download HolidaySmart 假期日常 app
港女Staycation上癮個個星期都去 男友崩潰向網友求助!

港女Staycation上癮個個星期都去 男友崩潰向網友求助!

時事熱話 生活熱話
By Stephanie on 18 Mar 2021
Digital Content Writer

由於疫情嘅關係,大家都無得出國去旅行,所以staycation就成為咗大家現時最熱門嘅活動,令大家可以喺假期嘅時候暫時當自己去咗旅行~但近日就有男友喺討論區投訴自己嘅女友staycation 去上癮,仲要不停咁買套票,令佢花咗好多錢。

TVBPhoto from TVB

呢位男友喺香港討論區度開post話因為佢上年喺女友生日時幫佢安排咗一次staycation,而令女友開始沈迷去staycation,而家個個星期都要去!

香港討論區Photo from 香港討論區

雖然而家有好抵嘅套票,但女友成日都會貪得無厭,一時話加自助餐,一時又話要upgrade間房。而且每次加嘅價錢由幾百蚊到幾千蚊不等,令佢嘅花費越嚟越多。最近,女友甚至話想體驗五星級嘅服務,想去一間五星級嘅酒店staycation試下,但一晚就已經要幾千蚊。

TVBPhoto from TVB

呢位男友就嘗試同女友提出「不如一個月淨係去兩次staycation」,但女友就即刻話「係咪嫌佢麻煩同貴,話自己約朋友去,自己出返錢」,搞到佢都唔知點應對好!

TVBPhoto from TVB

最後就話staycation真係害人不淺,貴少少嘅套票有時候已經可以飛去台灣玩返五日四夜!

TVBPhoto from TVB

好多網民睇完之後,都留言表示支持男友話唔明白點解而家咁多人鍾情於去staycation,認為係浪費錢嘅消費活動。

香港討論區Photo from 香港討論區

香港討論區Photo from 香港討論區

但亦都有網民認為應該把握而家酒店所推出嘅套票,好好咁體驗五星級享受。仲提議如果真係成日住酒店,就可以申請優惠信用卡,咁樣就會更加抵!唔知大家對staycation又有咩睇法呢?

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳若希Staycation影打卡相嫌老公影得自己醜 發火大鬧:「你成個人都冇用!」

1 Mar 2021

早前,吳若希同老公去staycation仲係YouTube度post咗條片,而佢老公就化身為攝影師幫佢影港女打卡相,十分甜蜜。但係當吳若希喺度睇返啲相嘅時候,佢就忍唔住嫌棄老公嘅作品,仲嬲到大鬧「你成個人都冇用!」

吳若希IGPhoto from 吳若希IG

近排,吳若希就開咗個YouTube channel去同大家分享佢嘅日常生活,而最新嘅影片就拍低咗佢同老公去Staycation。片段中,吳若希好興奮咁參觀酒店房間,而佢老公亦時不時做出甜蜜嘅舉動。當佢老公見到床上有一扎花嘅時候,佢就即刻跪地向佢獻花。但當吳若希問係咪酒店因為情人節而送嘅時候,佢老公亦非常誠實咁話應該係,令吳若希忍唔住話佢「講大話都唔識」。

吳若希YouTubePhoto from 吳若希YouTube

吳若希YouTubePhoto from 吳若希YouTube

之後,吳若希就利用酒店房嘅無敵大海景做背景不停影打卡照,而廿四孝老公就充當攝影師。睇得出佢對影打卡照非常有熱誠,換好咗浴袍,攞曬道具同擺好曬pose。但每次當佢睇返老公親自操刀嘅照片,佢都忍唔住翻曬白眼話「影得好肥啊」!

吳若希IGPhoto from 吳若希IG

吳若希YouTubePhoto from 吳若希YouTube

佢哋亦去咗酒店游泳池旁食下午茶,期間吳若希再次叫老公幫佢影靚相。但係當佢睇返啲相嘅時候,佢就忍唔住嫌棄仲話「如果依家有把刀,我想即刻將你個頭劈開一半,因為你對眼冇用,你成個人都冇用!」

吳若希YouTubePhoto from 吳若希YouTube

吳若希YouTubePhoto from 吳若希YouTube

雖然佢哋係片段中不停咁打打鬧鬧,但係都有唔少佢哋兩夫妻嘅甜蜜片畫面,包括有燭光晚餐同老公為佢用花瓣裝飾浴缸,令不少網民都係留言度話好閃啊~

吳若希YouTubePhoto from 吳若希YouTube

吳若希YouTubePhoto from 吳若希YouTube

其實自從吳若希結左婚之後,佢都時不時會高調咁曬同老公相處嘅片段,亦不畏言咁批評佢老公,令網民都因此而有兩極嘅反應。有啲網民就認為佢唔應該公開批評佢老公,但亦有網民表示好羨慕佢哋嘅相處模式。不過由staycation條影片下面嘅留言可以睇得出,越來越多嘅網民都視睇佢哋兩夫婦打鬧嘅畫面為樂。

吳若希YouTubePhoto from 吳若希YouTube

再加上,吳若希老公似乎非常享受可以比網民大肆討論,睇黎吳若希可以開一個新系列去「折磨」佢老公喇!

吳若希IGPhoto from 吳若希IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel