download HolidaySmart 假期日常 app
6位藝人貼紙相曝光!馮盈盈mk金毛/GEM男友甜蜜錫面/Angelababy同朋友撞樣

6位藝人貼紙相曝光!馮盈盈mk金毛/GEM男友甜蜜錫面/Angelababy同朋友撞樣

娛樂新聞
By Jennifer on 12 Mar 2021
Digital Editor

影貼紙相係唔少八、九十後嘅集體回憶,原來有好多藝人都做過同樣嘅事!一齊回顧6位藝人影嘅貼紙相,根本係時代嘅眼淚!

影貼紙相係唔少八、九十後嘅集體回憶

1. Twins

2001年出道嘅Twins,當時係眾多八、九十後嘅偶像,佢哋梗係有影過貼紙相啦!

早於2015年阿Sa蔡卓妍就喺微博公開過同阿嬌2005年影嘅貼紙相,佢哋影嗰種係將人頭key喺唔同嘅圖入面,雖然無擺pose,但就表情多多~

蔡卓妍微博Photo from 蔡卓妍微博

蔡卓妍微博Photo from 蔡卓妍微博

蔡卓妍微博Photo from 蔡卓妍微博

2. 馮盈盈

90後馮盈盈嘅舊照喺網上都搵到唔少,其中有佢同朋友影嘅貼紙相。

相中佢染咗金色頭髮,mk味濃!不過佢影嘅貼紙相比較簡單,無加到貼圖裝飾,但仍然睇得出眼睛有變大嘅效果。

馮盈盈染咗金色頭髮

馮盈盈IGPhoto from 馮盈盈IG

3. G.E.M. 鄧紫棋

G.E.M.曾經喺微博公開過同朋友影嘅貼紙相,不過佢表示:「小時候第一次跟朋友照大頭貼,因為樣子太醜所以我把它畫成這樣。」竟然因為影得唔靚而畫花晒個樣!

佢同初戀男友嘅貼紙相亦喺網上流傳,G.E.M.男友更親蜜錫女友面珠,好sweet,根本就係當年情侶貼紙相嘅必備pose~

G.E.M.曾經喺微博公開過同朋友影嘅貼紙相Photo from G.E.M.微博

微博Photo from 微博

G.E.M.微博Photo from G.E.M.微博

4. Angelababy

Baby之前同一班朋友去日本旅行,仲齊齊影貼紙相留念添~

喺放大眼睛同尖面effect下,Baby竟然同朋友撞樣!網民都話「傻傻分不清」。

mikocokiki微博Photo from mikocokiki微博

Baby之前同一班朋友去日本旅行,仲齊齊影貼紙相留念添Photo from mikocokiki微博

AngelababyPhoto from Angelababy微博

5. 楊冪

內地一線小花楊冪早年影嘅貼紙相曝光,佢加咗唔少貼圖,留齊蔭嘅佢擺出唔同pose同表情,好young好pure!

微博Photo from 微博

微博Photo from 微博

楊冪微博Photo from 楊冪微博

6. 楊丞琳

台灣女星楊丞琳曾經喺IG Story公開過同小鬼黃鴻升嘅貼紙相懷念對方。

當時兩人得10幾歲,一臉青澀,楊丞琳都話:「我們好青春,完全不覺得是21年前的事。」

楊丞琳喺IG Story公開同小鬼黃鴻升21年前影嘅貼紙相Photo from 楊丞琳IG

楊丞琳Photo from 楊丞琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

湯洛雯晒童年照獲讚超可愛!盤點8位由細靚到大女星 舊照力證純天然!

25 Feb 2021

湯洛雯喺IG post出與父親湯鎮宗童年合照,一班圈中人大讚佢好可愛!其實仲有好多純天然靚女晒過舊照,佢哋同以前相比零變化,仲越大越靚添!即睇有邊幾位由細靚到大女星!

湯洛雯喺IG post出與父親湯鎮宗童年合照,一班圈中人大讚佢好可愛Photo from 湯洛雯IG

靚湯湯洛雯post出父女合照,佢爸爸湯鎮宗都做過男演員,相中靚湯親密倚在爸爸後背,肉肉嘅面珠超可愛!

