泰國王室現實版「宮心計」懶人包！一文睇泰王後宮風雲事件簿！貴妃詩妮娜上位時間線

泰國王室後宮風雲可媲美《宮心計》，前貴妃詩妮娜（Sineenat Wongvajirapakdi）由被褫奪王室頭銜、入獄到復寵，成個過程好睇過電視劇！早前有傳泰王有意封詩妮娜做「第二王后」，但近日竟迎來大反轉？！整合泰王後宮爭寵風波懶人包，一文睇清「廢妃」詩妮娜點樣由失寵再上位又再度面臨失勢！

#封妃上位

詩妮娜於2019年7月28日獲泰王哇集拉隆功（Maha Vajiralongkorn）封為王妃，當時泰王已有王后素提達，雖然泰國實行咗一夫一妻制80幾年，但泰王甘為詩妮娜「破戒」冊封，可見詩妮娜幾咁受泰王喜愛。

#被廢入獄

不過僅3個月後，詩妮娜就被褫奪所有政府公職、軍職、爵位及勳章，理由係佢對素提達王后不恭敬，用各種方式反對泰王冊封素提達為王后，反而要泰王冊封自己做王后，終於被泰王廢妃，更有傳佢被判刑2年，打入「冷宮」。

#出獄復寵

2020年8月29日，詩妮娜正式出獄，即獲安排直飛德國陪侍度緊假嘅泰王，之後泰王宣佈恢復詩妮娜一切王室頭銜、軍職、軍銜、勳章，迅速復寵！有指佢入獄未見泰王多時仍能重獲泰王寵愛嘅原因係因為得到前下屬歐拉弄（泰王當時新寵妃）嘅幫助。

#不雅照曝光

詩妮娜復寵後地位越嚟越穩固，9月時有超過1,000張詩妮娜性感不雅照流出，當中更不乏露出體毛嘅照片。泰王第三任妻子西拉米曾因為爆出不雅片段而形象插水，之後因為家族涉貪被廢除所有頭銜，貶為庶人，更削髮為尼，被逼與兒子分離，有前車之鑒，外界普遍認為有人想使計破壞詩妮娜形象，令佢再次失寵。

#地位穩如泰山

但係詩妮娜不雅照曝光後地位仍然穩如泰山，身為貴妃嘅佢，更取代正宮王后素提達陪伴泰王參與皇室公務，佢同泰王身穿同色系情侶裝，可見非常得寵！

#泰王有意封為「第二王后」？

詩妮娜復寵後似乎越嚟越得泰王歡心，泰王唔止親自為詩妮娜36歲生日大辦祈福慶祝儀式，仲放棄代表尊貴王室地位嘅金黃色，選擇同詩妮娜著同色系情侶裝現身！

更有研究泰國王室嘅資深記者指泰王近日有意將詩妮娜升為「第二王后」！有傳感到正室地位受到威脅嘅素提達王后馬上搵嚟泰王親妹詩琳通公主（Maha Chakri Sirindhorn）勸泰王三思而行。但兩兄妹談話非常不愉快，記者透露泰王放出惡犬趕走妹妹，甚至打到公主骨折！雖然消息未獲證實，但王室喺社交媒體發佈詩琳通公主坐輪椅相片，指公主於1月11日健身時整傷腳踝，令更多人相信泰王兄妹真係發生過爭執。

#晉位受阻？

泰國王室官方最近公開多張泰王出席曼谷大皇宮玉佛寺佛像更衣儀式嘅相，詩妮娜貴妃同素提達王后都有參加，而喺行拜禮時，貴妃詩妮娜行嘅係「五體投地」跪拜禮，王后素提達則坐喺專屬座位上，王后地位似乎未受動搖。同時泰王近日授予後宮妃子軍銜，有指詩妮娜拉攏咗泰王嘅寵妃以擴展勢力，鞏固自己喺泰王後宮嘅地位。

