【哈利波特】「張秋」短髮look變化超大！自爆曾為電影被逼剪頭髮且遭網民惡意批評

By Celia on 15 Mar 2021

Digital Editor

今年係電影《哈利波特：神秘的魔法石》（Harry Potter and the Sorcerer's Stone）上映 20 周年嘅大日子，早前《哈利波特》系列電影中嘅其中一位演員「張秋」梁佩詩接受訪問提及當年嘅演出時，佢就自爆曾當年拍攝期間，一直受到網絡欺凌及種族歧視。

喺經典電影《哈利波特》中首位亞洲女孩「張秋」出現時令觀眾印象深刻，但飾演「張秋」嘅華裔英國人梁佩詩並未有因此而聲名大噪。出生於蘇格蘭、父母均為香港人的梁佩詩當年脫穎而出，成功奪得「張秋」一角，成為了片中罕見的亞洲臉孔。

可惜「張秋」依個角色喺電影中並唔算係主角行列，但喺故事中卻有重要嘅作用，故事中佢更係哈利波特嘅初戀女友奪走咗哈利嘅初吻。當年正正就係依一幕令唔少哈利波特嘅 fans 大為不滿，仲喺網上攻擊梁佩詩添！

事隔多年，近日梁佩詩就喺廣播中談起這場吻戲，當時正係網路和粉絲狂熱興起之際，16 歲嘅佢會好在意別人嘅看法，雖然會有粉絲寫信鼓勵佢，但佢仍會在意負面批評，並曾喺網路上搜尋自己，睇到一個「哈迷」嘅網站，裡面充滿各種對佢嘅歧視言論，以及黑粉特地成立「反梁佩詩」網站，發起投票要抵制她，令佢當時非常受傷。

而事後佢向片商公關反映，可是當時對方只說：「我們冇睇到依啲網站，如果有人問起，你要說都唔係真嘅，從來都冇發生過。」佢當時只好點頭答應，卻後悔不已。

此外，佢又指當年拍攝電影時嘅髮型係佢剪過咗嘅髮型中最唔滿意嘅一個嚟：「我希望我從來沒剪過這個髮型，這個恐怖的髮型！」。

睇番依家，梁佩詩首次出演《哈利波特》已經隔咗 15 年喇，當時一頭黑直髮嘅佢同依家 33 歲頂住一頭清爽短髮嘅佢，氣質上同昔日大為不同，更突顯其成熟幹練嘅個性，令人刮目相看，唔少網民都話幾乎唔認得佢！

近年梁佩詩就演過《迷幻列車2》（T2: Trainspotting）、成龍主演嘅中、英合拍片《英倫對決》（The Foreigner）以及有疫情及隔離為題材嘅劇集《封城之盜》。睇緊唔知佢仲會有咩作品呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

傳Daniel Radcliffe將再演劇集版「哈利波特」一角　曾表示唔想再同佢合作？

02 Feb 2021

上月就有消息指風靡全球嘅小說《Harry Potter》（哈利波特）將會開拍劇集版！而當年嘅一眾演員Daniel Radcliffe、Rupert Grint、Emma Watson、Tom Felton等都有望回歸，並喺串流平台 HBO Max 上架。而近日再有消息傳出指華納兄弟正與「Harry Potter」Daniel Radcliffe接洽相談回歸嘅可能性。

《Harry Potter》系列電影喺 2001 年推出後，其超強號召力令一眾演員深入民心，角色名字比佢哋嘅原名更為人熟悉。直到 2011 年最後一集上映，陪伴影迷 10 年時間，全球票房總收益達 77 億美元。此外，8部電影亦曾獲得 12 項奧斯卡提名，雖然最終未有得獎，但喺一眾粉絲中已成為經典。

而加上今年正正就係《Harry Potter》電影上映 20 周年，一眾主演早期又曾預告會重聚，唔少 fans 已經非常期待，從而令一眾演員回歸拍劇集嘅消息成為大家注意嘅焦點。

不過依啲消息一直未被證實，而早前華納兄弟及 HBO Max 更齊齊否認指目前冇任何製作《Harry Potter》系列嘅計畫，但雖然話未有計劃，但唔代表唔會拍。

事關佢哋話未有計劃後，就又再有消息指飾演男主角 Harry Potter 嘅 Daniel Radcliffe 已經有同華納兄弟接洽。據知華納兄弟有意希望 Daniel Radcliffe 最少否以參演一集。

雖然 Daniel Radcliffe 曾表示願意再演 Harry Potter 一角，但佢亦曾表示唔想再同喺舊年曾發表跨性別恐懼症言論嘅 JK Rowling 合作，如果真係咁嘅話，好有可能佢哋兩個只能活一個，即係一係就 Daniel Radcliffe 參演，一係就係 JK Rowling 有份參與。