download HolidaySmart 假期日常 app
超精緻愛心飯盒!!日本無敵人妻製作可愛便當,模仿技巧超高,唔捨得食點算呀~

超精緻愛心飯盒!!日本無敵人妻製作可愛便當,模仿技巧超高,唔捨得食點算呀~

日本旅遊
By Phyllis on 22 May 2017

香港工作生活逼人,有時留喺公司加班,根本無時間返屋企食飯,屋企有飯可以帶已經好開心~如果一打開個飯盒,見到佈置得整整齊齊,又色彩繽紛,會唔會更加開心呢??日本呢位神手媽媽,每個便當都排得靚靚,全部都有主題同造型,大家又認唔認到係模仿緊d咩食品呢?

呢個便當以美祿為主題,一打開飯盒就見到綠色嘅菜葉,模仿樽身嘅顏色,上面仲好認真咁畫有Milo 標誌~


食蕎麥麵當然要配鰹魚醬油!!以飯團同紫菜製作嘅醬油,模仿嘅比例啱啱好,好似真嘅一樣~

成支力保健做餸??個飯盒咁靚,見到已經夠晒開心~~食完愛心飯盒,好似飲左力保健一樣,全日都保持最佳狀態工作啦~

章魚燒便當,腸仔扮章魚呢一招,應該係整造型便當嘅基本功!!

完美還原拉麵嘅包裝,以橙色嘅飯粒模仿湯底~上面放有雞蛋、鳴門卷同配菜,賣相好精緻呀~


呢款森永朱古力,大家應該都唔會陌生~日本呢位媽媽以肉丸模仿朱古力豆,咬開中間仲有"果仁粒"㗎,製作好認真~

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編~謝謝~) *本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel