林峯澳門拍戲被發現肚腩凸面圓圓網民：應該係幸福肥！

Digital Content Writer

林峯入行多年以嚟一直都保持住佢嘅好身材，想當年仲曾經喺自己嘅演唱會大曬腹肌。近日，就有網民拍到正喺澳門拍攝緊邵氏新劇《黑金風暴》嘅林峯，影片同照片中都可以睇得出佢明顯變得圓潤咗，肚腩亦都凸咗出嚟，令網民都忍唔住話一定係幸福肥！

Photo from 林峯IG

自從林峯約滿離開TVB之後，就轉攻內地市場，喺2019年同張馨月結婚，而家育有一個半歲大嘅囡囡。早前，就有傳林峯同張馨月喺度拍攝緊內地真人騷《妻子的浪漫旅行5》，令網民都話十分期待節目播出！

Photo from 張馨月微博

林峯由入行以嚟都將自己嘅身材管理得好好，仲時不時大曬肌肉。近日，佢就因為接拍咗電視劇《黑金風暴》而去澳門進行拍攝。外景拍攝引嚟好多路人嘅圍觀，有偶遇嘅網民就上載咗啲當時嘅照片。由照片所見，林峯嘅面型的確係比以前圓潤咗唔少，但佢依然十分親民，同圍觀嘅人揮手打招呼。

Photo from IG@raymondlamfungg

其中一張照片就影到佢身穿白色t-shirt嘅肚腩明顯凸咗少少出嚟，企喺同劇嘅連詩雅隔離顯得更加臃腫，睇嚟結婚之後嘅生活非常幸福～

Photo from IG@raymondlamfungg

除咗喺澳門拍戲之外，佢亦有抽時間去見朋友。仲同15年前一齊合作嘅安以軒聚舊，而家嘅佢哋都已經成為咗人父人母喇，令唔少網民都話好懷念！

Photo from 安以軒微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

林峯老婆張馨月分享名牌袋被網民鬧　本人霸氣回應

9 Dec 2020

林峯同張馨月婚後誕下 BB，兩人正式成為爸爸媽媽。張馨月雖然要照顧 BB，不過依然活躍於社交平台，早前更喺社交平台分享自己嘅名牌袋，但就引起網民不滿。

林峯同張馨月 2019 年結婚，早前更誕下 BB，兩人正式升級成為父母，林峯更喺社交平台曬合照，非常幸福。

Photo from 林峯微博

「峯嫂」張馨月雖然要照顧 BB，不過仍然不時喺社交平台分享自己嘅生活近況，最近就喺社交平台分享自己嘅名牌靚袋：「實在想不到分享甚麼了，今天給大家分享一下我孕期到現在新入手的包包吧」，張馨月仲詳細介紹咗包包嘅特色及價錢等，係一篇純分享文。

Photo from 張馨月微博

Photo from 張馨月小紅書

不過帖文一出，就有網民留言表示不滿：「無可否認你是銀河系中最幸運的女人，遺憾的卻只有中專學歷，不靠別人你應該達不到這樣的生活水平吧！還是努力進修增值自己的文化內涵吧，這樣才能堵住看不起你的人的嘴巴，加油！」

Photo from 張馨月小紅書

張馨月冇保持沉默，反而高調回覆留言：「首先我靠的不是別人，其次沒有我老公，我自己也可以有這樣的生活水平，不要把你的認知加在我頭上，至於你說的增值自己，每個人不都這樣的嗎？不發出來不代表沒有，人生還很長，眼光放遠點，格局大些。」

Photo from 張馨月小紅書

同時都有唔少網民留言支持張馨月，「為甚麼每篇都有幾個心胸狹隘沒見過世面的檸檬精」，有網民覺得留呢啲惡評嘅人都係「吃不到葡萄說葡萄酸」，亦有網民搞笑地話「這對林峯這種高枕無憂的豪門已經包包價格很便宜了」。

Photo from 張馨月小紅書

呢個留言唔單止話張馨月靠老公，仲話埋佢嘅學歷，都難怪張馨月忍唔住回覆。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel