馮盈盈「反駁」P圖疑雲! 強調自己唔使執相叫網民自己睇片

娛樂新聞

By Stephanie on 11 Mar 2021

Digital Content Writer

近日，馮盈盈同江嘉敏被電視台強制「破冰」，要求佢哋齊齊主持新節目《解構心機女》。佢哋就各自喺自己嘅IG度po上合照，但就有網民發現咗兩人p圖嘅小心機。對於網民嘅評論，馮盈盈就上載性感照反駁，仲話要教大家執相技巧。

Photo from 馮盈盈IG

雖然馮盈盈同江嘉敏都有喺IG po合照向大家表示已經和好，但係就有好多網民唔信佢哋，仲話佢哋兩人根本就只係做緊表面工夫比大家睇。事關眼利嘅網民們都發現佢哋各自上載嘅照片有少少唔同，令P圖嘅疑雲變得愈黎愈大！

Photo from 馮盈盈IG

網民就發現兩人所上載嘅照片都只係偷偷咁將自己P靚啲，但就無順便幫對方執埋。唔知大家又睇唔睇得出兩張相嘅分別呢？

Photo from 馮盈盈IG

Photo from 江嘉敏IG

江嘉敏就喺IG所打嘅caption：「難得師姐請我這個新人喝珍珠奶茶，但我這個星期不能碰冰﹗對不起啦，師姐，下次再請我喝吧！」而且仲疑似串馮盈盈P圖，將P圖矛頭指向對方，仲話佢自己好忙連filter 都唔會加，句句都好有骨，又難怪網民唔相信佢哋已經和好嘅～

Photo from 江嘉敏IG

琴日，馮盈盈就喺IG po咗破格嘅黑唇性感照。仲大方咁話如果大家想知道佢執相執得有幾勁，就去睇佢拍攝嘅幕後花絮，令唔少網民都留言話支持佢！

Photo from 馮盈盈IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

馮盈盈江嘉敏破冰世紀合照！一人獲讚大方一人被指小器？網友：以德報怨向你學習！

9 Mar 2021

馮盈盈同江嘉敏曾經係好姊妹，但上年因「富豪船P」事件而「反目」，但兩人獲TVB委派齊齊擔任《解構心機女》主持，更世紀合照！

Photo from 江嘉敏IG

馮盈盈同江嘉敏兩人都是非多多，雖然姊妹情不再，但早前爆出兩人被TVB新上任高層曾志偉點名做新節目《解構心機女》嘅主持，外界關注兩人到底會喺節目擦出啲咩火花！

Photo from 江嘉敏IG

今日《解構心機女》終於開拍！馮盈盈更喺IG PO合照，佢留言：「20210309 破。冰...sorry打錯，走冰先啱，珍珠奶茶少甜走冰。知道嘉敏今日第一次做主持請你飲珍珠奶茶，為你加油打氣，我哋一齊做好個show！#解構心機女#珍珠奶茶 #台灣風味 #少甜走冰 #低糖低熱量 #期待新火花」

Photo from 馮盈盈IG

馮盈盈「萬歲」請晒全場飲嘢，曾經同對方情同姊妹嘅佢仲特登為江嘉敏嗌少甜走冰嘅珍珠奶茶，非常細心！佢為首次做主持嘅江嘉敏打氣獲網友大讚「完美展現以德報怨，要好好向你學習」。

Photo from 馮盈盈IG

有網友就發現馮盈盈同江嘉敏合照中兩人都有啲拘謹，但馮盈盈喺合照、Story都有tag江嘉敏，表現大方。

Photo from 馮盈盈IG

相反江嘉敏喺IG亦只係晒出個人照：「一直很感恩公司的栽培。我今年是第一次參與新年Show，很開心很興奮亦很感恩能有這個機會，能在一個喜慶的節日跟大家分享快樂。再次恭祝各位身體健康，心想事成，疫症快點兒消失，每個人都可以去旅行。而且，今年也是我第一次在TVB裡當主持，又興奮又緊張！明天 #盧小寶可以放假一天，江嘉敏出來，繼續絞盡腦汁花盡心機去做《 #解構心機女》！#第一次係TVB做主持 #聽日第一日開工喇我 #辛苦經理人劇組同節目組一齊幫我夾期 #我會努力好好學習 #3月底開始麻煩大家要開電視喇 #到時真係要 #睇我啲片要開喇叭 #有幾位綜藝師姐帶領住我呢個新人 #外景緊差啲唔記得出post #新年show中咗個大大金元實帶俾我運氣」