碧咸9歲女兒哈七神還原2歲造型，被讚愈大愈有氣質！大仔布魯克林惡搞Victoria名曲放笑彈

英國萬人迷前球星碧咸（David Beckham）女兒小哈七（Harper Seven）已經 9 歲喇，佢唔單止遺傳咗媽媽 Victoria 嘅顏值外，仲暴風長高添，9 嘅佢已經差唔多去到 Victoria 嘅膊頭，而早前佢更神還原 2 歲時包子頭造型，成功引嚟唔少網友讚佢係最美嘅氣質星二代！

萬人迷碧咸出名係女兒控，相信冇咩人唔知，自 2011 年有女兒小哈七出生後，唔止有爸爸寵小哈七外，佢仲有 3 個哥哥錫，簡直就好似公主一樣！小哈七從小就已經十分討人喜歡，白皙皮膚加上不時做出古靈精怪嘅表情，真係可愛度爆燈呀！

相信唔少粉絲都同小編一樣睇住哈七成長，碧咸成日都會帶住四個仔女一齊去睇媽媽 Victoria 嘅時裝騷，每次碧咸嘅大腿都係小哈七嘅專屬位置，而碧咸更會單手抱住小哈七周圍去添。

轉眼哈七已經 9 歲喇，能正值發育時期嘅佢喺 2020 年初時，站喺我爸爸同哥哥們身旁都只係到佢哋胸口位置，但最近佢突然增高咁唔少呀！

依家小哈七已經係一名亭亨玉立嘅小美人，五官輪廓亦變得深邃而精緻，看嚟佢盡的碧咸同 Victoria 嘅強大基因。

而早前佢就綁咁一個同兩歲多時一樣嘅小髮髻，再穿上白色吊帶連身裙，同以前相比，長大後嘅佢少咗肉肉嘅身形及稚氣，同時亦開始打扮，增添咗一份優雅嘅氣質美，十足十迷你版嘅 Victoria一樣！

另外，大仔布魯克林（Brooklyn）不嬲同 Victoria 嘅關係都好好，而最愛扮嘢嘅他最近就用換臉 app 將自己 key 咗上阿媽喺辣妹（Spice Girls）時期嘅名曲《Say You’ll Be There》 MV 上大放笑彈，依個百厭星仲驚死 Victoria 睇唔到專登 tag 埋佢添！不過佢哋咁玩得相信唔會嬲對方嘅！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

碧咸15歲仔 Cruz 同彩虹畫合照被懷疑係同志？！網民：唔怪得佢一直冇公開拍拖

24 Sep 2020

英國「萬人迷」碧咸（David Beckham）同老婆Victoria育有4個仔女，佢哋不時都會喺社交媒體分享幸福家庭生活。近日佢哋又齊齊出動去睇時裝騷，一班網民除咗關注碧咸嘅穿著之外，仲因為其 15 歲嘅細仔 Cruz 喺 IG 上傳咗一張同一幅彩虹畫嘅合照而引起熱話。

Photo from cruzbeckham/IG

日前碧咸親同三名子女Romeo、Cruz與愛女Harper一齊捧老婆Victoria場，佢哋幾個都分別上傳一家人嘅合照。

Photo from cruzbeckham/IG

而除咗家人合照之外，Cruz 仲喺其 IG 中上傳咗一張自己坐在一幅彩虹畫前 chok 晒樣嘅相，不過佢就只係晒咗相並冇作任何留言。

Photo from cruzbeckham/IG

但相片出隨即引嚟網民猜測其含義，有網民就懷疑 Cruz 想藉此宣布自己嘅性向。

Photo from cruzbeckham/IG

其實睇番 Cruz 嘅 IG，佢一直以嚟都冇公開過自己拍拖嘅任何消息，所以網民有依個懷疑一啲都唔出奇。

Photo from cruzbeckham/IG

不過點都好，拍拖係兩個當事人嘅事嚟，只要係真心相愛， fans一定會祝福佢哋嘅～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）