Bob嫂力推瘦身產品即時變瘦被網民懷疑P圖過度

By Stephanie on 24 Mar 2021

Digital Content Writer

Bob嫂黃乙頤(Pearl)原來唔只係4個小朋友嘅媽咪，仲係中西玄學家、塔羅師、按摩師、瑞士芳療師等，有好多重嘅身份！最近，佢就喺自己嘅IG度推介一款減肥藥，話自己食完之後好work。佢琴日又po多咗張全身照去推介減肥藥，有網民就認為而家嘅佢太瘦，有可能係食減肥藥嘅副作用，亦有人懷疑佢P圖！

Photo from Bob IG

減肥一直都係好多女人嘅長期目標，而生咗4個小朋友嘅Bob嫂當然都唔例外啦～自從生完仔仔林道申之後，Bob嫂就開始用唔同嘅方法減肥，試過多種方式嘅佢就對減肥有一番研究。喺2020年，仲曾經上訪談節目分享自己生酮飲食嘅心得。

Photo from Bob嫂IG

當時Bob嫂就話自己係因為有家族遺傳嘅糖尿病，所以就開始用生酮飲食去改善同舒緩病情。佢對自己嘅飲食管理好嚴格，大多數都只會選擇原型食物。

Photo from 《行媽咇》

直到舊年12月，佢就第一次喺IG po自己食完減肥藥嘅小小成果，仲表示呢隻藥非常有效仲令佢變靚咗！佢一分享完之後，就成功擄獲好多媽媽粉絲嘅心，大家紛紛留言問款藥係邊度可以買。

Photo from Bob嫂IG

Photo from Bob嫂IGTV

當時，佢推介嘅減肥藥引起網民們嘅關注，有網民就喺親子討論區開po問「Bob嫂賣廣吿隻減肥藥係咪真係有用？有副作用嗎？」有唔少網民就回覆佢認為Bob嫂雖然係瘦咗，但就睇落比以前殘咗、皮膚黑咗、頭髮又少咗！

Photo from 親子王國討論區

對比返佢2019年嘅照片（雖然應該有開濾鏡）同2010年第一次介紹減肥藥嘅照片，嗰時嘅面色的確係比較好。唔知大家又覺得分別大唔大呢？

Photo from Bob嫂IG

喺琴日Bob嫂又再一次同大家分享佢嘅瘦身成果，今次嘅佢明顯地瘦咗好多，隻腳變得好幼，令網民都忍唔住話佢已經夠瘦，唔可以再瘦落去！

Photo from Bob嫂IG

但就有網民喺留言度懷疑Bob嫂P圖，而佢亦有出面回應表示自己無P過圖。但有網民就發現佢張相後面嘅白色櫃，好似歪歪地，唔太相信佢話無P圖嘅說法！

Photo from Bob嫂IG

Photo from Bob嫂FB

另一嗰令網民唔太相信Bob嫂嘅原因，係因為佢係3日前所po嘅影片同琴日po嘅照片有所出入。雖然未知影片拍攝嘅日期喺幾時，但影片中嘅佢面比較圓潤，又好難令網民相信只係用幾日就令面變尖咁多嘅！

Photo from Bob嫂FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

林盛斌不甘老婆Pearl被人身攻擊　霸氣護航：喺我心目中係最完美嘅女人

26 Feb, 2021

唔少人都知 Bob 林盛斌喺娛圈中瓣數多嘅藝人之一嚟，job 接 job 密密做，賺錢能力驚人。而佢除咗賺錢勁之外，不時都會 IG 同大家分享家庭樂，一家六口家庭美滿，不過最近就有網民留言對 Peral 嘅外表同工作佢出人身攻擊，身為老公嘅 Bob 即看唔過眼喺 IG 發長文護航，激讚為屋企嘅付出。

Bob同老婆黃乙頤（Pearl）結婚 13 年，育有三女一子，家庭十分幸福。Bob 曾經講過，佢可以無後顧之憂地投入工作全因為有 Pearl 照顧好全家。而近年佢依位多功能老婆就見仔仔開始長大所以重投職場再任玄學家，靠自己嘅能力同知識去賺取家用。

不過今日 Bob 就突然喺 IG 上傳咗一張佢老婆企喺度撳電話嘅相，並發長文指有幾個報導提起佢太太後，就引嚟唔少網民留言評論攻擊Peral，看唔過眼嘅 Bob 當然忍唔住發文為老婆護航。

Bob 喺留言中指最近網上有人對老婆作人身攻擊，甚至無中生有：「最近，有幾個報導提起我太太，然後有好多網民留言評論，包括佢嘅外表同埋佢嘅工作，當然唔會全部都係一啲好好聽嘅說話，人身攻擊嘅有，無中生有嘅都有，好精彩。」

之後佢更直言 Pearl 只係一個普通女人，靠自己嘅能力同知識去賺取家用，喺佢心目中已經係「完美」：「我太太的確唔係乜嘢大美人，佢只係一個普通女人，40歲，從來唔化妝，冇打針，冇整容，鬆動啲先去買兩件靚少少嘅衫着吓，生咗四個小朋友，好努力照顧佢哋，亦安排好佢哋嘅起居飲食同所有嘢，私人時間就去學吓呢樣，做吓嗰樣，然後將自己嘅興趣發展成為事業，靠自己嘅能力同知識去賺取家用，而佢都仍然 keep 到依家呢個狀態，喺我心目中，已經係『完美』。」