馬國明髮線疑似再上移？頹爆All Back頭引網民關注

馬國明、陳豪、胡定欣、張曦雯、唐詩詠及郭晉安等人早前就因要到深圳拍攝《白色強人2》外景，而需要先隔離21日，日前佢哋終於完成隔離可以外出行吓喇，佢哋仲上傳咗齊齊食酸菜魚慶祝「出關」兼預祝拍攝順利添！

日前郭晉安喺 IG 就晒咗佢同胡定欣、陳豪及馬國明齊齊歎酸菜魚嘅相並留言：「終於開工啦！」預祝拍攝順利。

依張相一出，唔少網友嘅焦點都落咗喺馬國明身上，事關以 All Back 示人嘅佢除咗露出咁個大額頭外，再戴埋眼鏡，臉容睇落即時好似憔悴咗唔少，感覺上仲有少少頹味添！

仲令唔少網友都紛紛為佢嘅髮線擔心，留言問「馬明個頭髮咩事」、「馬明哥哥個頭?」、「馬明個頭髮?」呀！

不過睇番馬國明之前嘅相，佢嘅額頭向來都唔低，而喺《使徒行者3》同《C9特工》中就曾經以 All Back 造型演出，只係平時大部分造型都會有部分瀏海遮掩，所以造成錯覺。

佢同以前相比佢個髮線好似真係明顯有啲差別！

不過今次佢冇將頭髮 gel 起而令清朝額更為突出，因此網友先會催促快點執番靚個樣，免得女友湯洛雯冇眼睇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馬國明出道20年對比照！由茄呢啡做到視帝！超凍齡外貌 出道已係天然呆？

12 Nov 2020

46歲嘅馬國明出道已經有20年，藝員訓練班後由路人甲做起，陪跑3次終奪視帝。近日佢喺《使徒行者3》中飾演大奸角，角色有極大突破，回顧佢出道咁耐，其實真係保養得好好，快睇下對比照！

馬國明今年46歲，已經出道20年。佢參加無綫電視第14期藝員訓練班入行，畢業後有幾年都係做茄呢啡，角色都係路人甲，包括餐廳伙記、醫生、圍觀群眾等。

馬明除咗做戲，仲有參演歌手MV，喺2002年李蘢怡《夜遊杜拜》MV中做男主角，當時佢28歲，仲好有朝氣，戴上棒球帽都非常陽光。

可左右滑動看圖：

到2003年獲得機會參演大製作台慶劇《衝上雲霄》，飾演高志宏（Roy）一角，成功令觀眾留下深刻印象。

原來馬明當年喺《衝上雲霄》，已經係做緊「天然呆」嘅角色！

可左右滑動看圖：

到2004年開始備受力捧，更同林峯、吳卓羲等人獲選為奧運六星之一。

2006年，馬國明憑《愛情全保》、《肥田囍事》奪得當年萬千星輝頒獎典禮「飛躍進步男藝員」獎，更首度獲提名「最佳男主角」。

但估唔到竟然要到2012年，馬明先再次喺《萬千星輝頒獎典禮》上奪獎。佢憑《On Call 36小時》「一件頭」一角奪「我最喜愛的電視男角色」。

之後喺2017年同2018年，連續兩年都攞「我最喜愛的電視男角色」，三度奪獎，可惜始終同視帝失之交臂。

終於喺2019年，佢憑《白色強人》勇奪「最佳男主角」，終坐上視帝寶座！

出道20年，馬明真係無乜變過，雖然已經46歲，但向來係童顏嘅佢依家外貌其實同20幾歲時都差唔多。

近來佢喺《使徒行者3》中飾演大奸角，角色上有新突破，喺內地好評唔少～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）