download HolidaySmart 假期日常 app
太古坊糖廠街市集「品茶節」必試特色茶飲及美食!附市集全年飲食主題

太古坊糖廠街市集「品茶節」必試特色茶飲及美食!附市集全年飲食主題

香港好去處 生活熱話 美食推介
By Ella on 10 Mar 2021
Digital Content Writer

太古坊糖廠街市集嚟緊全年都會舉辦唔同主題嘅市集,打頭陣嘅就係3至4月舉辦嘅「品茶節」,可以食勻手工 Bagel、人氣雞翼,仲可以飲盡手沖茶、抹茶飲品!

今次嘅「品茶節」集合咗好多間知名茶店,提供多款特色茶飲及以茶入饌嘅美食!

今次嘅「品茶節」集合咗好多間知名茶店,提供多款特色茶飲及以茶入饌嘅美食,鍾意茶嘅朋友千萬唔可以錯過啊!
一齊搶先睇下有咩攤位:

茶研

「茶研」係結合傳統茶藝及現代泡茶技藝嘅茶舍,以精品茗茶為主題,同時都提供素食餐點,今次「茶研」將會提供季節限定冷泡茶──「鳳凰單欉」及「金萱烏龍」,另外,亦有各款精選茗茶例如日本宇治薄茶,配以和菓子。食素嘅朋友可以去試吓!

「茶研」係結合傳統茶藝及現代泡茶技藝嘅茶舍,以精品茗茶為主題,同時都提供素食餐點。

Winstons Coffee

「Winstons Coffee」除咗有咖啡之外,仲有咖啡雞尾酒,同時更為市集調製咗 Teapigs 人氣 CBD 冷泡茶。

「Winstons Coffee」除咗有咖啡之外,仲有咖啡雞尾酒。

圓貝

「圓貝」係香港首家以環保、健康為主題嘅素純珍珠奶茶專門店,主打健康養生珍珠奶茶,而且全部選用自家製材料。今次會提供「鴛鴦2.0」、「鳳凰茉莉米蓋」 、「菠菜芝菇饀餅」、「純素鬆餅」及牛角包等,注重養生嘅朋友可以一試!

「圓貝」係香港首家以環保、健康為主題嘅素純珍珠奶茶專門店,主打健康養生珍珠奶茶,而且全部選用自家製材料。

汴京茶寮

澳門人氣茶舍「汴京茶寮」特別為市集沖泡限定「金萱烏龍」及三款限定冷泡茶包括「大吉嶺夏摘紅茶」、「靜岡手摘碾茶」及「櫻花白茶」,各位茶控們點可以錯過!

澳門人氣茶舍「汴京茶寮」特別為市集沖泡限定「金萱烏龍」及三款限定冷泡茶。

雞翼山

有得飲又點可以冇得食?人氣雞翼專門店「雞翼山」都會喺市集擺檔,仲為市集特别研製咗「伯爵茶雞翼」!

人氣雞翼專門店「雞翼山」都會喺市集擺檔,仲為市集特别研製咗「伯爵茶雞翼」!

樂茶軒

「樂茶軒」除咗有罐裝「正山普洱英式啤」及「茉莉香片小麥啤」兩款茶啤外,更為市集推出茉莉花茶、桂花烏龍,仲有玫瑰普洱奶凍等多款素點心。

樂茶軒

Brickery Bread

人氣 IG 網店「Brickery Bread」係香港本地純手工烘焙品牌,今次都會參加市集,更會為市集提供低卡低糖、健康無負擔嘅手工 Bagel。

人氣 IG 網店「Brickery Bread」係香港本地純手工烘焙品牌。

Le Cha

「Le Cha」挑選上乘嘅茶葉及原料,製作出抹茶撻、焙茶撻、芝麻撻等口味嘅甜品,鍾意食甜品嘅朋友不能錯過!

Le Cha 會提供抹茶撻、焙茶撻、芝麻撻等口味嘅甜品,鍾意食甜品嘅朋友不能錯過!

除咗以上食店,仲有 Cupping Room 團隊嘅「Doubleshot by Cupping Room」、抹茶控必試嘅本地品牌「MATCHALI」及香港首間手沖日本茶吧「上林茶舍」等進駐市集。

糖廠街市集今年全年都會有主題市集,每兩個月就會有全新飲食主題,「品茶節」之後仲有「街頭美食」(5月3日至7月2日)、「兩極盛夏」(7月5日至8月27日)、「亞洲滋味」(8月30日至10月29日)及「咖啡節」(11月1日至12月24日),有興趣嘅朋友就要留意啦!!

2021 糖廠街市集主題

主題 日期
品茶節 3月8日至4月30日
(星期一至五舉行,公眾假期除外)
街頭美食 5月3日至7月2日
兩極盛夏 7月5日至8月27日
 亞洲滋味  8月30日至10月29日
咖啡節  11月1日至12月24日

(*詳情請參閱太古坊糖廠街市集官網)

太古坊糖廠街市集「品茶節」
日期:3月8日至4月30日(星期一至五舉行,公眾假期除外)
時間:上午8時至下午3時
地點:鰂魚涌太古坊一座地下

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel