download HolidaySmart 假期日常 app
中國網民抵制國際大品牌跟風燒波鞋 被揭係仿製品:「燒到咁一睇就知假嘢!」

中國網民抵制國際大品牌跟風燒波鞋 被揭係仿製品:「燒到咁一睇就知假嘢!」

時事熱話
By Stephanie on 26 Mar 2021
Digital Content Writer

美國、英國、加拿大等國家因為新疆嘅人權問題而決定制裁中國後,令中國開始咗一連串嘅反西方品牌熱潮。好多中國嘅網民就抵制呢啲唔用新疆棉花嘅大品牌,其中包括有H&M 同埋 Nike。有網民就用非常激進嘅行動嚟表達對品牌嘅反感,喺網上上載自己燒波鞋嘅片段!

微博Photo from 微博

近日,有中國嘅網民「翻舊帳」搵到多個國際品牌喺2020年嘅「不採用新疆棉花」聲明,其中包括有 H&M、Nike、Converse、Calvin Klein等。大量網民都開始咗佢哋一連串嘅罷買行動,遭到中國網民嘅全面抵制。

微博Photo from 微博

微博Photo from 微博

另外,唔少明星亦相繼宣布終止同呢啲國際品牌嘅合作,紛紛喺微博發起「#我支持新疆棉花」嘅活動。

微博Photo from 微博

中國嘅網民亦都用行動支持,其中以抵制H&M 同Nike嘅活動最激烈。有片段影住有人將喺商場嘅H&M 招牌拆除,亦有網民嬲到燒自己嘅波鞋!

微博Photo from 微博

微博Photo from 微博

其中有一條火燒波鞋嘅片段被大家喺微博廣傳,片段中只見多對Nike波鞋喺度比火燒緊,相信拍攝嘅人將自己所有嘅Nike鞋都攞曬出嚟!

微博Photo from 微博

微博Photo from 微博

但呢個行為就被部分網民質疑,因為大家都覺得唔會捨得燒真嘅波鞋,認為只係燒紙紥鞋嚟「博出位」!另外,亦有資深嘅波鞋迷表示,喺片段中嘅波鞋極大可能係假波鞋!

微博Photo from 微博

微博Photo from 微博

而有大陸網紅就借呢嗰機會,公開咁喺自己嘅IG發聲明話自己身上所有嘅Nike、Adidas都係假嘅,用非常特別嘅方法澄清自己嘅抵制行為!

FacebookPhoto from Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《Running Man》突遭中國人抵制!目前中文字幕版已全面下架!

7 Dec , 2020

韓國綜藝《Running Man》喺亞洲大受歡迎,不過日前最新一集E532播出後竟有大量中國人表示對節目組非常失望,更紛紛指要抵制節目。目前《Running Man》中字翻譯版已被下架!

韓國大熱綜藝《Running Man》播出10年,除咗韓國本土之外,喺亞洲地區亦大受歡迎。

韓國大熱綜藝《Running Man》喺亞洲地區大受歡迎。Photo from 런닝맨 RunningMan

節目曾經去過香港、日本、泰國、北京等地拍攝外國特輯,每次都吸引大批當地市民一睹幾位MC嘅風采。

《RunningMan》曾經去過香港、日本、泰國、北京等地拍攝外國特輯,每次都吸引大批當地市民Photo from 런닝맨 RunningMan

《Running Man》喺中國亦相當受歡迎,不過最新一集播出後,卻突然遭到大量中國網友抵制。

新一集《Running Man》於12月6號播出《E532 至親特輯友情競賽-第一屆友誼獎》,嘉賓有車太鉉、張東民、梁東根、李美珠(Lovelyz)、YEONJUN、HUENINGKAI(TXT)。

新一集《Running Man》卻被中國人抵制Photo from 런닝맨 RunningMan

事源係節目其中一個環節設置咗大富翁地圖,圖中有包括韓國同外國在內嘅各個城市。有中國網民發現圖中有「北京」及「台灣」兩個城市,但兩個城市一個用咗中國五星紅旗,另一個卻用咗台灣「青天、白日、滿地紅」旗。

節目其中一個環節設置咗大富翁地圖,圖中有包括韓國同外國在內嘅各個城市Photo from 微博

有中國網民發現圖中有「北京」及「台灣」兩個城市,但兩個城市一個用咗中國五星紅旗,另一個卻用咗台灣「青天、白日、滿地紅」旗。Photo from 微博

大量中國網民對此表示強烈不滿,認為《Running Man》節目組唔尊重中國、唔尊重中國人,又紛紛表示自己支持咗《Running Man》咁耐,感到非常失望。

大量中國網民對此表示強烈不滿Photo from 微博

中國網民認為《Running Man》節目組唔尊重中國、唔尊重中國人Photo from 微博

中國多個字幕組將呢集《Running Man》嘅中字翻譯版下架,喺bilibili已搵唔到呢一集完整版,僅有「刪減版」,將大富翁環節剪走。

中國多個字幕組將呢集《Running Man》嘅中字翻譯版下架Photo from bilibili

喺bilibili已搵唔到呢一集《Running Man》完整版,僅有「刪減版」Photo from bilibili

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel