，於是古天樂等人需要再籌款以獲得足夠資金。

有報道指四大天王劉德華、郭富城、張學友、黎明都各自捐款$100萬，加上鄭秀文、劉青雲等亦齊齊捐出$50萬~$100萬，希望可以助電影業度過難關。

而捐款亦已透過演藝人協會，陸續發放畀台前幕後嘅業界人士。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

籌備3年本土製作！古天樂斥資4.5億拍港產科幻片《明日戰記》：香港都拍到大型科幻片

18 Mar 2019

以往睇親科幻片通常都係荷李活製作，一向支持港產電影嘅古天樂，就投資咗4.5億拍港產科幻片《明日戰記》。

《明日戰記》喺一年前就已經公開咗第一條預告，當時已引起大眾期待，事隔1年，再公開第二條預告，可以睇得出特技效果真係相當出色，可以同荷里活媲美。

Photo from 《明日戰記》

古天樂嘅公司天下一電影近年推出唔少港產片，例如《五個小孩的校長》、《逆流大叔》、《翠絲》等，今次更斥資4.5億拍攝大製作科幻特技片，力撐本土電影！

Photo from 《明日戰記》

《明日戰記》嘅前期籌備足足花咗3年，用半年時間拍攝，仲有超過1年嘅後期製作，係台前幕後所有人嘅心血，所以特效CG先咁出色。喺電影開鏡嗰陣古天樂就表示希望可以證明香港都拍到大型科幻片，相信預告入面嘅場景應該已經證明咗。

Photo from 《明日戰記》

Photo from 《明日戰記》

《明日戰記》由古天樂、劉青雲、姜皓文、劉嘉玲、謝君豪等主演，更有張家輝客串演出，陣容強勁。電影背景發生喺2055年，地球受到大量污染，加上外星異種藤蔓「潘朵拉」入侵，人類拚死一戰。

Photo from 《明日戰記》

Photo from 《明日戰記》

新推出嘅預告可以睇到唔少香港場景，喺特技CG技術下，熟悉嘅地方都變得荒蕪，仲有戰機、裝甲車等登場，效果震撼，果然真係做到古天樂所希望證明咗香港同樣可以做到世界級水平電影。

而各個重要角色都有一一出場，其中客串嘅張家輝就最為神秘，佢以白髮蒼蒼造型講出：「天幕就係我，我就係天幕。你聽清楚未？」令人非常好奇佢嘅真正身分。

Photo from 《明日戰記》

《明日戰記》依家仍未公佈幾時上映，不過釋出嘅預告已經令網民非常期待喇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）