42歲廖碧兒落淚坦承無朋友！入行20年4段戀情無結果 自言享受單身
Photo from 廖碧兒IG
42歲廖碧兒2001年參選國際華裔小姐競選奪冠後入行，佢雖然久未於幕前出現，但最近同林曉峰一齊為ViuTV《是滴是友》做主持。
Photo from 廖碧兒IG
最近一集節目邀請到盧覓雪做嘉賓，佢指廖碧兒做藝人有時傻更更：「當我好熱情咁約你去飲茶，3日後有報道『廖碧兒同盧覓雪好friend』出咗嚟（話巴結嗰啲），當然可能係偶然，但你有無諗過其實係我去放料去畀人去跟呢，因為我都想借佢有多啲曝光機會㗎嘛。」
Photo from 《是滴是友》
而廖碧兒就表示對佢嚟講，娛樂圈嘅藝人、朋友係會分開嘅：「我一開始就37個鐘喺同一地方，喺頭嗰10年，我係無圈外嘅朋友，除咗我Daddy。」
Photo from 《是滴是友》
Photo from 《是滴是友》
盧覓雪聽完就話：「佢真係最慘呀，真係聽到都想喊呀。」，盧覓雪表示藝人最慘係交嘅唔係朋友，而係同事，又話啲同事想仲死佢仲戇居居咩都同人講：「同事係唔需要交嘅！」
Photo from 《是滴是友》
廖碧兒聽到盧覓雪咁講已開始眼濕濕，最後仲忍唔住爆喊！盧覓雪即話：「我點醒你呀！」
Photo from 《是滴是友》
Photo from 《是滴是友》
Photo from 《是滴是友》
入行20年嘅廖碧兒曾有4段戀情，初入行拍《皆大歡喜》同劉愷威拍過拖，同陳豪曾戀愛6年，不過後來佢同李澤楷表弟林忠豪傳出緋聞，有指佢為「錢途」狠飛當時男朋友陳豪。
Photo from TVB
Photo from 陳豪IG
到2018年廖碧兒同坐擁30億嘅富二代盧啟賢（Calvin Lo）戀情曝光，更一度分手再復合，不過戀情最終未能開花結果。
Photo from 廖碧兒IG
廖碧兒表示20歲時憧憬結婚，不過好多嘢無得強求，佢指依家享受單身，但仍等待緊Mr. Right出現。
Photo from 廖碧兒IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
廖碧兒重提與20年前與劉愷威戀情 自爆當年因為咁而跟男方返屋企！
17 Mar 2021
古裝版《皆大歡喜》嘅班底廖碧兒、林文龍、鄧兆尊和苑瓊丹就齊齊上咗網上節目《今晚有牌打》，大聊以前拍戲嘅趣事。期間，廖碧兒就比佢哋三個不停咁「圍攻」大爆當年同劉愷威嘅舊情，喺追問之下仲自爆因為無地方住所以就跟男方返屋企。
Photo from 廖碧兒FB
古裝版《皆大歡喜》嘅演員廖碧兒、林文龍、鄧兆尊和苑瓊丹（苑仔）4人罕有咁一齊上網絡節目《今晚有牌打》，係佢哋事隔20年再一次重聚。喺節目裡面，佢哋就一邊打麻將一邊傾拍劇嘅往事。
Photo from TVB
當佢哋討論緊《皆大歡喜》係幾多年前播出嘅時候，佢哋都不約而同咁講差唔多20年。而苑仔就突然望住廖碧兒問：「點解你記得？同劉愷威一齊20年？」而廖碧兒就即刻笑而不答。
Photo from 亞洲心動娛樂 Youtube
之後，林文龍就話佢哋兩個並唔係一開始拍劇就一齊，仲話佢記得好清楚。廖碧兒就即時解釋話佢咩都唔記得，用佢當時唔識聽廣東話做擋箭牌。
Photo from 亞洲心動娛樂 Youtube
Photo from 亞洲心動娛樂 Youtube
苑仔就繼續追問佢一邊拍戲一邊拍拖係咪好難應付，廖碧兒就話佢當時大部分時間都用喺翻譯度。其他人就即刻話有專人（劉愷威）幫手翻譯，而林文龍仲大爆「佢翻譯翻到去埋你屋企？」
Photo from 亞洲心動娛樂 Youtube
廖碧兒就表示佢當時都無屋企，苑仔就反問係咪去對方屋企，佢就好誠實咁話「係啊，皇上（劉丹）都喺度！」
Photo from 亞洲心動娛樂 Youtube
後來，佢被問到而家嘅感情狀況時就表示有追求者，但並非外界所傳嘅富二代盧啟賢，指同對方只係朋友關係。
Photo from 亞洲心動娛樂 Youtube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
42歲陳鍵鋒中年發福慘變阿叔樣 合體廖碧兒引《律政新人王》回憶殺
9 Nov 2020
2003 年播映嘅無綫劇集《律政新人王》相信係大家嘅集體回憶之一！而主演之一廖碧兒日前就同另一主演陳鍵鋒合體，並曬出合照，令唔少人高呼：「好懷念！」，但陳鍵鋒嘅樣貌都成為討論焦點之一！
Photo from 《律政新人王》
廖碧兒同陳鍵鋒久違合體，而廖碧兒更表示「Jessica」同「Vincent」（兩人喺《律政新人王》內嘅角色）好耐都無見過面，依家見返就發現大家都成長咗。廖碧兒仲表示佢哋依家都讀緊書，真係好心靈相通！
Photo from Youtube＠myTV SUPER
Photo from Youtube＠myTV SUPER
不過陳鍵鋒睇落就唔止心靈上成長咗，連個樣都成熟不少！對比起以往嘅青靚白淨，依家嘅佢留住鬚，仲明顯發福，比之前漲咗成個碼。
現年 42 歲嘅陳鍵鋒喺1999年出道，初期只係喺劇集中飾演閒角，後尾憑住《律政新人王》、《學警出更》、《衝上雲霄》等作品成為無線嘅當紅小生！
Photo from 《律政新人王》劇照
Photo from 《學警出更》劇照
Photo from 《衝上雲霄》劇照
但陳鍵鋒喺 2010 年離巢後就長駐中國，以拍攝內地劇集為主，而佢喺 2012 年出演《美人心計》嘅「劉恆」更被譽為史上最靚仔嘅皇帝，由此可見佢靚樣～
Photo from 《美人心計》劇照
Photo from 《美人心計》劇照
喺今年 6 月，陳鍵鋒喺社交平台透露佢膝頭哥內嘅半月板撕裂，所以要喺屋企休養 8 星期！有網民相當關心陳鍵鋒依家嘅情況，佢就回覆話估計應該好返咗 99％～
View this post on InstagramDon't worry... I am ok. #orthopedics #brokenleg #goodnight #sleeptight
A post shared by Sαm • mυι • Chα • η (@sammul.chankinfung) on
Photo from IG@berniceliuofficial
雖然陳鍵鋒圓潤咗唔少，但細睇其實都仲係一個靚仔嚟！唔知佢幾時先會再同廖碧兒合作拍劇呢～
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