靚湯湯洛雯post出父女合照Photo from 湯洛雯IG

佢表示以前條眉好似紫菜咁:「我都話我以前係紫菜眉,盡得老竇真傳 #條眉仲粗過隻眼 #細個覺得太man而家先覺得好用」

湯洛雯表示以前條眉好似紫菜咁Photo from 湯洛雯IG

勁多圈中好友留言讚靚湯細個超級可愛!男友馬明都有畀心心,亦有網民指湯爸爸年輕時好似黃耀明。

勁多圈中好友留言讚靚湯細個超級可愛Photo from 湯洛雯IG

有網民指湯爸爸年輕時好似黃耀明。Photo from 湯洛雯IG

#陳自瑤(Yoyo)

Yoyo向來都keep得好好,佢之前晒過中學時期嘅學生相,紮馬尾嘅Yoyo同依家完全零變化,網民都話佢由細到大無變過!

依家嘅Yoyo唔止凍齡,身材仲好fit添!

陳自瑤中學時期嘅學生相Photo from 陳自瑤IG

依家嘅Yoyo唔止凍齡,身材仲好fit添!Photo from 陳自瑤IG

#朱千雪

千雪BB係眾多人心目中嘅女神,除咗燦爛嘅笑容,仲有知性美。佢喺兒童節有公開過自己嘅童年照。

佢表示自己細個唔係好中意影相,所以張相千雪bb睇落嬲爆爆,但佢細個對眼已經好大,面圓圓好得意~

千雪bb細個對眼已經好大,面圓圓好得意~Photo from 朱千雪IG

千雪BB係眾多人心目中嘅女神,笑容燦爛,又有知性美Photo from 朱千雪IG

#李佳芯(Ali)

視后Ali今年38歲但仍勁有少女感!佢外貌更係十年如一日!

李佳芯學生相中面型同依家都無乜分別,眼神有少少凌厲,黑長直髮型相當清純。

視后Ali今年38歲但仍勁有少女感Photo from 李佳芯IG

李佳芯學生相

#黃翠如

黃翠如大掃除時發現學生相,佢嗰陣好pure好true~

過咗咁耐外貌都無變過,尤其係眼睛,一睇就知佢係翠如喇!

黃翠如大掃除時發現學生相Photo from 黃翠如IG

黃翠如過咗咁耐外貌都無變過Photo from 黃翠如IG

#馮盈盈

言行出位嘅馮盈盈,貴為港姐冠軍,佢都係由細靚到大!童年非常可愛,下巴尖尖,連馮盈盈自己都話:「#點解細個時塊面尖啲 #唔係babyfat咩」

到中學已係美人胚子,眼大瓜子臉,難怪參選港姐會大熱奪冠!

馮盈盈童年非常可愛,下巴尖尖Photo from 馮盈盈IG

馮盈盈到中學已係美人胚子

馮盈盈參選港姐大熱奪冠Photo from 馮盈盈IG

#張曦雯

《國際中華小姐》冠軍,雖然舊照被指疑曾動刀,但童年照一曝光即力證佢係純天然美女!

笑容同依家好似,童年相更被網民笑言係「女版吳彥祖」~

童年照曝光力證張曦雯係純天然美女!Photo from 張曦雯IG

張曦雯童年相被網民笑言係「女版吳彥祖」~Photo from 張曦雯IG

張曦雯係《國際中華小姐》冠軍Photo from 張曦雯IG

#陳瀅

陳瀅細個嘅相幾乎同依家無分別,最大變化係氣質,依家多咗點嫵媚。

佢細個反而無咩baby fat,睇嚟尖下巴+大眼睛係美女標準~

陳瀅細個無咩baby fatPhoto from 陳瀅IG

尖下巴+大眼睛Photo from 陳瀅IG

陳瀅依家多咗點嫵媚。Photo from 陳瀅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄧麗欣/黃宗澤/袁偉豪等 6位昔日曾參選「校花校草」藝人 Bosco 當年個靚仔樣真係冇得輸!

4 Mar 2021

相信《YES!》雜誌對一眾 8、90 後嚟講一啲都唔陌生,當年無論男/女都一定會買嚟睇嘅一本學生追星雜誌。而除咗睇明星之外,最多人期待嘅就係一年一度「《YES!》校花校草選舉」,因為咁就可以一次過睇晒全港各區中學嘅靚仔、靚女。今次就同大家睇吓當年有邊 6 位歌手/藝人參選過喇,其中一位仲成功當選添!

