download HolidaySmart 假期日常 app
林凱恩哥哥失聯比人公開追數 :有錢食和牛唔該出糧俾工人!

林凱恩哥哥失聯比人公開追數 :有錢食和牛唔該出糧俾工人!

娛樂新聞
By Stephanie on 26 Mar 2021
Digital Content Writer

因為拍攝《愛.回家之開心速遞》而成功上位嘅林凱恩,繼早前嘅豔照風波之後,又被網民爆料關於佢哥哥嘅事!有網民就喺 Facebook表示佢哥哥林祥晉本來負責緊兩個單位嘅裝修,但幾日前失去聯絡,其中一個單位嘅業主都已經報警,而林凱恩亦回覆自己都未能夠聯絡到哥哥。

林凱恩FBPhoto from 林凱恩FB

憑著《愛.回家之開心速遞》上位嘅林凱恩自今年1月比人爆豔照同私生活亂之後,佢嘅親生哥哥亦都比人公開追數。日前,有人就喺Facebook 發咗個「尋人啟事」聲稱藝人林凱恩嘅哥哥林祥晉,負責緊兩個分別係北角同埋沙田嘅單位裝修,但自從3月19號就開始聯絡唔到佢。

FacebookPhoto from Facebook

FacebookPhoto from Facebook

根據Facebook爆料post所講,其中一個單位嘅業主都已經報警處理,而任職裝修判頭嘅林祥晉亦都拖欠緊裝修工人嘅薪金。

FacebookPhoto from Facebook

FBPhoto from FB

仲表示見到林祥晉一直都有用 Whatsapp,見到佢上線但就唔肯回覆,要求林凱恩幫忙「關心」佢哥哥!

FacebookPhoto from Facebook

其實呢個post喺第一次po嘅時候,一個鐘都唔夠就del咗。因為林祥晉當時拜託其他人叫事主刪除,但後來因為佢哥哥一直都係無回覆,所以先決定再po翻出嚟!

FacebookPhoto from Facebook

對於呢件事,林凱恩就話自己唔知發生咩事,仲話哥哥結婚之後就搬咗出去住,而佢目前都未聯絡到哥哥。不過佢有意同哥哥劃清界線,話如果事情屬實就要負起責任,表示自己而家只會比心機工作照顧媽媽。

林凱恩FBPhoto from 林凱恩FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林凱恩公開「15歲四眼look」!網友驚呼:點解可以同而家爭咁遠!

12 Mar , 2021

最近聽得最多嘅一句想必就係「女大十八變」,不過今次就唔係指星二代,而係憑《愛回家之開心速遞》入面飾演「譚道德」(陳榮峻 飾)女兒「Bonnie」一角成功入屋嘅無綫小花林凱恩(Iris)呀!

林凱恩出道以來都係以乖乖女形象示人

林凱恩不時都會喺社交網站同網友 share 靚相

林凱恩出道以來都係以乖乖女形象示人,平日不時都會喺社交網站同網友 share 靚相嘅佢,近日佢就喺社交網上傳自己去探待產中嘅中學同學時相,佢仲毫冇保留咁公開自己「黑歷史」。

近日Iris就上傳自己去探待產中嘅中學同學

相中林凱恩拎住一張當年好友整畀佢嘅生日卡,雖然卡片嘅設計簡單上面只有2人貼紙相同寫上溫馨字句,但已經睇得出依張卡內藏中滿滿嘅心意。

相中林凱恩拎住一張當年好友整畀佢嘅生日卡

不過相信大家對依張卡嘅重點都唔係寫咗咩,而係卡中林凱恩同佢好友嘅貼紙相呀,相中15歲嘅林凱恩一身黑色T-shirt及牛仔褲,戴住一副粗框眼鏡,同依家嘅造型簡直猶如兩個人一樣。

相中15歲嘅林凱恩一身黑色T-shirt及牛仔褲,戴住一副粗框眼鏡,同依家嘅造型簡直猶如兩個人一樣。

而佢亦完全唔介意公開自己嘅「黑歷史」,更上傳一close up 嘅生日卡相,並留言自稱林醜恩:「因為像你13年前所寫的,林醜恩是羅靚瑜很重要的人☺️你跟我的回憶太寶貴~想說的是,從前手把手上堂交換日記簿,現在卻是手把手的讓我感受你肚?麥b的小躍動,這種感覺很奇妙,很想跟屏幕前的你分享✨每個人的成長也不易,感激每位陪伴我渡過歲月的戰友」

佢仲自稱係林醜恩

之後佢更 hashtag 叫大家唔好睇少戴眼鏡嘅女同學「#15歲的貼紙相✨✨」、「不要小看每位中學戴眼鏡的女生」

又叫大家唔好睇少戴眼鏡嘅女同學

相片一出,唔少網民都留言指林凱恩愈大愈靚「女人十八變」、「差啲唔認得」,更有人說「細個唔靚大個靚」真是至理名言,被大讚係「潛力股」嚟!

難怪網友都話唔認得喇

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel