「星夢一姐」菊梓喬大合照企側邊！直言：可能下次見我唔到
Photo from 星夢娛樂
TVB搵咗「獎門人」曾志偉上任副總經理，對綜藝、娛樂節目大改革，而星夢娛樂原CEO何哲圖離職，由何麗全擔任星夢新CEO。
Photo from 星夢娛樂
喺曾志偉力推下，TVB同3大唱片公司「破冰」，三大旗下歌手可再上TVB，亦可繼續現身其他電視台，而原本嘅「星夢幫」被指成「棄將」，工作機會大減。
Photo from TVB
TVB日前舉行《博愛歡樂傳萬家》記者會，3大旗下歌手如Gin Lee、AGA、欣宜、C ALL STAR等都有份出席，星夢代表僅派出「一姐」菊梓喬、谷婭溦同JW王灝兒。
Photo from TVB
Photo from TVB
Photo from TVB
貴為一姐嘅菊梓喬3奪勁歌「最受歡迎女歌星」，以往影大合照中多數都係企中間。
Photo from 菊梓喬IG
Photo from 星夢娛樂
Photo from 星夢娛樂
不過今次記者會大合照時，「星夢一姐」菊梓喬被安排企喺側邊位，與以往一姐待遇大有不同，被問到星夢歌手會唔會以後演出機會減少，菊梓喬直言：「可能你下次見我唔到！」佢指樂壇應該百花齊放，有唔同歌手出演唔同節目，令大眾Keep住有新鮮感。
Photo from TVB
Photo from TVB
雖然作為星夢娛樂舊CEO何哲圖嘅愛將，有傳聞指菊梓喬可能會跟舊老闆離開，不過佢否認，又表示同新老闆何麗全會面後想走唔同音樂風格，對日後發展感期待。
Photo from 星夢娛樂
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
菊梓喬自幼被父母離棄！13歲輟學養妹 自爆紅咗之後多年未見父親竟主動搵佢
1 Feb 2021
菊梓喬（HANA）喺《勁歌金曲頒獎典禮2020》三奪「最受歡迎女歌星」，事業發展越嚟越好，其實佢入行前遭遇頗為坎坷，自細父母離異，年紀小小就肩負賺錢養家嘅責任，依家終於捱出頭，Hana透露父親有主動聯絡佢。
Photo from 菊梓喬Facebook
菊梓喬貴為「星夢一姐」，同事兼競爭對手吳若希生仔專注家庭，Hana事業越嚟越順利，以「無對手」姿態下蟬聯TVB「最受歡迎女歌星」，平咗天后Sammi鄭秀文同楊千嬅嘅紀錄。
雖然菊梓喬依家坐穩一姐之位，但其實喺佢入行之前曾經有一段坎坷嘅童年。
Photo from 星夢娛樂
菊梓喬自細父母離異，後來亦相繼離棄佢，剩低佢同妹妹相依為命，當年嘅菊梓喬年僅13歲就輟學賺錢撫養細妹。
Photo from 菊梓喬IG
早前播出嘅菊梓喬個人節目《HANA菊梓喬的秘密花園》中，Hana回憶起佢入行前曾經打過8份工：「以前唔識諗，以為讀書無用啦！點不知......其實讀書真係好有用！」
Photo from TVB
菊梓喬嘅第一份工係喺美容院做嘢，由抹玻璃開始，之後有做過售貨員、侍應、攝影助理、明星助手、倉務員、髮型屋、化妝師。
Photo from TVB
佢稱最唔中意做髮型屋，因為佢當時皮膚好敏感，幫客人洗頭曾經令佢雙手潰爛。後來打工儲到筆錢，佢決定要學嘢提升自己嘅技能，於是就去做化妝師，更考獲專業資格，開始幫新娘化妝。
Photo from TVB
回顧往日經歷，Hana唔覺得自己好可憐，對於父親，佢表示已好多年無見，都掛住對方。但佢透露爸爸有主動搵佢，喺佢出第3隻碟時影咗專輯封套畀佢，仲叫佢加油。睇返Hana第三張個人專輯《不能放手》於2020年12月9日發行，當時Hana 34歲，已出道4年，佢爸爸應該係喺當時聯絡返女兒。
Photo from TVB
Photo from 星夢娛樂
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