相信《YES!》雜誌對一眾 8、90 後嚟講一啲都唔陌生,當年無論男/女都一定會買嚟睇嘅一本學生追星雜誌。

不過其實當年要當選一啲都唔容易,除咗要夠靚仔靚女之外,仲要才藝表演、Catwalk Show、自我介紹、答問環節等等,務求要令大家對你印象深刻,真你係一啲都唔求其㗎。

當年要當選一啲都唔容易,除咗要夠靚仔靚女之外,仲要才藝表演、Catwalk Show、自我介紹、答問環節等等

1. 鄧麗欣 Stephy

要提「Yes!校花校草選舉」就一定要提鄧麗欣(Stephy), 2000 年參加「Yes!校花校草選舉」嘅佢,當年憑著清純美貌成功奪得冠軍,最後更被金牌經理人「黃栢高」睇中入行組成當年嘅人氣 9 人女團 Cookies,並成為團中的隊長添!

鄧麗欣當年憑著清純美貌成功奪得冠軍

近年鄧麗欣憑著精湛嘅演技獲得電影圈嘅認同

2. 王敏奕
王敏奕14歲時成為了平面模特兒,2008 年時參演《烈日當空》正式入行。直到 2014 年,因無綫劇《女人俱樂部》飾演青年朱莉一角而為人熟識,據知佢都曾參加過「Yes!校花校草選舉」。

王敏奕14歲時成為了平面模特兒。

2008 年時參演《烈日當空》正式入行

直到 2014 年,因無綫劇《女人俱樂部》飾演青年朱莉一角而為人熟識

3. 江嘉敏

正上緊位嘅 TVB 小花江嘉敏憑住《親親我好媽》人氣急升,但原來佢喺 17 歲都參加過第 15 屆「Yes!校花校草選舉」,當年清純學生妹嘅佢迷倒過唔少少男,可惜佢最後選擇退選,不過佢當時就喺 Facebook 表示自己唔係事件中嘅失敗者反而係最成功嗰個嚟:「雖然我退出咗,但我知道我已經成為了大家心目中嘅甜美校花同校花冠軍!! 所以,我並唔係事件中嘅失敗者!相反的,我係最成功嗰個!!」

江嘉敏當年清純學生妹嘅佢迷倒過唔少少男

可惜佢最後選擇退選。

江嘉敏憑住《親親我好媽》人氣急升

4. 林穎彤

最近喺電視劇《陀槍師姐2021》中飾演方小喬嘅林穎彤,14 歲時曾參加過「Yes!校花選舉」,當時仲奪得甜美校花獎及才藝大獎。直至2007年,獲有線電視招攬拍攝劇集先正式出道,現時為 TVB 旗下女藝人。

林穎彤 14 歲時曾參加過「Yes!校花選舉」,當時仲奪得甜美校花獎及才藝大獎。

林穎彤

最近喺電視劇《陀槍師姐2021》中林穎彤都有演出㗎。

林穎彤

5. 袁偉豪

早前成為人夫嘅 TVB 小生袁偉豪喺 1997 年時曾參選過「Yes!校花校草選舉」,當年15歲嘅他喺雜誌中嘅佢以三七分界髮型示人,加上依個托腮 pose 同其他參賽者相比下明顯 champ 好多!

袁偉豪喺 1997 年時曾參選過「Yes!校花校草選舉」

當年15歲嘅他喺雜誌中嘅佢以三七分界髮型示人,加上依個托腮 pose 同其他參賽者相比下明顯 champ 好多!

佢之前仲喺 IG 上傳依張參選時嘅相,忍唔住留言︰「人哋話女大十八變!男其實咪係一樣」又真係變咗好多喎,係比以前更加 man 呀!

比以前更加 man 呀!

6. 黃宗澤

今年40歲嘅黃宗澤(Bosco)1998 年時曾被朋友「出賣」參選過「Yes!校花校草選舉」,當時佢嘅朋友將佢嘅相寄去《YES!》,睇吓佢當時 17 歲嘅佢同依家一樣都係咁靚仔呀!

黃宗澤 17 歲被朋友「出賣」參選過「Yes!校花校草選舉」

同依家一樣都係咁靚仔呀!

唔知大家有冇發現佢哋 6 位除咗都有參加過唔同年嘅「《YES!》校花校草選舉」外,佢哋全部都喺 TVB 拍過劇,而袁偉豪、黃宗澤仲係 TVB 嘅當家小生添!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel