李施嬅神秘型男未婚夫曝光？身價豐厚疑似係Brian cha細佬？

現年 40 歲嘅李施嬅 2 月初時就突然喺 IG 晒出巨鑽戒指宣布結婚，但佢同「胡說八道會」嘅一班好姊妹都對未婚夫嘅身份保持神秘，一直以未婚夫係圈外人為由唔肯透露對方嘅底細，並只用「C君」嚟稱呼對方，而近日依位咁神秘嘅未婚夫嘅身份疑似爆光！

早前李施嬅喺加拿大國拍完劇返香港，有指佢為避開傳媒追訪，刻意喺返到香港嘅幾日後先上載坐飛機嘅照片，所以話咁快佢就己經完成隔離，近日仲被傳媒影到佢疑似同未婚夫「C君」相約見面添。

有報道指李施嬅一個隔離完就心急同未婚夫見面，二人相約喺一間日本餐廳食飯，雖然並冇太多親熱舉動，更刻意保持距離，但如此小心嘅舉動更令人懷疑。

有指李施嬅嘅未婚夫「C君」就係周潤發（發哥）與郭富城嘅私人健身教練車崇健（Anson Cha），佢喺圈中可以話係出名嘅星級私人健身教練嚟。與吳鎮宇、關智斌、楊千嬅、余文樂等藝人都十分相熟。。Anson除咗幫一班巨星減肥、操肌外，佢仲經常同發哥一起跑山，以及陪同發哥出埠開工貼身進行訓練。

而 Anson 生活向來低調，據悉佢家底豐厚，名下有過千萬物業！早年更喺觀塘工廈單位內開設健身室，收費每小時 2,000 元起跳，有唔少明星名人熟客！加上佢亦可以算係半個圈中人，事關佢本身係「香港動作特技演員公會」董事及動作體能指導，仲喺 2011 至 2013 年期間曾以董事身份任「香港電影金像獎協會」董事局成員添。

Anson 同網紅 Brian Cha 超似樣，更是同一姓氏，令人懷疑二人有所關聯。網絡紅人Brian Cha 曾經講過自己做健身教練出身，後轉做投資導師，自己有一個細佬，對然二人在IG上並沒有互相關注，但Brian Cha 去年 8 月時曾喺 IG 上傳一家人慶祝生日嘅相中最左邊嘅男士同 Anson極為相似，而喺同年 9 月 Anson 曾在IG健身片中，穿上同款白色短褲和淺灰色legging，難怪不少網民都懷疑Anson 就是Brian 細佬。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

40歲李施嬅入行18年感情低調！回顧歷年4段戀情！曾與好姊妹胡杏兒老公拍拖

08 Feb 2021

40歲李施嬅突然喺IG晒出巨鑽戒指疑宣佈結婚，佢自參選香港小姐入行18年，感情向來低調，但被指專揀富二代拍拖，其中亦包括「胡說八道會」好姊妹胡杏兒老公李乘德。

Photo from 李施嬅IG

今年40歲嘅李施嬅2003年參選香港小姐，雖然三甲不入但加入TVB成旗下藝人。佢入行多年嚟一直對感情事都相當低調，自2019年與TVB結束合約後離巢，現時喺加拿大拍攝加拿大劇集中，突然喺IG post出巨型鑽戒，以hashtag「#ISaidYES」疑宣佈結婚。

Photo from 李施嬅IG

佢入行18年嚟情路不平，最廣為人知嘅有4段戀情：

#鄧健泓

2005年拍攝電視劇《老婆大人》時與鄧健泓戲假情中拍拖，呢段戀情持續5年，更係李施嬅入行以嚟唯一公開承認嘅圈中男友。

Photo from 《老婆大人》

有傳佢哋因為愛得太高調被高層棒打鴛鴦，要佢哋低調處理感情，結果兩人拖拖拉拉結束5年戀情，2010年宣佈分手。

Photo from 鄧健泓Facebook

事隔幾年，李施嬅喺商台節目中大方談及分手原因，佢指鄧健泓其實唔係佢中意嘅類型，同對方亦唔算好夾，但鄧健泓為人細心，加上當時李施嬅爸爸生意失敗，鄧健泓嘅關心打動咗佢，不過最終李施嬅去加拿大讀書時決定結束呢段感情。

Photo from 李施嬅IG

#李乘德

與鄧健泓分手後，有傳李施嬅戀上李乘德（Philip），佢哋2011年開始拍拖，之後離離合合未能修成正果。

2015年李乘德與李施嬅好姊妹胡杏兒結婚，兩人同屬「胡說八道會」，喺胡杏兒婚禮上李施嬅亦有擔任姊妹角色，二人友情未有因此而生變。

Photo from 李乘德IG

Photo from 李施嬅IG

Photo from 胡杏兒微博

#潘樹維

李施嬅2014年潛水時結識香港潛水總會董事局成員，同時任投資公司董事總經理嘅潘樹維，不過二人相戀2年後於2016年分手。

Photo from 李施嬅IG

除咗以上3段戀情外，李施嬅更透露試過同廿幾歲嘅男生拍過拖，但因為藝人身份要不定時工作，佢被對方抱怨無時間陪伴。李施嬅自言抗拒姊弟戀，指希望伴侶年紀比佢大，成熟啲。

Photo from 李施嬅IG

李施嬅入行多年，與唔少富二代傳過緋聞，但佢否認「釣金龜」傳聞，直到2019年佢宣佈離巢，同年七夕，佢晒出99朵玫瑰，但未有明言係邊個送嘅。估唔到一年多後佢就宣佈喜訊！如果紮玫瑰係佢伴侶送嘅，咁佢哋應該拍咗拖近兩年～

Photo from 李施嬅IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）