泰國王室爭寵真係好睇過好多宮鬥劇，可能好快又有「新一集」都唔定！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

傳梅根叫哈里驗DNA證明非查里斯王子親生仔！以求徹底脫離英國王室？

9 Nov 2020

英國皇室哈里王子同妻子梅根卸下重要成員身分震撼全國，近日有傳梅根深信哈里係戴安娜王妃同情夫生下嘅私生子，叫丈夫驗DNA，證明唔係查里斯王子親生，以求可以徹底脫離英國王室。

英國皇室哈里王子同妻子梅根發表聲明卸下皇室重要成員身分，消息震撼全國，雖然兩人同仔仔已移居美國，但仍有唔少小道新聞傳出。

日前美國雜誌《Woman's Day》報道指之前一直有流言指哈里王子同查里斯王子唔似樣，根本唔係親生父子。

而戴安娜王妃20年前訪問就提到同和前騎兵軍官James Hewitt處於熱戀，梅根就希望丈夫哈里可以驗DNA，證實自己唔係查里斯嘅兒子。

雜誌又指梅根之所以咁做，係因為佢想盡快徹底脫離英國王室，一旦證明哈里非查里斯王子親生，咁一切就順理成章。

不過有網站反駁，哈里唔會係戴安娜同情夫生嘅私生子，因為戴安娜同James Hewitt 1989年先開始交往，當年哈里已經5歲。

網站指出梅根唔會咁多此一舉，所以認為有關報道並非事實。

資料來源：gossipcop.com

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

傳哈里梅根偷偷轉讓英女皇贈送的溫莎堡別墅！梅根自爆7月曾流產！

26 Nov 2020

英國王室嘅哈里王子（Prince Harry）與梅根（Meghan Markle）卸下重要成員身分後移居美國，梅根更撰文自爆7月曾流產，有傳佢哋夫婦將英女皇贈送的浮若閣摩爾別墅（Frogmore Cottage）轉讓予尤金妮亞公主。

哈里王子（Prince Harry）與梅根（Meghan Markle）宣佈卸下皇室重要成員身分，佢哋同仔仔一家三口移居美國。

Photo from Pinterest

當初哈里同梅根結婚前，英女皇將浮若閣摩爾別墅（Frogmore Cottage）送贈二人作為佢哋嘅英國居所，哈里夫婦更豪花咗240萬英鎊（約港幣$2,500萬）嘅「皇室撥款」（Sovereign Grant）用作裝修支出。

Photo from Pinterest

不過今年初兩人發表聲明宣佈卸下皇室重要成員身分，之後就移居美國加州。

Photo from Pinterest

有傳佢哋將家當都搬走，更將別墅轉贈予尤金妮婭公主同佢哋丈夫入住，並一直向英女皇同王室成員隱瞞有關決定。4人就別墅事宜達成共識後，英女皇先知道呢件事。

Photo from Pinterest

消息指哈里同梅根對王室毫無留戀，清空別墅物品運往加州，無意重返溫莎堡，計劃喺美國長住。

Photo from Pinterest

哈里、梅根早前宣佈同Netflix簽約製作多個節目，並於9月歸還240萬英鎊公帑裝修費。

Photo from Pinterest

梅根近日親自撰文，自爆今年7月曾經流產，失去第二個孩子。文中提到佢一日正要幫兒子阿奇（Archie）換尿片時，突然感到胃部一陣疼痛，更痛到跌坐地板上，幾個小時後，佢已經喺醫院病床上。

Photo from Pinterest

佢表示當時心情非常悲痛，哈里喺佢身邊握住佢嘅手，而梅根指感受到佢濕透手心，夫婦都忍唔住流下眼淚。

Photo from Pinterest

梅根罕有談及私事，佢表示知道很多女性都有類似經歷，但願意講出嚟嘅人唔多，希望分享自己嘅經歷可以安慰到其他曾經流產嘅女性。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）