輕鬆KO頑固碗碟污漬油垢!超專業廚房法寶Bosch「黑鑽玻璃桌面式洗碗碟機」,99.999%* 去除細菌超高效~

輕鬆KO頑固碗碟污漬油垢!超專業廚房法寶Bosch「黑鑽玻璃桌面式洗碗碟機」,99.999%* 去除細菌超高效~

BySherry on 01 Apr 2021 Editor

根據非正式統計顯示,十大最煩厭家務中「洗碗」絕對係名列前茅,每次係屋企煮完嘢食,一諗到要洗碗即刻覺得心也累了~如果屋企人多啲,一日三餐要洗嘅碗碟量都咪話唔驚人~呢排多咗留喺屋企食飯,更加覺得「洗碗」呢樣家務嚴重影響家庭和諧指數 (笑)!而且平日工作忙碌,返到屋企食完飯仲要慢慢洗碗,真係少咗好多Me Time畀自己休息同陪屋企人!為咗減輕負擔同獎勵下自己,於是小編最近就扚起心肝決定入手一部超專業嘅廚房法寶 -Bosch全新黑鑽玻璃桌面式洗碗碟機,發現呢個嚟自歐洲嘅家電品牌推出嘅洗碗碟機得到唔少用家嘅好評,唔單止可以99.999%*消滅細菌及病菌,而且仲有超強BBQ 頑強去污清洗程序,加埋型格機身設計,CP值超高呀~即刻睇下佢有幾勁!

#睇唔到就係乾淨?高溫消毒殺菌達99.999%*!Bosch型格黑鑽玻璃設計洗碗碟機必入手

喺疫情下保持衛生絕對係重中之重,而我哋平日洗碗其實好多時都未必能夠完全確保將細菌消滅,而一部具備99.999%*高溫消毒殺菌功效嘅洗碗碟機就可以令你更安心!Bosch全新桌面式洗碗碟機 (型號:SKS68BB008) 集高溫消毒殺菌與高效清潔於一身,可以畀碗碟餐具達致徹底清潔殺菌,咁就唔洗擔心手洗得唔乾淨喇!

而好似小編呢啲「外貌控」(笑),梗係想揀返部望落時尚有型嘅洗碗碟機喇~呢部西班牙製嘅Bosch全新桌面式洗碗碟機就榮獲2020年德國 iF Design Award,選用咗望落超型格嘅黑鑽玻璃面板,時尚大氣嘅色調非常百搭,無論家居裝潢係走日系文青風、黑白簡約北歐風,定明亮現代風,點襯都咁Perfect,纖巧機身完美融入家居風格~而且LED顯示屏設計及輕觸功能簡單易睇,會清楚顯示清洗狀態、入水情況、清洗剩餘時間,真係時尚又實用,想為屋企增添幾分時尚氣息,絕對係唔錯嘅選擇~

#慳水慳力超強去污!「BBQ 頑強去污清洗 70°C」功能超驚艷!

而小編覺得最有驚喜嘅就係佢嘅「BBQ 頑強去污清洗 70°C」功能,真係貼心到爆呀!平時同屋企人、朋友喺屋企食韓燒、打邊爐,啲燒烤爐具嘅油漬同沾滿油污嘅器皿真係勁難捽走!(唉) 不過呢部Bosch洗碗碟機就特設「BBQ 頑強去污清洗 70°C」清洗模式,有效去除餐具同煮食用具上嘅頑固污漬,遇上啲難以清洗嘅污垢,仲可以提升沖洗溫度至攝氏72°C以高溫沖洗,潔淨效果Level UP!

最近大家都化身「家居廚神」多咗下廚煮嘢食、整下蛋糕咁,有咗呢部Bosch洗碗碟機,真係大大減輕咗煮完嘢食要洗碗嘅負擔,可以一次過清洗咁多烤盤工具,仲唔洗再慢慢捽走頑固嘅油漬污垢,慳返唔少時間,整嘢食都開心啲喇~就算係烤雞、炸豬扒、煎魚呢啲重油、易黐鑊嘅菜式,都可以幫你輕鬆搞掂碗碟、爐具嘅油漬污垢!(讚) 而洗碗碟機入面嘅噴射水壓仲可以深入酒杯、啤酒杯、高身瓶子同嬰兒奶樽樽頸呢啲相對難洗嘅位置,真係窿窿罅罅都幫你徹底去污~重點係佢比傳統手洗碗碟更可以慳返高達52公升^嘅用水量,榮獲歐洲能源效益A+評分,慳水、慳電又慳力,唔買都對唔住自己呀!

#「洗碗」點止咁簡單~「8+5 專業清洗程式」滿足你多個願望!

呢部桌面式洗碗碟機仲設有「8+5 專業清洗程式」,當中包括8個清洗模式加5個特別功能,可以滿足到你唔同需要,可以因應你嘅時間、餐具種類同餐具污垢程度,提供唔同針對性嘅清洗模式畀你選擇!

睇完小編嘅介紹係咪都好心動想買返部時尚、實用度兼備嘅Bosch「黑鑽玻璃桌面式洗碗碟機」呢?即刻Click入嚟了解詳情喇:https://bit.ly/3wjz3vG

Bosch 黑鑽玻璃桌面式洗碗碟機|SKS68BB008
►建議零售價 HK$6,980


*Bosch, 2020 世界洗碗碟機銷量第一品牌。資料來源: Euromonitor2020年銷量報告。
**經香港通用檢測認證有限公司(SGS)測試,以 Eco 50°C清洗程序,能有效去除99.999%的大腸桿菌及金黄葡萄球菌。SGS 測試報告 HKGEC2000415204 (12/2020).
^ 假設每日人手洗滌碗碟需要60公升水。

Presented by:Bosch 家電
Photo Source:Bosch 家電

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook