想當年TVB都曾經製作過以青春偶像為主題嘅《四葉草系列》，雖然全個系列有4輯，但最經典嘅一定係18年前嘅第一輯《當四葉草碰上劍尖時》。當時掀起熱話，仲令劇中嘅藝人一度成為大家心目中嘅清純女神同陽光男神，直到今日依然有好多網民認為呢個系列係佢哋嘅集體回憶～而家就一齊睇下果陣時嘅演員喺相隔咁多年之後變成點啦！

Photo from TVB

1.黎諾懿

拍攝完四葉草後，開始受到大眾嘅關注。之後佢都一直活躍於幕前，拍攝多部電視劇作品，包括有《十兄弟》、《溏心風暴》等，其中最為人熟悉嘅角色就係《愛回家》裡面飾演馬壯。喺2014年同曾經參選港姐嘅李潔瑩結婚，育有一子。

Photo from TVB

Photo from 黎諾懿IG

2.李日朗（李逸朗）

李日朗憑住呢套劇而變出名，然後就加盟英皇娛樂，仲被安排同蔣雅文組成情侶組合「Don & Mandy」，非常受學生們歡迎！後來，佢就轉攻內地市場，甚少出現喺香港觀眾面前。喺2016年，更加開始幕後嘅工作，仲曾經因為自篇自導自演電影《特區》，並且獲得最佳新導演獎，十分多才多藝！

Photo from TVB

Photo from 李日朗IG

3.唐詩詠

唐詩詠第一套拍攝嘅電視劇就係《當四葉草碰上劍尖時》，仲即刻擔正做女主角。之後亦有份參與多部電視劇，喺2017年憑住《不懂撒嬌的女人》獲得《萬千星輝頒獎典禮2017》最佳女主角殊榮。演技備受肯定，近期都擔起劇集女主角角色。

Photo from TVB

Photo from 唐詩詠IG

4.黃婉佩 （黃婉伶）

喺接拍《四葉草》之前，就已經同姐姐組成2R出道。喺2005年曾經獲提名《香港電影金像獎》最佳新演員，亦出過唱片同寫真集，係一位多方面發展嘅藝人！直到2011年，正式宣布離開演藝圈，投身金融界。

Photo from TVB

Photo from 黃婉佩IG

目前定居於新加玻，同一位新加玻富商結婚，並且同妹妹創立咗一間地產公司。2017年誕下女兒Cara，於今年3月21日誕下兒子Dayton。

Photo from 黃婉佩IG

5.李雨陽

《當四葉草碰上劍尖時》係李雨陽嘅首次喺大眾面前亮相嘅電視劇，之後喺TVB所演嘅角色都並不起眼，所以喺約滿後就轉去香港電視網絡。後來，因為香港電視不被發牌，唯有轉行開食店。喺2017年同圈外女友結婚，並且育有一對子女。

Photo from TVB

Photo from 李雨陽IG

喺咁多位當中，李雨陽算係樣貌變化比較多嘅一位，頭髮已經開始有少少蒼白，而且眼角嘅紋亦比較多。

Photo from 李雨陽IG

6.姚子羚

姚子羚嘅第一部電視劇亦都喺《當四葉草碰上劍尖時》，後來都有出演不同電視劇，但大多都係配角。直到2010年，佢憑住《公主嫁到》、《情越雙白線》等入圍飛躍進步女藝員最後5強，演技開始備受肯定。2015年，首度憑《四個女仔三個BAR》同埋《張保仔》入圍最佳女主角，直至現在依然活躍於幕前。

Photo from TVB

Photo from 姚子羚IG

7.陳宇琛

陳宇琛憑拍攝《四葉草》入行，之後亦有參與多部電視劇拍攝。後來，轉投香港電視網絡，曾經擔任電台節目主持人，喺2017年同前有線電視主播林佑蔚結婚。

Photo from TVB

Photo from 陳宇琛IG

8.戴夢夢

1990年，戴夢夢因為參加「小偶像競選大賽」榮獲冠軍而成為童星，並且出演多部電視劇。喺2003年，佢正式進軍樂壇，獲得飛躍人氣女新人獎。喺2011，佢決定退居幕後，成為藝人經理人。

Photo from TVB

Photo from 戴夢夢IG

而有份拍攝呢套偶像劇嘅梁漢文早前亦都喺IG上載咗一張佢哋當時拍攝嘅幕後照片，令佢自己都不禁話以前嘅回憶返曬嚟～

Photo from 梁漢文IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

係回憶啊！15年後《赤沙印記＠四葉草.2》大家姐二家姐重聚！網民：咁三家姐呢？

15 Jan, 2019

唔知大家仲記唔記得以前嘅《四葉草》系列呢？係當時嘅青春偶像劇，除咗第一集以劍擊為主題嘅《當四葉草碰劍尖時》，講沙灘排球嘅第二集《赤沙印記＠四葉草.2》都好受歡迎㗎！

《赤沙印記》係圍繞住葉家3姊妹葉菁（楊秀惠飾）、葉蕎（李思欣飾）同葉茵（陳自瑤飾）加入咗學校嘅沙灘排球隊嘅故事。男主角係司徒瑞祈同蔡淇浚。

Photo from 《赤沙印記＠四葉草.2》

Photo from 《赤沙印記＠四葉草.2》

Photo from 《赤沙印記＠四葉草.2》

Photo from 《赤沙印記＠四葉草.2》

套戲係2004年播出，至今已有15年喇！而劇入面做兩姊妹嘅楊秀惠同李思欣原來劇外都一樣咁friend！

琴晚楊秀惠Post咗3人嘅合照同短片，並留言話：「大家姐終於約到二家姐食餐生日飯了?Happy Belated Birthday祝妳生體健康！生日大快樂??。」

在 Instagram 查看這則貼文

大家姐終於約到二家姐食餐生日飯了? Happy Belated Birthday @szeyan_li 祝妳生體健康！生日大快樂??

楊秀惠（@vvyeo）分享的貼文 於 PST 2019 年 1月 月 14 日 上午 8:50 張貼

原來佢哋係為李思欣慶祝生日，李思欣嘅正日生日係1月8號，當日佢同老公一齊慶祝，琴晚終於約到好姊妹慶祝喇！同場仲有周家蔚添！

唔少網民都話集體回憶返晒嚟，不過戲中飾演佢哋細妹嘅陳自瑤就唔在場，有網友搞笑問：「咁三家姐呢？」

睇真啲，雖然過咗15年，但佢哋個樣都無乜點變～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）