田蕊妮同鍾培生約會後直言：「 呢個性格真係有D難頂，唔怪之得搵唔到女朋友！」

最近，鍾培生同林作嘅「百萬拳擊賽」就成為咗大眾嘅焦點，暫時就定咗9月先會開戰，睇嚟大家就要等多陣先得喇！但鍾培生曾經接受過《女人四十》嘅節目訪談片段就突然被翻返出嚟，佢仲喺訪談話自己比一般男性性慾強！

Photo from 鍾培生IG

鍾培生出生於富裕嘅家庭，係一位名副其實嘅富三代。但佢都有發展自己嘅一番事業，仲開咗間香港電競公司做老闆。有錢又有事業嘅佢身邊當然亦有唔少桃花，曾經同女藝人蔣家旻、陳婉衡等船過緋聞。

Photo from 鍾培生IG

2018年嘅時候，鍾培生就上咗由田蕊妮所主持嘅節目《女人四十》，佢哋就以模擬speed dating嘅方式開始訪談。當時，鍾培生一坐低就即刻話要tasting menu 話咁樣係表示對廚師嘅尊重，但就令田蕊妮感到不受尊重。

Photo from TVB

喺訪談期間，佢就提到將來想生3-6個小朋友，仲話自己嘅男性荷爾蒙好旺盛，令田蕊妮不禁好直接咁問：「咁你咪好鹹濕？」。之後，佢就回應自己無咩不良嗜好，所以需求比一般男性更加大，暗示自己性慾強。

Photo from TVB

透過同鍾培生嘅「speed dating」，田蕊妮就話覺得佢係一個非常心急同埋悶嘅人，而且鍾意用分數嚟衡量一件事成功與否，直言難怪佢會搵唔到女朋友！

Photo from TVB

Photo from 鍾培生IG

而喺最近嘅一次訪問中，佢就直言搵女朋友一定要有樣有身材！不過其實由佢嘅Youtube channel 所邀請嘅女嘉賓都可以大概知道佢嘅擇偶條件係咩～睇嚟田蕊妮好似「開口中」，佢好似仲搵緊佢嘅真命天女！

Photo from 鍾培生IG

Photo from 鍾培生IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

鍾培生YouTube約女仔晒奢華生活！搭直升機入西貢野餐/揚言包紅館畀陳嘉倩報天氣

25 Feb 2021

「百億富三代」鍾培生YouTube「Date with 鍾培生」系列邀請咗唔同女生合作，包括陳嘉倩、簡淑兒、陳婉衡、沙律等。更豪晒奢華生活，搭直升機入西貢野餐、包纜車遊山頂等。

Photo from 鍾培生IG

鍾培生家底深厚，除咗係香港電競戰隊嘅老闆，佢仲有經營個人YouTube Channel，分享佢嘅日常生活。其中一個「Date with 鍾培生」系列就邀請咗唔同女性與鍾培生「約會」。

Photo from 鍾培生IG

每次「約會」鍾培生都別出心裁，行程絕無重複！過程更勁大方，大晒奢華生活！同「新聞小花」陳嘉倩齊齊DIY互相整禮物送畀對方。

Photo from 鍾培生IG

鍾培生仲創作咗首歌唱畀女神聽，歌詞狂讚嘉倩bb係女神。另外佢又表示想投資包場紅館畀嘉倩bb報天氣！「百億富三代」嘅投資計劃真係唔同啲！

Photo from 鍾培生YouTube

Photo from 鍾培生YouTube

同Mikie去山頂Date嘅一集，鍾培生就包咗成架纜車；約張欣欣去機舖，亦包場同對方玩跳舞機。

Photo from 鍾培生IG

Photo from 鍾培生IG

鍾培生為同Faye崔菲嫣去野餐，更出動直升機飛入西貢​鹹田灣，野餐嘅食物都唔講得笑，有​魚子醬撻、黑松露三文治，再加埋杯香檳，野個餐都豪華過人！

Photo from 鍾培生IG

Photo from 鍾培生YouTube

Photo from 鍾培生YouTube

Photo from 鍾培生YouTube

有唔少網民表示好鬼葡萄，鍾培生指「Date with 鍾培生」集集都有人叫佢淨係拍呢個系列，但集集亦有人叫佢cut咗個節目，令佢覺得好難捉摸。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）