download HolidaySmart 假期日常 app
林穎彤坎坷童年曝光!家境貧困1歲跟隨母親行乞

林穎彤坎坷童年曝光!家境貧困1歲跟隨母親行乞

娛樂新聞
By Stephanie on 15 Mar 2021
Digital Content Writer

近排,ATV亞視喺佢哋嘅YouTube播放返以前嘅節目片段比大家重溫,其中有一段林穎彤喺10歲嘅時候同佢媽咪嘅訪問片段,就將佢細嗰嘅坎坷童年曝光,片段備受網民關注!有唔少網民睇完片段之後,都大贊佢好乖好勤力!

林穎彤FBPhoto from 林穎彤FB

林穎彤其實係童星出身,喺10歲嘅時候就憑亞視電視劇《萬家燈火》而為人熟悉。當時,佢就同媽咪接受亞視嘅訪問揭露佢嘅身世同埋兩母女經歷過嘅辛酸往事。

ATV亞視YoutubePhoto from ATV亞視Youtube

ATV亞視YoutubePhoto from ATV亞視Youtube

喺訪問片段中,佢哋就重返曾經行乞的葵芳天橋,林穎彤媽咪表示喺林穎彤1歲嘅時候,老公就因為移情別戀而拋棄佢哋三母女,雖然已經盡力挽留,但最終都改變唔到老公嘅心。由於當時完全無生活費,無錢交租買奶粉,但屋企又只得9歲嘅女同1歲嘅女,所以就唯有夜晚孭住嗰女行乞。

ATV亞視YoutubePhoto from ATV亞視Youtube

林穎彤媽咪表示咁樣嘅生活維持咗9個月,只有落雨嘅日子先唔出嚟。陷入絕望嘅林媽咪表示有好幾次喺天橋上面望落去都有輕生嘅念頭,有一次仲差啲就跌女兒落去,十分驚嚇,令佢每次都會回憶起呢個畫面。好彩,喺別人嘅幫助下佢成功申請綜援先令日子過得好返少少。

ATV亞視YoutubePhoto from ATV亞視Youtube

年紀小小嘅林穎彤喺旁邊聽到媽咪所講嘅說話之後,都忍唔住流眼淚表示唔知道細嗰嘅時候媽咪咁辛苦咁養大佢,仲好生性咁話:「大個要搵多啲錢,等佢可以扮靚同買層靚嘅樓比媽咪住」,場面十分感人!而林媽咪聽到之後,眼濕濕咁話住唔住靚樓都無所謂,最重要都係兩嗰女可以健康成長就滿足~

ATV亞視YoutubePhoto from ATV亞視Youtube

網民睇完片段都大贊林穎彤孝順乖巧,仲表示支持佢!

ATV亞視YoutubePhoto from ATV亞視Youtube

林穎彤呢幾年都有出唱片接拍劇集,都可以話係賺到一筆可觀嘅收入,依然有好大嘅發展潛力。而據悉佢目前依然陪媽咪住喺葵芳嘅公屋,十分孝順!

林穎彤FBPhoto from 林穎彤FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳冠希余文樂為阿嬌結冤!陳瀅劉佩玥姐妹情不再!娛樂圈6對藝人由朋友變仇人!

12 Mar 2021

正所謂「人多就自然是非多」,過去圈中亦有唔少藝人因為唔同嘅原因而反目成仇,有啲甚至曾經係好朋友但最終都絕交收場,大家又知道幾多個呢?我哋而家就一齊嚟盤點下娛樂圈反目成仇嘅藝人啦~

馮盈盈IGPhoto from 馮盈盈IG

1. 馮盈盈+江嘉敏

呢排最出名嘅一定係呢一pair,佢哋嘅關係因為一個富豪船P而令佢哋嘅友誼破裂。上年5月,江嘉敏同啱啱回復單身嘅馮盈盈就被拍到去何猷亨嘅船P玩,有傳馮盈盈想釣金龜。馮盈盈就立刻話係透過江嘉敏先會出席呢個船P,而江嘉敏亦隨即反駁話係馮盈盈帶埋佢一齊去船P先認識。大家各有各講,令佢哋兩人嘅感情大受影響。之後,江嘉敏仲喺IG公開咁暗串對方講大話,將所有矛頭指向馮盈盈。

江嘉敏IGPhoto from 江嘉敏IG

江嘉敏IGPhoto from 江嘉敏IG

最近,佢哋被安排要一齊主持新節目《解構心機女》,強制要佢哋兩個和好。雖然佢哋就po曬合照,好似已經和好如初咁,但大部分嘅網民都認為佢哋只喺表面上和好。

江嘉敏IGPhoto from 江嘉敏IG

2. 陳冠希+余文樂

陳冠希同余文樂曾經一齊合作多套電影,包括有《頭文字D》同《無間道》,亦因此而成為朋友。但就有傳佢哋兩個因為當時同時追阿嬌而傳出不合,仲差啲喺頒獎典禮後台大打出手,令佢哋嘅關係變得更加差。

 陳冠希IGPhoto from 陳冠希IG

余文樂FBPhoto from 余文樂FB

喺2017年,有位知名嘅服裝設計師就喺IG po咗余文樂品牌Madness嘅外套,但就引嚟陳冠希喺留言度諷刺「fell sorry for u bro/but everyone need to make a living」.而余文樂亦都喺自己IG po 咗一張反擊嘅照片,上面嘅字寫住 「The Best Revenge is Massive Success.」,利用IG展開隔空對罵。

IG@GodfreykwanPhoto from IG@Godfreykwan

喺2019年,陳冠希就為佢嘅自創品牌而同網民鬧交,期間仲一度公開數落余文樂嘅品牌,話自己嘅品牌CLOT係高檔好多,絕對唔會同佢哋合作。

陳冠希IGPhoto from 陳冠希IG

3. 莊思敏+王宗堯

喺2015年,王宗堯酒喺Facebook度暗指有演員只係為錢同埋唔專業,就話「如果你為出鏡曝光就咩都做,你只不過係去襯...如果你為數字而拍戲而不是為真正的用心去表演,咁你同老臨有咩分別? Right cast is more important! Show some respect to Hong Hong movies...」而種種特徵都將矛頭指向當時同佢合作兩套電影嘅莊思敏。而女方以不甘示弱,即時喺自己嘅Facebook反擊「如果工作是等於唔尊重工作咁我祝你無工開啦。」,形成咗一場隔空嘅罵戰。當時,罵戰非常激烈導致佢哋兩個嘅老闆忍唔住出手平息事件。

王宗堯FBPhoto from 王宗堯FB

莊思敏FBPhoto from 莊思敏FB

之後,莊思敏就喺出席活動嘅時候爆喊咁話就算以後喺公司見到王宗堯都會當見唔到。

莊思敏FBPhoto from 莊思敏FB

4. 鄧紫祺+JW

鄧紫祺同JW 本身喺好朋友,不過自從鄧紫祺同現任造型師男友Mark拍拖之後,兩人就疏遠咗。事關Mark以前曾經同JW有過一段情,而佢哋兩個分手嘅時候,Mark就有喺IG暗指JW因為貪錢移情別戀,睇嚟分手嘅時候並唔和諧。唔知鄧紫祺會唔會係想用行動撐男友而同JW疏遠呢?

MarkIGPhoto from MarkIG

JW IGPhoto from JW IG

5. 林穎彤+吳若希

2017年,林穎彤同埋吳若希一齊合作拍攝《終極街頭魔法王》嘅宣傳活動,而事後吳若希就喺IG po 活動當日嘅照片,當時網民們就用一啲比較羞辱嘅留言去鬧吳若希。但就喺某一個惡意留言下面,竟然有人點讚,而嗰位就係一齊出席活動嘅同門師妹林穎彤。當時就令網民猜測佢哋兩個因為爭上位而鬧不和,儘管林穎彤有出面澄清係因為手滑,但網民都唔係好相信去會喺眾多留言當中點錯呢個比較羞辱嘅留言!

吳若希IGPhoto from 吳若希IG

6. 陳瀅+劉佩玥
陳瀅同劉佩玥兩個以前一直都係「孖公仔」,成日喺網上po合照,感情非常好。但有傳自從劉佩玥同周志文拍拖之後,兩人嘅關係就開始變。事關陳瀅驚好姐妹墮入當時形象花心嘅周志文手仲,所以就不停勸佢要諗清楚。可惜,劉佩玥最終選擇愛情,令二人感情開始疏遠。以前佢哋成日都會同何雁詩等人一齊聚會,但睇返而加嘅合照劉佩玥多數都無現身。

陳瀅IG Photo from 陳瀅IG

陳瀅IGPhoto from 陳瀅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel