歐倩怡剪空氣瀏海變韓風feel少女？ 瀏海易出事連李嘉欣、萱萱也難駕馭！

現年41歲嘅歐倩怡自從同郭晉安結婚之後，就淡出咗幕前，專心做一位賢妻良母。直到最近，子女大個先開始重返幕前工作。日前，佢就喺IG上載咗一張佢剪咗新髮型嘅照片，新髮型唔單止令佢睇落更加年輕，仲有少少韓風feel~

Photo from 歐倩怡IG

歐倩怡喺2006年同郭晉安結婚，婚後育有一對子女，而佢亦因此而淡出幕前專心照顧家庭。直到最近，子女長大先開始恢復幕前嘅工作。早前，佢喺IG上載咗自己嘅剪咗新髮型空氣瀏海嘅照片。

Photo from 歐倩怡IG

雖然照片中嘅歐倩怡戴住咗口罩，但都睇得出新髮型同佢非常合襯。本身佢就已經保養得好好，再加上呢個髮型就令佢睇落年輕咗，仲有啲韓風少女feel，令網民都忍唔住留言話好 young~

Photo from 歐倩怡IG

Photo from 歐倩怡IG

其實佢除咗外貌保養得好之外，身材亦都保持得非常好㗎。佢仲經常同大家分享做運動嘅成果，大曬川字腹肌，完全唔似生咗兩個小朋友嘅媽媽！

Photo from 歐倩怡IG

Photo from 歐倩怡IG

唔少人會認為瀏海可以令一個人睇落更加年輕，但其實剪瀏海都並非每一個人都適合㗎！以下就有幾個「炒車」嘅例子！

1.馮盈盈

馮盈盈試過為咗拍攝電視劇而剪咗個眉上瀏海嘅髮型，但就令當時唔少嘅網民嚇親，仲講笑咁問佢係咪得罪髮型師。

Photo from 馮盈盈IG

Photo from TVB

2.李嘉欣

李嘉欣亦都曾經挑戰過空氣瀏海呢個髮型，但就有網民認為剪咗髮型嘅佢有啲奇怪。有「大美人」稱號嘅佢剪咗頭髮後美貌依然，但睇嚟呢種髮型就並唔係咁適合佢。

Photo from 李嘉欣微博

Photo from 李嘉欣微博

3.宣萱

宣萱都曾經大膽咁改變自己嘅髮型，並喺IG上載同貓貓嘅自拍照片。但就有唔少網民覺得剪咗瀏海嘅佢並無變得更加年輕，反而仲有啲似「李司棋」，紛紛勸佢換個新髮型！

Photo from 宣萱IG

Photo from 李司棋IG

所以唔怪之得啲人成日都話，選擇一個適合自己嘅髮型係非常重要㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

歐倩怡淡出幕前轉型做營養師！為家人/夢想重投職場　10月再進修讀埋碩士

25 Sep , 2020

以《櫻桃小丸子》主題曲《問題天天都多》而為人熟悉嘅歌手藝人歐倩怡（Cindy），自 2006 年與郭晉安結婚後便淡出幕前，但其實佢除咗專心打理家庭外，佢仲好識利用時間進修營養學追夢！近日佢終於完成咗營養學嘅學士課程，正式成為一名專業營養師！

近年唔少藝人都選擇重返校園，繼早前朱千雪（Tracy）正式成為大律師投身法律界後，近日醫學界都有藝人加入喇！佢就係郭晉安嘅老婆歐倩怡呀！

Photo from 歐倩怡/IG

Cindy 結婚後已漸漸淡出幕前專心相夫教子，但不時都會擔任活動司儀同拍劇，但其實佢仲有進修營養學課程，近日佢就喺 IG 上傳咗佢 Final year project 嘅相指自己「Mission completion」。

Photo from 歐倩怡/IG

Photo from 歐倩怡/IG

現時已經正式成為專業營養師嘅佢亦已有轉型嘅打算，更開始以營養師身份成功接 job，為一間餐廳設計有營健康餐單。

Photo from 歐倩怡/IG

Photo from 歐倩怡/IG

不過 Cindy 並冇打算止步於此，事關佢已經計劃好喺嚟緊嘅 10 月就會再讀另一個相關碩士課程，繼續向自己嘅夢想前進。

Photo from 歐倩怡/IG

唔知以後仲會唔會有機會喺銀幕前睇到佢演出呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）