download HolidaySmart 假期日常 app
《尋秦記》電影版首預告!古天樂白髮Look登場 神秘新角色挑戰嬴政王位

《尋秦記》電影版首預告!古天樂白髮Look登場 神秘新角色挑戰嬴政王位

生活熱話 電視電影 娛樂新聞
By Celia on 16 Mar 2021
Digital Editor

自 TVB 經典神劇《尋秦記》宣布開拍電影版後,唔少人都表示期待,而喺去年網上更有預告流出,當時喺片中就可看到當年電視劇版嘅所有原班人馬亮相,包括古天樂、林峯、宣萱、郭羨妮、滕麗名和鄭雪兒等重要角色。近日香港國際影視展開鑼,電影公司亦即大晒冷,正式公開多部電影宣傳,其中《尋秦記》嘅劇照更率先曝光,現代嘅古天樂與古代嘅林峯相遇,劇照甚具戲味。

終於有電影版正式預告喇!

經典神劇《尋秦記》唔經唔覺已經播出咗 20 年,今年以電影版回歸。故事將同樣由現代開始,神秘角色 Ken 因為一場多年前嘅冤獄,引發改變歷史嘅危機!Ken誓要回到古代成皇,以彌補因冤獄而失去的人生。而身在秦朝嘅項少龍一家雖歸隱園,無奈一舉一動仍被徒弟秦王嬴政盡收眼底。正當嬴政一統六國,以為平定天下之時,竟碰到 Ken 突襲,嬴政不得不去尋找又敬又畏嘅師傅,師徒 20 年後再次碰面,加上穿梭時空誓要改變歷史嘅Ken,定必令秦朝再起風波,改寫命運。

經典神劇《尋秦記》唔經唔覺已經播出咗 20 年,今年以電影版回歸。

首條宣傳片中,可見劇中嘅原班人馬包括古天樂、林峯、宣萱、郭羨妮等人全數回歸,角色亦同之前一樣。

郭羨妮飾演琴清

宣萱飾演烏廷芳

加上古天樂飾演嘅項少龍喺古代秦朝落地生根,項少龍喺古代穿著現代人嘅 T-shirt,繼續將現代世界嘅科技同文化帶到古代,相信到時睇嘅時候大家都會多一份熟悉感!

項少龍喺古代穿著現代人嘅 T-shirt,繼續將現代世界嘅科技同文化帶到古代

不過最令影迷驚喜嘅係古天樂將以一頭白髮登場,並且喺故事大綱中更首次見到神秘角色 Ken ,從現代返到秦朝挑戰秦王嬴政嘅王位,逼使嬴政要向師傳項少龍求助。

電影中古天樂將以一頭白髮登場

而喺預告片中揭示咗項少龍與嬴政相隔 20 年嘅矛盾角力,而項少龍更要帶住一家人逃難!片中嬴政帶著銳利嘅眼神對項少龍說:「邊個唔信我,本王就殺邊個。」

預告片中揭示咗項少龍與嬴政相隔 20 年嘅矛盾角力

項少龍更要帶住一家人逃難!

然後畫面一轉就出現項少龍手持手槍同嬴政喺煙霧樹林追逐,同時宣萱、郭羨妮、滕麗名、歐瑞偉從屋內驚荒地跑出,項少龍說︰「你可唔可以放過我一家人?」

林峯飾演嬴政

項少龍希望嬴政放過佢一家人

而嬴政隨即回應︰「如今係你家鄉嘅人唔放過寡人,你仲有當寡人係徒弟咩?」項少龍再回應︰「我就係當你徒弟,先至唔想你再錯!」片中嬴政更揮劍剌向項少龍,說:「所有恩怨從此了斷。」

可惜嬴政指係項少龍家鄉嘅人唔肯放過寡人。

嬴政更揮劍剌向項少龍

唔少網友睇到依短短 50 秒嘅預告除咗都話「回憶返晒嚟!」外,仲搞笑指「出土文物會唔會有項少龍把槍」、「我用劍,你竟然開槍?」。

到底槍喺邊度嚟呢?

而更有眼利嘅網友發現電影中古天樂著住嘅 T-shirt 圖案同 20 年前電視劇中嘅 T-shirt 係一樣嘅,劇組仲特意加上水洗效果,令 T-shirt 睇起嚟更有歲月行跡,可以話係心思十足!

圖案同 20 年前電視劇中嘅  T-shirt 係一樣㗎!

不過問題係到底項少龍喺邊執返支槍呢?而且故事唔係話項少龍喺古代秦朝落地生根咩,咁佢啲保護裝備又喺點嚟嘅呢?唔知電影中會唔會有交代呢?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《真·三國無雙》古天樂呂布造型激似項少龍!林雪神還原董卓!尷尬特效被指似印度神劇

09 Mar 2021

電影《真·三國無雙》預告公開,古天樂飾演嘅呂布造型同項少龍超似!另外仲有韓庚、林雪、呂良偉、劉嘉玲、古力娜扎參演。引起網民熱議。

電影《真·三國無雙》預告公開Photo from 《真·三國無雙》

《真.三國無雙》改編自遊戲,電影搵咗中港多位演員出演,古天樂飾演呂布,喺預告片中有唔少鏡頭,包括身穿戰服出兵、騎馬、亦有同貂蟬(古力娜扎飾演)擁抱戲份。

古天樂飾演呂布,喺預告片中有唔少鏡頭,包括身穿戰服出兵、騎馬Photo from 《真·三國無雙》

《真·三國無雙》Photo from 《真·三國無雙》

古天樂嘅呂布造型被唔少網民笑指撞樣《尋秦記》嘅項少龍!話項少龍今次唔係穿越去秦朝,而係去咗三國:「以為項少龍走出來」

古天樂嘅呂布造型被唔少網民笑指撞樣《尋秦記》嘅項少龍Photo from 《真·三國無雙》

《尋秦記》項少龍Photo from 《尋秦記》

《真·三國無雙》Photo from 《真·三國無雙》

《真·三國無雙》Photo from 《真·三國無雙》

但另一位演員嘅造型就大受好評,預告中林雪僅有一個近鏡但已獲網民肯定,觀眾佢指神還原遊戲中嘅董卓:「只有呂良偉的袁紹跟林雪的董卓我可以接受,其他都不行」。

預告中林雪僅有一個近鏡但已獲網民肯定Photo from 《真·三國無雙》

呂良偉飾演袁紹、王凱飾演曹操﹑韓庚飾演關羽、劉嘉玲亦有參演,飾鑄劍堡堡主。

呂良偉飾演袁紹Photo from 《真·三國無雙》

王凱飾演曹操Photo from 《真·三國無雙》

韓庚飾演關羽Photo from 《真·三國無雙》

劉嘉玲亦有參演Photo from 《真·三國無雙》

除咗演員嘅造型備受網民關注是否還原遊戲角色外,電影嘅CG特效亦成為討論焦點!

電影嘅CG特效亦成為討論焦點Photo from 《真·三國無雙》

《真·三國無雙》Photo from 《真·三國無雙》

預告有好多千軍萬馬、兵器飛天嘅場面,但有唔少網民就表示特效勁尷尬,CG太假:「這特效,大學生就能做出來了」、「我以為我在看印度神劇」,不過亦有網友指本身電影係改編自遊戲,覺得後期特效同遊戲差唔多好正常。

預告有好多千軍萬馬、兵器飛天嘅場面Photo from 《真·三國無雙》

有唔少網民就表示特效勁尷尬,CG太假Photo from 《真·三國無雙》

《真·三國無雙》Photo from 《真·三國無雙》

即睇《真.三國無雙》電影預告:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel