侯佩岑媽媽拍《婆婆和媽媽2》重提當年介入閨密婚姻感自責　網友唔Buy：為咗賺錢再一次傷害對方！

By Celia on 09 Mar 2021

Digital Editor

綜藝節目《婆婆和媽媽2》自開播以嚟引起唔少話題，而其中侯佩岑同媽媽林月雲依對組合更引嚟唔少網友批評，甚至號召抵制侯佩岑嘅代言商品以及抵制拒睇節目。

侯佩岑嘅媽媽林月雲係 70 年代嘅台灣著名演員，年輕時更被捧作電視台嘅當家花旦。佢演出過唔少電影，但最為人熟悉嘅係佢當年曾介入製作人侯世宏及建商邱嘉雄嘅婚姻，兩位都係佢閨蜜嘅老公嚟，因此至今被網友譏諷為「地表最強小三」。

節目中侯佩岑同媽媽聊起過往點滴時重提當年林月雲 2 度介入閨密婚姻成為小三嘅感情一事，侯佩岑從媽媽的角度出發心疼媽媽一路以來承受委屈，並想透過節目嘅溫情效果，淡化大眾對往事嘅觀感。

侯佩岑緊牽林月雲嘅手安慰道：「其實我知道大人的世界並不容易，可是妳已經盡妳所能，讓我可以感受到童年都是快樂的、讓我沒有承受這些壓力。回想起來，我的家還是滿滿的愛。」、「是我長大才知道說，原來成人的世界是多麼不容易。」等，聽到侯佩岑咁講林月雲亦堅強指「只要妳沒有受傷就好。」並指「剩餘的時間，做一些該懺悔的事…。」接著緊抱著侯佩岑，頻頻道歉。

可惜事件並未如想像中發展，仲因此引起網友們嘅反感，指佢哋「在別人傷口上撒鹽」，事關佢卻冇對侯家及邱家兩家人冇任何表示，令觀眾無法諒解，畢竟佢曾重重傷害咗兩個家庭嘅感情。

雖然事後侯佩岑有就依件事發文道歉，但事件並未有平息，有網友甚至號召抵制佢代言嘅商品同抵制/拒看節目。而林月雲回首感情路時就曾說出：「萬般皆是命，半點不由人。」更一切歸咎於命運，將不倫行為合理化。

而近日台灣電視節目《關鍵時刻》嘅主持人更大罵二人為 1500 萬人民幣（約 1786 萬港幣）酬勞喺節目中再一次重提當年介入閨密婚姻一事，指佢哋點解都將當年嘅家醜喺真人騷公開講，如果真係要講真心話嘅話只要私下喺屋企講就可以冇必要喺節目中講，無疑係再次傷害當年嘅兩家人。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

楊明餐廳疑似再度違規有機會被吊銷牌照？食客本想打卡朝聖怎料成揭露違規有力證據？！

24 Feb 2021

近日有傳媒報導，藝人楊明嘅餐廳被發現違例！事關楊明位於工業大廈地庫嘅餐廳暫時只有工廠食堂牌照，只可以招待工廈內工作嘅員工，但佢就疑似違反規定招待街客堂食。因為唔少網民打卡同上載食評上網站，而令事件曝光，唔知又點收科呢！

Photo from 楊明IG

楊明孖住女友莊思明近年齊齊進軍飲食業，根據資料顯示，楊明係2020年一月已經違反過一次食品牌照嘅規例。因為當時楊明位於工廈嘅餐廳只係持有食物製造廠牌照，係唔可以招待非該大廈嘅員工堂食，而佢疑似招待街客，食環署亦有做出行動，向負責人提出檢控，但估唔到今次竟然疑似再犯。

Photo from 楊明IG

因為有唔少嘅網民專城去餐廳用餐後打卡甚至寫食評詳細描述食物、環境等，更有上載與楊明女友莊思明嘅合照，令事件曝光。按照食物環境衛生署官方網站開資料顯示，楊明嘅餐廳暫時只有工廠食堂牌照，而呢個牌照理應只可以喺招待該工廈內工作嘅人堂食。但多數食客都表示自己係「收工後趕過去」或者「專程坐車去試食」，「地方唔難搵」等等，疑似唔係在該大廈內工作，這些食評變相成為餐廳違規的有力證據。