鄭嘉穎為陳凱琳戒煙/張繼聰海旁彈唱冧謝安琪 盤點5對圈中甜蜜藝人夫婦!

鄭嘉穎為陳凱琳戒煙/張繼聰海旁彈唱冧謝安琪 盤點5對圈中甜蜜藝人夫婦!

生活熱話
ByStephanie on 19 Mar 2021

好多人都話感情呢樣嘢來得快亦去的快,好難搵到真心嘅感情,令唔少人都失去對愛情嘅憧憬!但事實上圈中都有唔少羨煞旁人嘅藝人夫婦,可以證明其實呢個世界都係有真愛㗎。等我哋嚟盤點圈中嘅甜蜜夫婦,一齊重拾對愛情嘅信心啦~

陳凱琳FB
Photo from 陳凱琳FB

1.張繼聰 謝安琪

兩人於2007年結婚,婚後有一對仔女張瞻同埋張靖。佢哋兩人喺婚後都經歷咗好多波折。初期,由於謝安琪好快就一炮而紅,而令外界批評兩人嘅名氣懸殊,女尊男卑,不過兩人嘅感情並無因為咁樣而受影響。隨著謝安琪嘅名氣越來越高,輿論同緋聞壓力令佢哋兩夫婦同時患上抑鬱症。但兩人一齊戰勝病魔,令關係更進一步。

謝安琪FB
Photo from 謝安琪FB

喺謝安琪生完第二胎嘅時候,就被人質疑整容,而且仲攻擊得不留情面。張繼聰知道之後,不禁喺IG打長文為老婆抱打不平,而佢嘅回應亦被唔少網民大贊有大將之風。

張繼聰IG
Photo from 張繼聰IG

喺2019年嘅情人節,張繼聰就帶謝安琪去尖沙嘴海旁比驚喜佢,因為謝安琪曾經講過唔要物質嘅禮物,而佢就一直記喺心入面。當時佢就問在場busking緊嘅人借結他,即場自彈自唱《每天愛你多一些》,真係好sweet!

張繼聰IG
Photo from 張繼聰IG

而今年嘅情人節,張繼聰就好搞鬼咁送咗部電單車比老婆。但就令謝安琪忍唔住擺上IG「公審」佢,事關佢根本就連電單車牌都未有,而且情人節當日就被張繼聰攞咗架電單車去兜風,令網民都忍唔住留言話係另類嘅浪漫。

謝安琪IG
Photo from 謝安琪IG

張繼聰IG
Photo from 張繼聰IG

2.陳豪 陳茵媺

兩人因為拍攝電視劇《心戰》而相戀,直到2013年喺巴黎結婚。婚後二人三年抱三,育有兩個兒子同一個女兒,兩人間中會喺IG po一家五口甜蜜嘅合照。

陳茵媺IG
Photo from 陳茵媺IG

兩人都表示雖然而家有小朋友,但都依然會預留時間比對方,尤其喺情人節同結婚紀念日都會過二人世界。結婚前,佢哋亦承諾過無論有幾忙,都會每年計畫一次屬於兩個人嘅旅行,盡量去新嘅地方創造新回憶!

陳茵媺IG
Photo from 陳茵媺IG

喺2019年嘅情人節,佢哋兩個就去咗西班牙度假,共享浪漫時光!陳茵媺仲花咗一晚嘅時間,親手搵佢哋兩人一直以嚟嘅合照,自己整咗本相冊送比陳豪做情人節禮物,真係好有心機~

陳茵媺IG
Photo from 陳茵媺IG

3.鄭嘉穎 陳凱琳

兩人因為拍攝電視劇《殭》而擦出愛火花,由於兩人年紀相差22年,所以拍拖時期一直都不被外界看好。喺2018年,兩人於峇里結婚,而家有兩個非常可愛嘅仔仔。

陳凱琳IG
Photo from 陳凱琳IG

兩人嘅相處非常甜蜜,其實陳凱琳亦係鄭嘉穎入行咁耐以嚟第一位公開承認嘅女友,而且喺公開戀愛後佢哋亦時常高調放閃。另外,鄭嘉穎為咗老婆仲好堅定咁戒煙、戒蒲及戒粗口,希望可以比到足夠嘅安全感佢。仲為咗陳凱琳而開始返教會,想拉近彼此嘅距離。睇嚟佢真係為咗愛而改變咗好多!

陳凱琳IG
Photo from 陳凱琳IG

陳凱琳IG
Photo from 陳凱琳IG

4.劉青雲 郭藹明

二人於1998年結婚,結婚至今已經23年,但依然甜蜜!兩人拍拖初期曾經因為背景相差比較遠,而不被家人同外界認同。但多得有郭藹明嘅默默支持,劉青雲憑實力獲得多個影帝殊榮。

郭藹明微博
Photo from 郭藹明微博

兩人嘅相處模式非常甜蜜,時不時就會被傳媒拍到一齊拍拖嘅畫面,係大家公認嘅模範夫婦。由於佢哋都好鍾意煮嘢食,所以成日都會一齊去買菜。劉青雲仲曾經講過當老婆嘗試煮新菜式,佢都非常樂意做「白老鼠」試味。

郭藹明微博
Photo from 郭藹明微博

喺2015年,劉青雲憑電影《竊聽風雲3》奪得香港金像獎影帝,並喺台上公開咁講愛的宣言,令到當時喺台下嘅老婆忍唔住眼濕濕。

TVB
Photo from TVB

TVB
Photo from TVB

5.黃貫中 朱茵

黃貫中同朱茵喺 2012 年結婚,並在同一年宣布懷孕,誕下女兒黃鶯。儘管外界以「美女配野獸」嚟形容佢哋兩個,但佢哋感情從來都無因此而動搖,黃貫中更多次喺鏡頭面前表達對老婆堅定嘅心。

朱茵FB
Photo from 朱茵FB

朱茵FB
Photo from 朱茵FB

黃貫中亦為朱茵戒咗多年嘅煙癮,婚後練習廚藝,希望佢可以返屋企就可以無憂無慮咁好好休息。

朱茵微博
Photo from 朱茵微博

喺2018年黃貫中同女兒黃鶯出演內地親子節目《想想辦法吧!爸爸》,有一幕喺朱茵喬裝打扮成老婆婆去接近老公同埋女兒,只係為見佢哋兩父女一面。然而,喺事後訪問嘅時候黃貫中就話其實佢一早就發現老婆嘅蹤影,但因為拍攝進行中所以並無當場識穿,仲好sweet咁話「無論佢裝扮成點,都可以認得出!」

廣告
廣告

《想想辦法吧!爸爸》
Photo from 《想想辦法吧!爸爸》

《想想辦法吧!爸爸》
Photo from 《想想辦法吧!爸爸》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳彥祖髮線上移變甩毛男神?陳冠希/余文樂齊齊變大叔?盤點 5 位昔日高顏值男星

17 Mar 2021

對歌手/藝人嚟講 keep 住顏值可以話係人第二重要嘅大事嚟,但隨住歲月蹉跎唔少藝人不時都會被拍到憔悴老態盡顯嘅情況,部分藝人更被指因為微調過度而面容僵硬,樣貌非常唔自然等嘅情況。而一代男神吳彥祖近日就被網友翻出昔日靚仔相,指佢依家髮線嚴重上移,悲痛大叫男神崩壞。

一代男神吳彥祖被指髮線嚴重上移。

1. 吳彥祖

吳彥祖同老婆 LisaS. 及 女兒 Raven 移居美國後,不時都會返香港同朋友聚吓,不過早前有網民驚訝指是被稱為一代男神吳彥祖嘅髮線嚴重向上移,頭髮稀疏,網民悲痛大叫男神崩壞。

網民悲痛大叫男神崩壞

吳彥祖同老婆 LisaS. 及 女兒 Raven 移居美國後,不時都會返香港同朋友聚吓

吳彥祖當年拍《美少年之戀》而入行,五官突出,身形健碩、其唔鹹唔淡嘅廣東話迷死唔少當年嘅少男少女。但同依家相比明顯係愈嚟愈有男人味,男神之位當之無愧。

吳彥祖當年拍《美少年之戀》而入行

而除咗吳彥祖外,依 4 位中/港/台嘅藝人喺出道時喺唔少女性心目中嘅「男神」嚟,可惜隨住歲月蹉跎,靚仔樣好似都已不復在!

2. 馮德倫

馮德倫當年都有份拍《美少年之戀》

當年同吳彥祖一齊拍攝《美少年之戀》嘅馮德倫,喺當年都係唔少人心目中嘅男神嚟,而近年佢不時更會以留白鬚造型示人,完全唔掩飾歲月嘅痕跡,同當年相比又係另一種感覺嚟!

近年馮德倫不時以留白鬚造型示人,完全唔掩飾歲月嘅痕跡

3. 余文樂

余文樂早前因入名店被要求排隊一事,引起嚟 fans 大感失望

余文樂早前因入名店被要求排隊一事,引起嚟 fans 大感失望外,近年更有網友指余文樂出現未老先衰嘅跡象,睇番佢近嚟嘅相,見佢留鬚加上鬍鬚灰白,感覺好似老咗十年咁,同當年青靚白淨截然不同。

有網友指余文樂出現未老先衰嘅跡象

4. 陳冠希

陳冠希 2000 年出道時憑混血靚仔樣成為唔少女性心目中嘅「男神」

陳冠希 2000 年出道時憑混血靚仔樣成為唔少女性心目中嘅「男神」,但近年外貌經常成為話題,指佢靚仔樣不再。而早前一身名牌衣著,但黑背心、紅褲嘅穿搭被網民笑似水喉工,加上光頭髮型現老態令人諗起小丸子爺爺。

早前一身名牌衣著,但黑背心、紅褲嘅穿搭被網民笑似水喉工

5. 言承旭

言承旭最為人熟悉嘅作品一定係《流星花園》

早前言承旭出席台灣藝人安以軒女兒嘅滿月宴時,留有一頭長髮嘅佢加上鬍鬚,瞬間多咗一份成熟男人味。不過有網友就指認為他依個 look 睇起嚟略顯憔悴同滄桑,似乎冇咗偶像嘅魅力。

言承旭留有一頭長髮嘅佢加上鬍鬚,瞬間多咗一份成熟男人味。

依個 look 睇起嚟仲略顯憔悴同滄桑

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook