吳尊鍾嘉欣如兄妹、湯洛雯激似倪晨曦！盤點12對撞樣藝人

所謂人有相似，有好多明星雖然無血緣關係，但都似到親生兄弟姊妹咁，以下呢12對明星，就算唔係面盲都好難分！

#湯洛雯、倪晨曦

靚湯同倪晨曦其實都各有妹妹，但佢哋兩位家姐竟驚人地相似！靚湯同倪晨曦上《美女廚房》都被戲稱相似度100%！

Photo from 倪晨曦IG

Photo from 倪晨曦IG

Photo from TVB

#何超蓮、鍾欣潼

何超蓮同阿嬌份屬好姊妹，喺社交網上合照唔少，美女都有相似嘅地方，何超蓮更曾經喺抖音自拍指自己都覺得有啲似鍾欣潼！

Photo from 何超蓮微博

Photo from 鍾欣潼IG

Photo from 鍾欣潼微博

#鍾嘉欣、吳尊

同樣做咗父母嘅鍾嘉欣同吳尊都被人話似兄妹好耐！兩位都係靚仔靚女，似樣真係唔出奇！之前鍾嘉欣同吳尊一齊出席活動時有人提起佢哋似樣嘅事，嘉欣bb表示認同，仲話吳尊似佢哥哥，更大方同吳尊自拍，希望可以同對方合作。

Photo from TVB & 吳尊 facebook

#許志安、杜德偉

填詞人梁栢堅喺weibo轉載一張圖，圖入面有位網民表示喺球場見到「杜德偉」，同佢打招呼佢但佢好寸咁唔應人，並附上一張相，但其實相入面嗰個係許志安嚟。事件引起網民討論，有人表示自己都經常認錯兩人。

Photo from 梁栢堅 weibo

Photo from 杜德偉 ＆ 許志安 facebook

#方力申、石修

以年齡嚟講兩人有啲差距，但方力申比石修兒子更似係親生仔！原來方力申16歲代表香港參加東亞運動會時已被記者指係「少年石修」！

Photo from 方力申IG

Photo from 方力申微博

Photo from 方力申微博

#陳庭欣、吳若希

陳庭欣曾經喺IG post出同表弟嘅合照，有網友留言表示以為係吳若希同佢老公Alex！

Photo from 陳庭欣IG

Photo from 吳若希

Photo from 陳庭欣IG

#劉嘉玲、那英

兩位都係娛樂圈大姐大，氣場好勁！雖然一個喺影壇發展、一個係樂壇大前輩，但仔細睇佢哋五官的確幾似下！

Photo from 劉嘉玲微博

Photo from 那英微博

Photo from 劉嘉玲微博

Photo from 那英微博

#何韻詩、盧巧音

何韻詩同盧巧音都一樣有唔少人話撞樣，連盧巧音自己都認同，更表示試過有的士司機認錯過佢係何韻詩，好搞笑！

Photo from 盧巧音ig@candynurisolo

Photo from 何韻詩facebook

Photo from 何韻詩facebook & 盧巧音ig@candynurisolo

#森美、Otto

商台DJ森美同前組合EO2成員Otto外型相似，經常有人認錯，戴咗眼鏡好似同一個人！網民亦不時搞錯森美同Otto嘅相，連森美都抽返自己水！

Photo from 森美 & Otto王志安 facebook

Photo from 森美 & Otto王志安 facebook

#徐錦江、雷神

香港都有雷神！80年代演員徐錦江一面鬍鬚，本來已有啲外國人輪廓，有網民將佢個樣p喺雷神poster上面，完全零違和感！

Photo from 《雷神奇俠2：黑暗世界》

Photo from 徐錦江 weibo

Photo from 徐錦江 weibo

#Eric Kwok、Iron Man

繼雷神之後，又一位Marvel超級英雄殺入香港，就係Eric Kwok喇！留鬚嘅Eric Kwok一向都被認為係香港Iron Man，Eric Kwok甚至仲出咗首歌叫《Iron Man》添！

Photo from 《Iron Man》 & Eric Kwok ig@eric.kwok

Photo from 環球唱片 Youtube @universalmusichk

#阮兆祥、盧覓雪

另一對撞樣明星就係阮兆祥同盧覓雪喇！最初係因為阮兆祥喺《荃加福祿壽》扮演嘅角色「大Ex」被指造型似盧覓雪，結果就順理成章同盧覓雪一齊出演。

Photo from 《荃加福祿壽》

Photo from 《荃加福祿壽》

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張寶兒驚變李嘉欣2.0　同岑麗香撞笑眼？盤點5位入行前後容貌變化超大藝人

19 Mar 2021

喺依家依個科技發達嘅時代，化妝、微調或以手機 P 圖都已經唔再喺女生嘅專利，唔少人為咗可以令上傳嘅自拍靚啲，都會 P 圖，特別係藝人，有時仲會 P 到變咗另一個人，因而令人質疑係咪曾經整過容嚟。

近日新婚人妻張寶兒就被網友喺連登翻出佢喺 2016 年參加香港小姐嘅舊相同依家做對比。網友仲以「張寶兒整咗容」為題，直指佢外貌變化差別大。

其中一張佢自拍教化妝嘅相中，網友就驚嘆愈嚟愈靚之餘仲有少少似李嘉欣添：「真係唔認得！」、「依家有啲似李嘉欣喎！」、「同依家嘅岑麗香撞眼喎！」

雖然被指「變臉」，不過有網民就搵嚟佢以前喺《姊妹淘》中嘅截圖為佢平反，指佢化妝叻先至唔同樣啫，並指寶兒依家有愛情滋潤，心境開朗自然樣甜啦！

不過除咗張寶兒之外，以下幾位藝人都曾經被網民質疑曾整容㗎。

廖碧兒

廖碧兒近年成日被指大變樣，唔少網民都質疑佢削咗腮骨，將原到睇嚟正方形嘅樣變成瓜子臉，令五官睇先嚟更標緻。

依家：

岑麗香

岑麗香早前就因為一張喺讀書時期影嘅學生相同依家有啲出入，而被網民認為佢微調過。而當年參選華姐時，佢嘅皮膚黝黑仲有少少 baby fat，直到 2015 年時就有網民發現佢明顯同之前有啲唔同，特別係雙眼變咗雙眼皮同大咗，因此質疑她喺眼部動過刀。

依家：

胡鴻鈞

要提畀網友質疑整容嘅藝人又點可以唔提胡鴻鈞呢！胡鴻鈞自入行以嚟飽受「整容」傳聞困擾，多年來更被網民直指佢「削骨還父」。雖然當事人一概否認，更指只係化妝技巧嚟，不過網友們都好似都唔太 buy 依個講法囉。

依家：

劉愷威

而要提到完全變晒樣，相信大家一定會諗到劉愷威，初出道時，佢嘅鼻比較塌，下顎較為突出，但反觀依家，佢唔止鼻變立體，就連成個臉型都變成小 V 面喇，變化真係好大呀！

依家：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）