袁偉豪同屆【yes 校花】40歲潘冠霖被讚凍齡美女！網民：皮膚超好，眼紋都冇！

By Stephanie on 15 Mar 2021

Digital Content Writer

由YES《全港校花校草選舉》出身嘅明星原來都有好多，包括有袁偉豪、黃宗澤等人，但原來仲有一位當時嘅校花而家都仲喺TVB拍緊劇集㗎～佢就係同袁偉豪同期參賽嘅潘冠霖！雖然佢就40歲，但就保養得非常好，同早前被網民話走樣嘅袁偉豪形成強烈對比！

Photo from 潘冠霖FB

早前被網民話變「醜男」嘅袁偉豪，就係IG度話會接受網民嘅批評，努力練返好個身形。而同佢同年嘅潘冠霖就被大讚保養得好，完全唔似40歲！其實佢哋兩人喺1997年一齊參加過第一屆《全港校花校草選舉》，係同期嘅校花校草出身，之後佢哋二人亦喺拍攝TVB劇集嘅時候再度合作。睇返佢哋以前張合照，袁偉豪當時嘅樣比較稚氣，相反潘冠霖就睇落比較成熟。

Photo from 潘冠霖FB

由佢哋而家嘅合照所睇，同齡嘅袁偉豪喺笑嘅時候已經有頗深嘅魚尾紋，然而潘冠霖嘅眼下細紋並不多。照正常嚟講，女人係會比男人更加容易變老，但佢就好完美咁展現咗一個「反例子」，睇嚟連袁偉豪都要向佢請教一下保養大法！

Photo from 潘冠霖FB

今年40歲嘅潘冠霖由2002年開始就不停咁接拍TVB嘅電視劇，可惜過往嘅角色都未能夠令佢突圍而出，一直以嚟都係做配角。今次喺《踩過界II》嘅表演總算令更加多人留意到佢，而唔少網民喺知道佢嘅年齡之後，都忍唔住大贊佢保養得好好！

Photo from 潘冠霖FB

潘冠霖喺學生時期就已經開始從事model嘅工作，曾經做過TVB Cover Girls。仲參加過第一屆《英皇超新星》，並且成功進入最後40強，可以話係非常有潛力嘅藝人！之後，佢就喺2001年經第17期無綫藝人訓練班正式加入TVB，而同期嘅藝人就分別有鄭世豪、李霖恩及黃嘉樂等。

Photo from 潘冠霖FB

對比埋以前同而家嘅相，其實真係差別唔大，最多就係以前仲有少少青澀feel同塊面仲有少少baby fat。有網民就稱佢為「凍齡美女」，唔知大家又覺得潘冠霖係唔係呢？

Photo from 潘冠霖FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳法拉生日晒素顏泳衣照！網民直稱凍齡美女好pure好true!

26 Feb 2021

早前剛剛度過39歲生日嘅陳法拉，就喺IG Story轉發咗一張同朋友一齊穿著泳衣嘅合照，素顏嘅法拉皮膚依然好好，難怪網民大讚凍齡有術。無論係佢嘅身材，樣貌，事業定學歷，樣樣都好完美，絕對可以稱得上係人生勝利組！

Photo from 陳法拉IG

今年係法拉榮升做媽咪之後嘅第一個生日，相信一定令佢好難忘，佢亦係IG上載咗老公為佢準備嘅生日蛋糕，話「好感恩今年嘅生日可以同父母，老公，囡囡一齊過」。另外，陳法拉仲轉發咗朋友比佢嘅祝福。近期少見法拉po自己嘅素顏相，不過佢皮膚依然好好，令網民不禁驚嘆佢好似唔識變老咁。法拉有透露囡囡同佢一樣有個小酒窩，相信小米妮大個後都一定係個美人喇。