download HolidaySmart 假期日常 app
陳自瑤重現頒獎禮經典黑面 認自己慢熱睇落難相處:有時會亂諗嘢令自己唔開心

陳自瑤重現頒獎禮經典黑面 認自己慢熱睇落難相處:有時會亂諗嘢令自己唔開心

娛樂新聞
By Stephanie on 09 Mar 2021
Digital Content Writer

近來,越來越多藝人都開始向Youtuber嘅方向發展,陳自瑤亦都開咗個自己嘅頻道,仲邀請咗好姐妹黃翠如同連詩雅做嘉賓玩大踢爆。期間,黃翠如仲非常大膽咁叫陳自瑤再做多次經典黑面表情,果然係好姐妹~

陳自瑤FBPhoto from 陳自瑤FB

陳自瑤 (Yoyo)嘅Youtube channel開咗大概一個月就已經有56K嘅訂閱人數,可以話係有非常好嘅迴響。近日,佢就邀請咗黃翠如同連詩雅黎玩「閨蜜大踢爆」,由佢哋三個打打鬧鬧嘅片段可以睇得出佢哋嘅感情好好。

陳自瑤FBPhoto from 陳自瑤FB

而其中一條嘅題目就係叫佢哋用一個水果黎形容對方,黃翠如就指Yoyo似菠蘿,因為認為佢係一個有刺嘅人,但實際上內心係一個好sweet嘅女仔。仲即刻叫對方向鏡頭擺無表情嘅樣,話佢呢個樣成日令人誤會佢好寸。

陳自瑤YouTubePhoto from 陳自瑤YouTube

之後,陳自瑤亦都承認自己係一個比較慢熱嘅人,仲話細個嘅時候比而家更加誇張,導致成日都比人覺得佢好難相處。正因為佢知道自己呢個缺點,所以佢而家都好努力咁調整緊自己。

陳自瑤YouTubePhoto from 陳自瑤YouTube

陳自瑤仲話係電視劇嘅角色改變咗佢,因為佢自己係一個好投入咁演戲嘅人,當佢演緊某一個角色嘅時候,佢果一排就會變到同個角色好似。喺演《那些我愛過的人》嘅時候,佢就發現個角色係一個可以令周圍嘅人都好開心嘅人,所以即使劇集完咗佢都無完全抽離角色。

TVBPhoto from TVB

連詩雅亦講咗Yoyo嘅缺點就係每件事都會諗太多,而黃翠如就即刻爆料話佢連轉髮型都諗咗一年!所以Yoyo就話好感激身邊有佢哋兩個睇住佢,令佢唔會向唔好嘅方面諗~

黃翠如FBPhoto from 黃翠如FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

再惹婚變揣測?!陳自瑤進駐抖音冷笑發布「自強宣言」:我會變得更好...但不是為了你

1 Feb 2021

上個月 TVB 《萬千星輝頒獎典禮 2020》中王浩信就憑《踩過界 II》再度奪得視帝,但全晚嘅焦點就落咗喺佢多謝老婆陳自瑤 Yoyo 時,Yoyo 喺台下無表情一事上,再引嚟網民紛紛猜測二人嘅婚姻關係,指二人貌合神離。而近日佢除咗成日更新社交平台之外,近日佢更正式進駐抖音,並發布「自強宣言」。

陳自瑤自 2011 年與王浩信結婚後育有一女

陳自瑤自 2011 年與王浩信結婚後育有一女,一開始時二人不時都會大晒恩愛,可惜直到王浩信事業起飛多次同其他女星傳出緋聞後,令唔少人猜測嘅婚姻關係出現裂痕,只不過二人一直多次否認或不作回應。直到王浩信再封視帝,喺台上公開多謝 Yoyo 為照顧家庭付出,但 Yoyo 喺台下全程無表情,再次令婚變之說被熱烈討論。

今年王浩信再封視帝,喺台上公開多謝 Yoyo 為照顧家庭付出,但 Yoyo 喺台下全程無表情,再次令婚變之說被熱烈討論。

而近日佢就進駐新領域,不時喺其抖音帳號中上傳短片。

bkn-20210201101344713-0201_00862_001_02b

片中 Yoyo 身穿黑色披上牛仔外套並微笑以國語對鏡頭講:「我會變得更好,因為你,但不是為了你。」

片中 Yoyo 身穿黑色披上牛仔外套

笑住以國語對鏡頭講:「我會變得更好,因為你,但不是為了你。」

最後加上一個冷笑高傲表情,說話抑揚頓挫、感情豐富,配埋有啲 Sad 嘅背景音樂,不禁令人感到幾分唏噓!

最後加上一個冷笑高傲表情

依段短片一出,隨即再度引起大家猜測佢同王浩信嘅婚姻關係,指佢有弦外之音,依段話係咪想講畀對方聽,網民都猜測係咪,「你這是在暗示嗎?」、「甚麼情况呀?」。


在 Instagram 查看這則貼文

陳自瑤yoyo(@chenchiyiu)分享的貼文

另外,亦有網民搞笑提起王浩信喺《踩過界》中盲俠一角,指:「還好是盲俠,要是聾俠就聽不見了。」、「王先生呀…聽到沒……」。

有網民搞笑提起王浩信喺《踩過界》中盲俠一角

雖然一切都只係大家嘅猜測,不過按照佢哋嘅習慣睇嚟都會唔會有回應,所以大家只好繼續估吓喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel