郭富城方媛一家四口春遊　天王化身攝影師成妻女背後嘅男人！

天王郭富城（城城）與方媛（Moka）婚後先後生咗大女 Chantelle 同細女 Charlotte，雖然不時都會見佢哋二人拍拖出巡，不過城城對家人向來非常保護，絕少畀兩個女兒嘅正面曝光。而近日佢哋就一家四口齊齊去咗沙灘春遊。

日前郭富城就同方媛齊齊帶埋兩個寶貝女去春遊，佢哋唔止去咗主題公園外仲去咗沙灘摸蟹添，而城城更化身攝影師幫佢哋三母女影相，不過就同往常一樣只睇到佢哋嘅背影，因此成為咗太太背後嘅男人。

方媛喺微博上傳多張「春遊圖」，並留言：「分享三月好心情。#春日出遊妝」

相中見方媛依然少女味十足，完全唔似已經生咗兩個小朋友，一雙筷子腿相當搶鏡。佢同城城帶咗兩個寶貝女去沙灘玩，Chantelle 同 Charlotte 都紮住孖辮，非常可愛！

而其中一張全家喺日落時喺沙灘捉蟹，網民即笑言城城靚仔樣就見得多，但天王嘅背影就好少見。

有網民仲反問方媛：「螃蟹抓到是不是會放生啊？」身為天王嫂嘅方媛當然係對答得體喇：「當然不是真的抓，只是撿旁邊的小貝殼和玩沙。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

郭富城老婆罕晒3歲大女正面　五官輪廓精緻似足方媛細個！獲網民激讚：未來大美女！

16 Mar 2021

天王郭富城（城城）與方媛（Moka）婚後先後生咗大女 Chantelle 同細女 Charlotte，不過城城對家人向來非常保護，除咗佢同方緩外，佢哋至今亦絕少畀兩個女兒嘅樣曝光。

而喺日前 Moka 喺 IG 上傳咗一段大女 Chantelle 畫畫嘅片，唔知係咪因為早炒嘅關係，今次佢就冇遮到就 Chantelle 嘅樣，但從片中亦可清楚睇到 Chantelle 嘅正面樣子，雖然今次並唔係佢首次公開，其實 Moka 喺去年 8 月慶祝生日時，就首次公開大女 Chantelle 嘅正面，今次可以算係第二次，但依然引起一眾網民關注。

片中 3 歲嘅 Chantelle 喺度畫畫，睇嚟仲畫得唔錯，好有藝術天份添！Chantelle 專注咁畫緊珊瑚，而畫中仲有鯊魚同海草等海洋生物，難怪 Moka 都留言指 Chantelle 係一個愛畫畫嘅小朋友嚟。

在 Instagram 查看這則貼文

@mokafy 分享的貼文

不過網民嘅焦點就落咗喺 Chantelle 小巧可愛嘅五官輪廓上，唔少網友都讚 Chantelle 小小年紀已經擁有一副美人胚子，皮膚白皙，眼睛和鼻子嘅輪廓都好靚，仲有濃密嘅眉毛添：「好漂亮」、「太可愛了」、「小美女」、「將來長大後一定好靚女」。

睇番郭富城同方媛童年舊相，Chantelle 嘅精緻五官睇嚟係遺傳自媽媽 Moka 多啲，而妹妹 Charlotte 就似城城細個時多啲喎！

唔知下次會唔會見到細妹 Charlotte 嘅正面呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）