郭富城老婆罕晒3歲大女正面　五官輪廓精緻似足方媛細個！獲網民激讚：未來大美女！

天王郭富城（城城）與方媛（Moka）婚後先後生咗大女 Chantelle 同細女 Charlotte，不過城城對家人向來非常保護，除咗佢同方緩外，佢哋至今亦絕少畀兩個女兒嘅樣曝光。

而喺日前 Moka 喺 IG 上傳咗一段大女 Chantelle 畫畫嘅片，唔知係咪因為早炒嘅關係，今次佢就冇遮到就 Chantelle 嘅樣，但從片中亦可清楚睇到 Chantelle 嘅正面樣子，雖然今次並唔係佢首次公開，其實 Moka 喺去年 8 月慶祝生日時，就首次公開大女 Chantelle 嘅正面，今次可以算係第二次，但依然引起一眾網民關注。

片中 3 歲嘅 Chantelle 喺度畫畫，睇嚟仲畫得唔錯，好有藝術天份添！Chantelle 專注咁畫緊珊瑚，而畫中仲有鯊魚同海草等海洋生物，難怪 Moka 都留言指 Chantelle 係一個愛畫畫嘅小朋友嚟。

在 Instagram 查看這則貼文

@mokafy 分享的貼文

不過網民嘅焦點就落咗喺 Chantelle 小巧可愛嘅五官輪廓上，唔少網友都讚 Chantelle 小小年紀已經擁有一副美人胚子，皮膚白皙，眼睛和鼻子嘅輪廓都好靚，仲有濃密嘅眉毛添：「好漂亮」、「太可愛了」、「小美女」、「將來長大後一定好靚女」。

睇番郭富城同方媛童年舊相，Chantelle 嘅精緻五官睇嚟係遺傳自媽媽 Moka 多啲，而妹妹 Charlotte 就似城城細個時多啲喎！

唔知下次會唔會見到細妹 Charlotte 嘅正面呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

郭富城聘請老師教方媛及女兒廣東話！大爆家中只有自己會用廣東話溝通

26 Nov 2020

天王郭富城同太太方媛育有兩女，城城結婚後成為好丈夫、好爸爸，不時公開談家庭。日前佢出席活動時透露疫情下幼稚園停課，請咗家庭老師教女兒學廣東話，又指老婆亦會喺旁邊聽。

郭富城同方媛結婚後兩夫婦嘅一舉一動經常成為話題，之前有指方媛係「天王嫂訓練營」學生，不過城城無受傳聞影響，更力撐太太！

方媛大跳BLACKPINK舞蹈被笑身體僵硬，城城亦大讚太太有天份，又肯學，表示相當欣賞佢。

婚後城城完全係愛家好男人，去到邊都不忘提及妻子及一對女兒。日前出席活動時提到大女好有天份，同同齡小朋友比較，指佢活躍又中意表演。

城城又指揸車載大女同太太出街，女兒突然唱佢嘅首本名曲《對你愛不完》：「聽到佢唱真係好冧」又表示希望可以繼續做囡囡嘅榜樣。

對於近日第4波疫情爆發，城城表示幼稚園停課，佢已請咗家庭教師教女兒學廣東話同英文。

城城話喺屋企得佢同囡囡講廣東話，老師教女兒廣東話時太太方媛都喺旁邊聽。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）