download HolidaySmart 假期日常 app
《乘風破浪的姐姐2》容祖兒疑失聲 喉嚨插5支針急救嚇怕張柏芝

《乘風破浪的姐姐2》容祖兒疑失聲 喉嚨插5支針急救嚇怕張柏芝

娛樂新聞
By Jennifer on 24 Mar 2021
Digital Editor

天后容祖兒(Joey)近嚟參加內地綜藝《乘風破浪的姐姐2》,佢喺IG晒出做針灸嘅相,令人擔心佢係咪因為過勞而失聲!阿Sa、張柏芝、Mani等人留言關心。

容祖兒Photo from 容祖兒IG

容祖兒喺《乘風破浪的姐姐2》多次擔任組長一職,超班嘅唱跳實力令佢人氣急升!

容祖兒喺《乘風破浪的姐姐2》多次擔任組長一職,超班嘅唱跳實力令佢人氣急升!Photo from 容祖兒微博

不過Joey參加節目並唔係一帆風順,早前佢就因為唔小心用鉸剪而整傷自己,令佢要帶傷上陣。

容祖兒IGPhoto from 容祖兒IG

早前容祖兒就因為唔小心用鉸剪而整傷自己Photo from 容祖兒IG

佢最近喺IG公開做針灸嘅相片,相中有成5支針插喺喉嚨附近位置,觸目驚心,Joey指:「又來到針灸的時候 #這幾天都在做什麼」,令fans擔心佢因為過於操勞而失聲。

容祖兒最近喺IG公開做針灸嘅相片,相中有成5支針插喺喉嚨附近位置,觸目驚心Photo from 容祖兒IG

喺2019年Joey《PRETTY CRAZY》紅館演唱會上張敬軒就曾經感歎佢為籌備演唱會嘅努力:「佢(容祖兒)真係搵命搏㗎!我真係未見過一個artist凌晨完騷返到酒店房都仲要喉嚨插住6枝針,就係為咗保證第二日有最好嘅狀態!」

容祖兒、張敬軒Photo from 張敬軒IG

容祖兒嘅針灸相亦有唔少圈中人留言關心,阿Sa蔡卓妍:「Take care dear」,經理人Mani:「抱抱」

容祖兒IGPhoto from 容祖兒IG

而同樣都有參加《乘風破浪的姐姐2》嘅張柏芝雖然無同容祖兒同組過,但都有留言要Joey好好保重:「你沒事吧,要好好保養你的聲音,你的聲音是天使般一般美麗,不要讓愛你嘅人擔心」

張柏芝都有留言要Joey好好保重Photo from 容祖兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

容祖兒拍《乘風破浪的姐姐》俾指甲插傷手要噴血縫針 網民:俾gel 甲整到咁傷都係第一次見!

9 Mar 2021

容袓兒最近就忙於出演內地節目《乘風破浪的姐姐2》,比佢有機會展示唱跳功力,令唔少網民對佢嘅表現讚不絕口。日前,佢就喺IG度講返起自己上個月驚險嘅受傷過程。原來佢係因為整咗超長嘅gel 甲搞到佢用鉸剪嘅時候,唔小心插傷手,仲搞到要入醫院縫針!

容袓兒IGPhoto from 容袓兒IG

容袓兒就喺IG話如果唔係比網民影到佢包紮住嘅手,佢都差啲忘記自己整親手。仲話之前一直都無講係因為唔想將受傷嘅事放大黎講,但既然節目都已經公開咗傷疤,就紀錄一下一個月前受傷嘅經歷。佢直言自己並非錫身嘅人,但因為自己敏感度高,所以好少會受傷(工作除外)。

容袓兒IGPhoto from 容袓兒IG

而令容袓兒受傷嘅主要元兇就係佢超長嘅gel甲!佢表示自己其實對呢類型長型嘅指甲並無興趣,今次之所以會整長gel甲都只係為咗令準備好嘅「三公舞蹈」睇落更加有隊形。整呢個指甲足足用咗佢8個鐘,整完之後行動極度唔方便,連捽眼都差啲插盲自己,仲話好佩服可以成日都留長指甲嘅人!

