日本AA制夫妻大揭獨特相處模式 從不牽手/不叫對方名字/按時薪做家務

相信大家都成日會喺討論區見到「拍拖嘅時候情侶應否AA制」嘅話題，但近日有日本綜藝節目就訪問咗一對夫婦，佢哋結婚後都貫徹始終咁過AA制嘅生活。就算老婆做家務都會按時薪咁比錢佢，呢種相處方式令唔少人睇完都覺得十分驚訝！

Photo from 《傢ついて行ってイイですか》(跟拍到你家)

好多人都會認為結咗婚之後，兩夫婦就唔需要將生活嘅花費計得咁仔細。不過日本呢一對夫婦似乎就唔係咁認同呢個講法，佢哋仲有獨有嘅AA制相處模式！日本綜藝節目就去咗佢哋屋企訪問現年39歲嘅妻子Aiko同42歲丈夫Kazuki，兩人於兩年前結婚。

Photo from 《傢ついて行ってイイですか》(跟拍到你家)

Photo from 《傢ついて行ってイイですか》(跟拍到你家)

婚後嘅生活開支（房租、水費、電費、煤氣費）全部都係各付一半，而且兩人係分開床瞓，過住好似室友般嘅生活。

Photo from 《傢ついて行ってイイですか》(跟拍到你家)

Photo from 《傢ついて行ってイイですか》(跟拍到你家)

由於家務大多數都係有妻子負責，所以丈夫就提議「家務時薪制」，時薪大約係1,500日圓 （大約107港幣），一個月大概就有4萬日圓（大約2,850港元）。

Photo from 《傢ついて行ってイイですか》(跟拍到你家)

節目組就好奇咁問良人相識過程，佢哋就話兩人原本都喺遊戲製作公司返工，因為一齊玩遊戲而開始拍拖。兩人性格完全唔同，所以佢哋結婚戒指嘅款式都係跟返自己嘅喜好而選擇。儘管佢哋真係截然不同，但就並無因此而分手，反而就製造咗呢種佢哋獨有嘅相處方式。

Photo from 《傢ついて行ってイイですか》(跟拍到你家)

兩人連食嘢嘅口味都好唔同，一個就鍾意清淡啲，一個就鍾意比較重口味嘅，所以兩人好多時都會各自點外賣食。而分開床瞓係因為唔想干涉對方嘅生活，除咗食飯之外，佢哋幾乎係分開行動。

Photo from 《傢ついて行ってイイですか》(跟拍到你家)

受訪問嘅時候，佢哋就表示因為佢哋兩個性格都好怕羞，唔鍾意麻煩到其他人。由結識到而家，佢哋連對方嘅名字都未叫過，只係互相稱呼「小姐」、「先生」。怕羞嘅佢哋甚至連手都未拖過，話係因為「不喜歡雙手被奪去自由的感覺」。不過兩人都對佢哋呢種獨立嘅生活方式感到好滿意，仲話而家嘅佢哋非常幸福！

Photo from 《傢ついて行ってイイですか》(跟拍到你家)

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本美女電單車騎手真面目曝光！竟是50歲大叔！1.5萬粉絲大崩潰

17 Mar 2021

日本一名金髮美女電單車騎手「宗谷の蒼氷」因甜美外型爆紅，喺Twitter有近15萬人follow，近日日本節目《月曜から夜ふかし》就訪問咗呢位美女，點知佢真人竟嚇怕一眾fans！

Photo from 宗谷の蒼氷Twitter

宗谷の蒼氷熱愛重型電單車，佢經常喺Twitter分享自拍照，吸引唔少志同道合嘅電單車愛好者關注，加上佢甜美笑容，雖然佢從來唔透露自己嘅年齡等個人資料，仍然有1萬人follow佢！

Photo from 宗谷の蒼氷Twitter

Photo from 宗谷の蒼氷Twitter

Photo from 宗谷の蒼氷Twitter

Photo from 宗谷の蒼氷Twitter

不過近日佢公開嘅照片中舉起V字手勢嘅手臂就引起網民關注，上面嘅皺紋明顯唔屬於20幾歲女性嘅皮膚，而且喺佢post嘅相中發現電單車倒後鏡有一位大叔出現，有啲fans開始懷疑佢嘅真面目。

Photo from 宗谷の蒼氷Twitter

Photo from 《月曜から夜ふかし》

日本節目《月曜から夜ふかし》就親自採訪咗宗谷の蒼氷本人，點知佢真人一出現即令人感到相當衝擊！

Photo from 宗谷の蒼氷Twitter

宗谷の蒼氷一除底個頭盔，竟然係一名50幾歲大叔！！！雖然一頭長金髮同「宗谷の蒼氷」一樣，但橫睇掂睇呢位大叔都同金髮美女無一忽相似。

Photo from 《月曜から夜ふかし》

Photo from 《月曜から夜ふかし》

大叔亦非常坦白佢係用App變臉，因為佢想同人分享佢嘅電單車，但諗到唔會有人想睇大叔，於是就決定用「FaceApp」由大叔變美女，結果好成功，佢亦漸漸享受做美女嘅感覺。

Photo from 《月曜から夜ふかし》

Photo from 《月曜から夜ふかし》

Photo from 《月曜から夜ふかし》

佢仲大方分享用App美女嘅秘訣，節目播出後宗谷の蒼氷follower再次大幅上升！雖然有唔少fans大感崩潰，但亦有網民感歎依家「變臉技術」令人唔敢再相信網絡世界嘅靚女。

Photo from 《月曜から夜ふかし》

Photo from 《月曜から夜ふかし》

Photo from 《月曜から夜ふかし》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）