download HolidaySmart 假期日常 app
台灣壽司郎推三文魚季活動掀改名潮?鮭魚丼飯/同鮭魚盡 網友:好有創意!

台灣壽司郎推三文魚季活動掀改名潮?鮭魚丼飯/同鮭魚盡 網友:好有創意!

時事熱話 生活熱話
By Celia on 17 Mar 2021
Digital Editor

唔知大家對食迴轉壽司有幾熱愛呢?近日台灣壽司郎就預告喺今明(17、18號)連續二日推出「愛的迴鮭,尋人啟事」諧音活動(鮭魚即指三文魚)引起唔少人熱議。活動喺今日一開始就已有唔少人為咗免單而紛紛趕到當地移民居改名,引嚟網民喺台灣 ptt 討論區開 post,就連內政部都呼籲市民三思呀!

近日台灣壽司郎推出「愛的迴鮭,尋人啟事」諧音活動

日本迴轉壽司「壽司郎」近日推出諧音哏活動,大家只要喺今明兩日(3月17日至3月18日)只要結帳時須出示證件,姓名中有「鮭魚」同音同字者即可享免費,1個同音字即享9折,2個同音字可享5折優惠。

只要結帳時須出示證件,姓名中有「鮭魚」同音同字即可享免費

喺依個 post 一出時唔少人都認為活動這難度太高「誰會這樣取名字」「鮭音真的很少人用」。不過無論引起幾多人不滿,都總會有人為咗一餐免費嘅迴轉壽司而專程改名兩日。

台灣 ptt 討論區中有網友就以「壽司郎鮭魚優惠」為題開post,指作哋推出咗一系列優惠,其中就包括依次嘅活動,當中最令樓主好奇到底會有幾多人用到同字或者同音嘅時候,佢發現網上已有唔少人為咗優惠而改名叫「鮭魚」。

網上已有唔少人為咗優惠而改名叫「鮭魚」

而有人唔止單單直接改名「鮭魚」,仲將常見嘅壽司如鮪魚、白蝦、甜蝦等全都入名,真係好有創意,如:郭鮭魚丼飯、鮭魚肚、潘同鮭魚盡、劉品漢帥鮭魚、張簡鮭魚、許星光流連擊鮭魚等等,引嚟唔少網民討論。

有人唔止單單直接改名「鮭魚」,仲將常見嘅壽司全都入名

創意滿分呀!

不過唔知係咪太多擁到當地移民局改名嘅關係,令台灣內政部都忍唔住要出 post 呼籲市民改名前要三思,指依現行規定,人名一生可改名「3次」,若超過次數恐一輩子都要用奇特姓名,請大家慎思愛護自己嘅好名字,好好珍惜使用戶政資源。

台灣內政部都忍唔住要出 post 呼籲市民改名前要三思

佢哋更搞笑貼上寫有「實至名鮭」成語嘅圖,解釋未算好3次改名額度,因此踏上不「鮭」路,更造句「發現全台至今已有同年同月同鮭魚,希望他們數學有算好一但用完改名額度,就真的實至名鮭了」嚟提醒大家勿亂改名。

更搞笑貼上寫有「實至名鮭」成語嘅圖,解釋未算好3次改名額度,因此踏上不「鮭」路。

其實名字係大家一出世,父母送畀你嘅第一件禮物,如果只係為咗一餐免費嘅迴轉壽司而專程改名兩日,令依個咁搞笑嘅名永遠留喺戶籍資料中真係值得咩?!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網友實測Siri原來可以幫貓貓改名!喂喂/油尖旺曹植/唐太宗

16 Mar 2021

近日連登討論區有網民分享叫Siri幫貓改名,估唔到Siri竟然真係改到,眾多網友分享Siri為佢哋隻改嘅名,有唔少都非常搞笑,有好多古人名字,連「凱婷」都有!

BBCPhoto from BBC

連登討論區有網民以「原來siri可以幫貓改名!!」為題開post,佢指只要問Siri:「喂Siri,可唔可以幫我隻貓改名」,Siri就會請你回答問題,大概答3個問題度,Siri就可以畀一個貓貓名啦~

livesciencePhoto from livescience

樓主答咗Siri貓貓係唔係好擅長令人心軟等問題後,Siri表示:「我覺得呢個名好啱佢:喂喂。」

連登Photo from 連登

連登Photo from 連登

連登Photo from 連登

連登Photo from 連登

其他網友都分享咗佢哋嘅經歷,有啲名都好好笑:

#古人/名人名字

油尖旺曹植
mk得嚟又帶點文化,有網友笑言隻貓應該會七步屙便便。

油尖旺曹植Photo from 連登

凱婷
呢隻貓貓好壞呀!食兩支煙。

凱婷Photo from 連登

尼采
呢隻貓一定係哲學家嚟,可能日日都諗緊:「究竟我係主人定佢係主人?」

尼采Photo from 連登

唐太宗
個名好有帝王霸氣!

唐太宗Photo from 連登

星爺

星爺Photo from 連登

#較為正常嘅名字

紳士
不過網友指佢隻貓係貓女嚟......

連登Photo from 連登

大佬
養貓嚟講,叫「大佬」都好合理~

連登Photo from 連登

白襪仔

白襪仔Photo from 連登

豬仔包

連登Photo from 連登

仙人掌

連登Photo from 連登

森巴

連登Photo from 連登

奶油豬

連登Photo from 連登

另外仲有網友表示Siri幫隻貓改名做「公因數」,有網友回覆指可以做朋友,因為佢隻貓被Siri改名叫「公倍數」。

連登Photo from 連登

連登Photo from 連登

小編自已都試咗,Siri幫隻貓改名做「腸粉」,都幾正常(雖然小編無養貓......)~大家都可以試下!

HolidaySmartPhoto from HolidaySmart

HolidaySmartPhoto from HolidaySmart

HolidaySmartPhoto from HolidaySmart

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel