喺智能手機未普及嘅年代，相信唔少80、90後都有同朋友仔玩過Facebook嘅小遊戲！雖然依家多數人都會玩手機遊戲，但Facebook game有滿滿嘅回憶，回顧以下呢幾個遊戲你玩過幾多個？
#開心水族箱
估唔到養魚都可以玩成日！大家應該都有買魚、餵魚、拾寶物、放生等，見到自己個水族箱啲魚游嚟游去都好治癒！
訪問好友嘅魚缸睇下對方有養咩魚，大家仲可以偷埋佢哋啲寶物添！
#Restaurant City
經營策略類遊戲，玩家經營自己嘅餐廳，仲可以聘請員工、隨意佈置餐廳，包括買枱櫈、擺設等。
仲可以參觀其他人嘅餐廳，每次見到人地間豪華餐廳都覺得自己無乜做老闆天賦......
#開心農場
除咗有水族館，仲可以做農夫種地！可以種唔同嘅農作物、花、植物等，仲可以養牛添！
不過《開心農場》最好玩唔係種地，而係偷人地嘅農作物，偷菜都好有成就感～
#Pet Society
除咗經營類遊戲，育成遊戲都好受歡迎！《Pet Society》玩家可以賺金幣佈置寵物的房間，同寵物玩各種遊戲，例如接球、飛盤、跳繩等。
畫風可愛，當時極受小學生歡迎，可能因為大家細個都有養寵物嘅夢想吧！
#Hotel City
玩家變身酒店老闆經營一間酒店，可以買嘢佈置房間，設計自己心目中嘅理想酒店。
雖然同《Restaurant City》係同一個開發商，玩法亦類似，但畫風有啲唔同，都一樣咁受歡迎！
#The Sims Social
《模擬市民》Facebook版！玩法都同《模擬市民》比較相似，玩家可以同Facebook好友角色互動，發展唔同嘅關係～
#Candy Crush Saga
《Candy Crush Saga》其實最初係喺Facebook推出！用3～5粒一樣糖果排成一線消除糖果得到分數。
當時要邀請Facebook朋友畀心心繼續玩，所以一打開facebook都收到唔少邀請。
#小小戰爭
今次玩家就要做部落酋長，管理各種資源，開展生產線，以養活部落嘅人民。
另外仲可以訓練部落族人做士兵，成為軍隊，出兵入侵其他人（好友）嘅土地。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
8 個 90 後一定玩過嘅經典線上遊戲 一齊回顧童年～
27 Nov 2020
對於 90 後嚟講，「新線上遊戲地帶」應該係大家嘅共同回憶，細細個一定有玩過，今次盤點 8 個線上遊戲，相信 90 後一定唔會陌生～
打高跟鞋鞋跟
呢個遊戲係考反應，要眼明手快，一唔小心打中客人嘅腳就會輸㗎啦。
阿 Sue 煮麵
首先要將水倒入鍋內，再加上公仔麵、調味粉、雞蛋及蔥，最後將煮好嘅麵放入碗度就得，玩呢嘅遊戲最近要就係快手，如果唔係好易失敗！
阿 Sue 美髮店
同樣都係「阿 Sue」系列，玩家要根據指定髮型，剪出一模一樣嘅髮型。
無個性戰隊
用戰隊角色打敵人，要邊行邊打，每關都有「大佬」。
燒肉遊戲
要喺 120 秒內燒好啲牛肉，唔可以燒焦或者太生，睇落好似好簡單，其實都幾難控制時間。
整蛋糕遊戲
呢個都係小編細個經常玩嘅遊戲之一，只需要跟住步驟整蛋糕，不過唔知點解有時明明跟足步驟但個結果都係失敗。除咗遊戲，其實個配樂都好好聽～
香港茶餐廳
遊戲玩法就係要完成客人落嘅單，不過有時同一時間有幾張單，都真係幾手忙腳亂～
快速化妝約會
應該有唔少女仔第一次接觸化妝就係透過呢個遊戲，玩法就係要喺限時內幫主角化好指定嘅妝，然後換埋衫去同男朋友約會。
滿滿嘅童年回憶啊～小編細細個成日玩化妝遊戲！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
童年回憶回歸！新版ICQ新舊帳號申請教學懶人包！一文睇新版功能
15 Jan 2021
呢排大家都搵緊可以代替WhatsApp嘅通訊App，網民開始懷念「童年回憶」ICQ、MSN。ICQ早前推出新版App，支援電腦桌面版同智能手機。而且開帳號亦非常簡單，仲可以用返舊帳號。一文睇新版增設功能、新舊帳戶申請教學！
ICQ新版同時支援電腦桌面版同智能手機App，大家可以重返「童年回憶」ICQ，新版更增設更多功能，你可以用返舊帳號登入，就算唔記得以前帳號，重新開一個新帳號亦非常簡單～
#以舊帳號登入
擁有7～9位數ICQ帳號嘅用戶，可以喺電腦桌面版同智能電話App度登入舊帳戶。不過如果想重新登入舊帳號嘅話，用戶需要喺2年前向ICQ申請過保留帳號，先會保留舊帳號嘅資料。
1. 於登入介面中選擇左上角「Login in with password」
2. 輸入舊ICQ號碼同密碼
#申請新帳號
1. 輸入手提電話號碼
2. 輸入手機收到嘅SMS驗證碼
3. 輸入姓名、選擇個人頭像
#新版ICQ功能
新版ICQ增設唔少新功能，用起上嚟都非常方便！
1. 將錄音轉換成文字
2. 提供多款Sticker，亦可以自製
3. 支援50人視像電話、多達500人網絡會議
4. 提供錄音功能
5. 可以刪除、修改已發出嘅訊息
6. 可以一次回覆多個訊息
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）