林俊傑逾億豪宅飽覽台北景緻　超大豪宅嚇窒王嘉爾：朋友在你家會不會迷路？

繼早前有「大美人」之號嘅關之琳公開其 3,000 呎豪宅後，最近從家鄉新加坡飛返台灣嘅台灣金曲歌王林俊傑（JJ）就喺家居隔離時同好友王嘉爾玩直播，仲公開埋自家超大客廳畀家睇添！

台灣金曲歌王林俊傑上月就返咗新加坡陪家人，最近佢就已經返咗台灣，不過就因為疫情關係而正進行家居隔離，而喺家中無聊時佢就會喺 IG 開吓直播同大家分享吓隔離生活，又會寫吓歌、打吓機等。據知，JJ 喺台灣內湖豪宅區嘅住所，花費大約 4 億台幣（約 1.1 億港元）買下兩個豪宅單位，佢將單位打通自住。

而早前佢就搵嚟同樣都係處於隔離期嘅王嘉爾一齊喺 IG 開 live 傾偈，自爆家中有一個超大客廳，放咗電動遊戲機、大電視，仲有梳化開會區，搞到王嘉爾都忍唔住驚呼：「你朋友去你家會迷路嗎？」

直播中佢指自己己經嚟到隔離嘅第 6 日，工作狂嘅佢除咗寫歌、錄音，亦會同公司同事 online 開會，真係相當充實利用隔離時間，其後王嘉爾加入直播後，話題即轉成問林俊傑是否待喺自己屋企，林俊傑亦開始轉鏡頭大方分享客廳，喺片中可見佢所在嘅地方有一台電動遊戲機，引來王嘉爾驚呼：「你家是多大，才能放下這台電動？」

介紹完客廳嘅唔同作用後，JJ 又介紹客廳有鋼琴，飯廳係落地玻璃窗，可以邊吃飯邊觀賞台北日夜嘅景色，仲有水晶吊燈添，難怪王嘉爾驚嚇傻指：「客廳旁邊還有另一個客廳嗎？oh my god！」、「你家的廁所可能跟我家一樣大」。

而如果大家熟悉 JJ 嘅話都知道佢係一個潮流玩具嘅收藏家嚟，所以片中都可見佢嘅客廳中收藏有唔少潮流玩具。

只係客廳都咁大，咁睡房咪仲大？！

在 Instagram 查看這則貼文

JJ Lin（@jjlin）分享的貼文

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

關之琳1.5億半山豪宅曝光！俯瞰維港全景+巨型客廳 生活無憂原來係貴族出身！

12 Mar 2021

58歲嘅關之琳2005年後已逐漸淡出娛樂圈，TVB節目《天天開運王》堪輿學家李居明上咗關之琳半山3,000呎豪宅參觀，首次公開「大美人」豪華住所！

Photo from 關之琳IG

淡出娛樂圈嘅關之琳積極投資房地產，手持唔少物業，而佢自己就住喺半山3,000呎豪宅，市價約值港幣$1.5億！

Photo from 關之琳IG

關之琳家中有一列玻璃窗，呈孤形排列，可以成個維港景色，好似觀景台咁！每年關之琳都可以安坐家中欣賞到煙花匯演。

Photo from 李居明微博

Photo from 關之琳IG

Photo from 關之琳IG

Photo from 關之琳IG

玻璃窗令大屋採光極佳，佢屋企養嘅狗仔都超級活潑。而豪宅有勁闊落客廳，畀到關之琳兩隻愛犬有足夠空間活動。

Photo from 關之琳IG

Photo from 關之琳IG

Photo from 關之琳IG

Photo from 關之琳IG

Photo from 關之琳IG

Photo from 關之琳IG

飯廳有一張雲石長檯，非常有氣派！而廚房都空間亦超大！

Photo from 關之琳IG

Photo from 關之琳IG

其實關之琳有貴族血統，係清朝八大貴族之一「瓜爾佳氏」嘅後人，屬於滿洲正白旗後裔。「瓜爾佳氏」人才輩出，至民國之後，瓜爾佳氏主要以「關」為漢姓，所以關之琳都算係一位「格格」。

Photo from 關之琳微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）