容袓兒IGPhoto from 容袓兒IG

之後,容袓兒就提及到受傷嘅「重頭戲」!佢當日就想拆嘢所以就攞起咗把鉸剪,但由於長gel甲令佢行動好笨拙,就搞到佢唔可以好似平時咁使用鉸剪。但就係佢用力嘅嗰一下,鉸剪就對準咗喺左手嘅虎口位插咗落去。佢形容當時嘅血係好似「玩水槍」噴出來,令周圍嘅工作人員都嚇到呆咗即刻送佢入醫院!

容袓兒IGPhoto from 容袓兒IG

容袓兒就話之後兩個星期傷口都一直痛,由於傷口唔可以入水,所以佢自己洗唔到頭。再加上要排舞,所以佢長期都需要包紮住個傷口,但又要擔心傷口會因此而發炎,令佢不停咁自責自己嘅愚蠢行為。佢仲話好彩並無因為受傷而影響排舞進度,提醒大家都要小心愛惜自己身體~

容袓兒IGPhoto from 容袓兒IG

容袓兒IGPhoto from 容袓兒IG

但係容袓兒最終都非常厲害咁帶領住佢嘅隊伍攞咗嗰節比賽嘅第一名,真係十分敬業!

湖南衛視Photo from 湖南衛視

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【乘風破浪的姐姐2】陳小紜被爆對容祖兒罵髒話!本人超有骨留言暗諷容祖兒無人關注

Mar 22, 2021

乘風破浪的姐姐2》早前播出容祖兒(Joey)同隊員陳小紜起衝突嘅場面,雖然網友力撐Joey,但網上有爆料指陳小紜曾以髒話罵容祖兒,更引嚟本尊留言,暗諷容祖兒關注度低?

《乘風破浪的姐姐2》Photo from 《乘風破浪的姐姐2》

《乘風破浪的姐姐2》令容祖兒喺內地人氣急升,佢更多次擔任組長。日前播出一集佢做隊長與隊員陳小紜因歌詞分配問題而起衝突。

《乘風破浪的姐姐2》令容祖兒喺內地人氣急升Photo from 《乘風破浪的姐姐2》

起因係演員出身嘅陳小紜堅持要唱歌曲一開頭嘅部分,但Joey就認為交返畀歌手負責會好啲,更令陳小紜落淚崩潰指責容祖兒逼佢唱歌,最後要以Joey三度道歉作結。

陳小紜落淚崩潰指責容祖兒逼佢唱歌Photo from 《乘風破浪的姐姐2》

最後要以Joey三度道歉作結。Photo from 《乘風破浪的姐姐2》

呢集播出後網民一面倒力撐Joey,認為陳小紜唔聽專業歌手意見我行我素,影響晒成組進度,更去陳小紜微博斥佢綠茶女,叫佢向Joey道歉。

呢集播出後網民一面倒力撐JoeyPhoto from 陳小紜微博

陳小紜微博Photo from 陳小紜微博

更有爆料指陳小紜當面對容祖兒罵東北髒話,不過被節目組剪走片段,呢名網友為增加爆料可信度,更不惜指:「假料死全家」!

有爆料指陳小紜當面對容祖兒罵東北髒話Photo from 微博

群情洶湧下陳小紜親自現身回覆網民,否認有罵髒話,更勁有骨留言感謝網友幫佢提升關注度,令自己微博每日訪問量都好大,同佢有合作嘅品牌非常滿意。陳小紜仲提到容祖兒:「真的心疼祖兒姐姐多去她那裡留言加油打氣刷熱度什麼的,真心話。」

群情洶湧下陳小紜親自現身回覆網民,否認有罵髒話,更勁有骨留言感謝網友幫佢提升關注度Photo from 微博

網民見到佢嘅留言都表示佢係「茶藝大師」,指佢說話情商為負,又指佢嘅回覆係暗諷容祖兒關注度無佢咁高。

網民見到佢嘅留言都表示佢係「茶藝大師」Photo from 微博

喺內地另一個綜藝節目《快樂大本營》中容祖兒同陳小紜全程零交流,更互當透明,傳出兩人不和傳聞。

喺內地另一個綜藝節目《快樂大本營》中容祖兒同陳小紜全程零交流Photo from 微博

微博Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel