49歲朱茵11歲童年照曝光！凍齡逾30年！回顧9大造型照

Digital Editor

49歲朱茵向來係「性感女神」，近日TVB喺Facebook公開咗朱茵嘅舊片，片段中朱茵11歲童年照、學生相等曝光！過咗30幾年佢外貌仍然不變！

Photo from 朱茵微博

朱茵喺電影《大話西遊》中飾演紫霞仙子成為經典，今年49歲嘅佢同黃貫中育有一女，一家三口更上節目大晒幸福生活～

Photo from 《大話西遊》

Photo from 朱茵微博

最近TVB喺Facebook公開咗《【大台寶藏】[美麗傳奇]嬌俏靈動甜朱茵》片段，回顧朱茵喺TVB嘅舊片，挑到佢演藝學院出身，未畢業就加入TVB主持兒童節目《閃電傳真機》，畢業後全職投入電視台工作，首部劇集就擔正做女主角。

Photo from TVB片段中更公開咗朱茵11歲嘅童年照，佢當時嘅志願係做醫生。年僅11歲嘅佢已經係美人胚子～

Photo from TVB

到17歲讀演藝學院，黑白證件相都睇得出佢眉清目秀。佢後來被TVB睇中，主持兒童節目《閃電傳真機》。

Photo from TVB

畢業後，朱茵正式簽約TVB。佢首套電視劇《都市的童話》飾演女主角丁噹，鄰家女孩形象深入民心。

Photo from TVB

1993年朱茵喺《原振俠》飾演護士助手，同黎明合作，護士look非常嬌俏！

Photo from TVB

到1994年《射雕英雄傳》飾演黃蓉，古裝造型靈動可愛。短髮造型都carry到，更著泳衣大騷身材～

Photo from TVB

1996年《廉政行動組》佢短髮幹練佳人look！著suit個人好cool！仲有婚紗造型。

Photo from TVB

朱茵留短髮多年，有唔少fans都表示好懷念佢嘅長髮造型！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

49 歲朱茵重演紫霞仙子被狠批顯老態　網民毒舌：年齡大了就不要出來破壞我心中的紫霞仙子

20 Jan 2021

朱茵喺《西遊記大結局之仙履奇緣》中嘅「紫霞仙子」一角絕對係不敗經典，一直被奉為女神，最近朱茵代言內地手機遊戲，重演紫霞仙子，不過就被網民毒舌狠批顯老態。

Photo from 朱茵微博

朱茵喺 1995 年出演電影《西遊記第一百零一回之月光寶盒》及《西遊記大結局之仙履奇緣》飾演「紫霞仙子」，喺戲中古靈精怪，一顰一笑令人心動，被奉為女神，特別喺劇中單眼一幕，至今都係一個經典。

Photo from 《西遊記第一百零一回之月光寶盒》

相隔 26 年，朱茵早前代言內地手機遊戲，49 歲嘅佢重演紫霞仙子，以古裝造型亮相，更讀出對白：「如果上天再給我一次機會，我的意中人會是誰」，雖然對白係配音以普通話讀出，不過明顯係想重現電影嘅經典場面。

Photo from 微博

Photo from 朱茵微博

經典再現定必引起網民熱烈討論，唔少網民都大讚朱茵依然咁靚，仲係當年嘅女神，不過都有網民毒舌狠批朱茵老態盡顯，「年齡大了就不要出來破壞我心中的紫霞仙子了，你現在不好看了」、「眼前的是仙子她娘」、「別這樣，破壞當年的那抹美好」、「沒有紫霞那時候的靈氣了，歲月不饒人啊」、「現在這個紫霞已經變味兒了」。

Photo from 微博

亦有網民質疑朱茵「炒冷飯」，「捆綁一個角色捆綁十幾年」、「要靠這個角色吃一輩子飯？」

Photo from 微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel