download HolidaySmart 假期日常 app
湯洛雯讚馬明全電視城最靚仔 自爆同蔡思貝講有色笑話嚇壞男對手

湯洛雯讚馬明全電視城最靚仔 自爆同蔡思貝講有色笑話嚇壞男對手

娛樂新聞
By Stephanie on 30 Mar 2021
Digital Content Writer

自從湯洛雯同馬國明(馬明)公開咗佢哋嘅戀情之後,二人不時都會喺IG隔空放閃,十分甜蜜!近日,湯洛雯就接受咗一個直播訪問,就提及到同男友嘅相處方式。喺直播期間,佢嘅好朋友蔡思貝同高海寧仲入去睇直播留言,但就反遭湯洛雯爆料!

湯洛雯IGPhoto from 湯洛雯IG

湯洛雯IGPhoto from 湯洛雯IG

自上年湯洛雯同馬國明喺IG上大方認愛之後,兩人一直都愛得高調,仲一度傳出疑似好事近。早前,湯洛雯就接受直播訪問,大談佢同馬明之間嘅相處之道。佢就表示兩人性格一凹一凸,佢自己就鍾意講嘢,而馬明就比較安靜。仲話自己平時都會撒嬌,亦會成日同對方講「我愛你」,好sweet~

湯洛雯IGPhoto from 湯洛雯IG

有網民就留言問湯洛雯「鍾意馬明邊一點?」,而佢就即刻甜笑咁話鍾意佢夠專一同埋有責任感,答應過嘅一定會做到,而且仲大讚男友係成個電視城最靚仔嘅!

湯洛雯IGPhoto from 湯洛雯IG

當被問到「咁馬明唔鐘意你啲咩?」時,湯洛雯就話男友因為有強迫症,所以日常生活中係好整潔嘅,並表示自己都會配合去佢屋企時都會執返好啲嘢,盡可能唔郁太多嘢。情侶之間能夠互相遷就,難怪兩人越愛越甜蜜~

TVBPhoto from TVB

期間,好友蔡思貝同高海寧就有喺佢嘅直播下面留言,但就反而被佢大爆佢哋嘅秘密。佢就話高海寧天生就有豐滿身材,雖然佢好鍾意食嘢,但都只會肥喺「對」嘅地方,令最近減緊肥嘅湯洛雯非常羨慕!

湯洛雯IGPhoto from 湯洛雯IG

高海寧IGPhoto from 高海寧IG

另外,佢亦話同蔡思貝係因為拍攝《機場特警》而變friend,仲成日喺拍戲嘅時候講鹹濕嘢,令當時同劇嘅男演員都十分尷尬。

湯洛雯IGPhoto from 湯洛雯IG

湯洛雯IGPhoto from 湯洛雯IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬國明湯洛雯拍拖過半年喜事近?麥玲玲批先有後婚:「大家可以儲定人情」

16 Feb , 2021

馬國明、黎諾懿及胡鴻鈞齊齊現身新一集由麥玲玲同林盛斌主持嘅《Master's Talk》(《師父有請》),新一集中就以以「旺夫旺妻」為題。而喺唔少人眼中係絕對好男人嘅馬國明自公開同湯洛雯(靚湯)拍拖半年以嚟一直被大家催婚,今次更被麥玲玲指好大機會先有後婚添!

馬國明、黎諾懿及胡鴻鈞齊齊現身新一集由麥玲玲同林盛斌主持嘅《Master's Talk》(《師父有請》)

喺上一集節目中靚湯就提到不斷被傳媒催婚,但男方一直都沒開口,令她非常尷尬,更揚言要馬國明以視帝獎嚟換結婚。不過少有回應傳聞嘅馬國明就喺節目中直言對方只係講笑,仲話:「我結婚就話畀你聽啦!」

少有回應傳聞嘅馬國明就喺節目中直言對方只係講笑

而麥玲玲師傅就指馬國明一向異性緣強,但從來都唔係主動一方,絕對係值得嫁完再嫁嘅好男人嚟,而佢更批馬國明好大機會先有後婚,即時令全場起哄,但馬國明就覺得唔太可能,並直言自己係一個好現實嘅人,每一次拍拖都係向結婚方向諗,說:「我覺得呢個機會微啲,應該唔會中咗先結婚,希望係結咗婚先有BB,咁我每一次拍拖都係向結婚方向諗,因為我好現實嘅人,唔結婚的話,拍拖係好浪費時間,你知我哋開工成日都冇得瞓。」

麥玲玲師傅就指馬國明一向異性緣強,但從來都唔係主動一方,絕對係值得嫁完再嫁嘅好男人嚟,

馬國明覺得自己唔太可能先有後婚,並直言自己係一個好現實嘅人

至於對於自己被指異性緣強,佢就指:「我唔覺,我同胡鴻鈞想法差不多,大家夾自然會少啲拗撬,咁樣已經好。我感情事唔會影響工作,曾經試過有啲性格唔啱就會鬧交,冇話邊個唔啱,過去咗就冇問題。」

馬國明唔覺自己異性緣強

麥玲玲又指今年 4 至 6 月係良辰吉日,叫大家可以儲定人情賀馬國明。咁係咪可以話定恭喜先呀!

而喺三人中,只有胡鴻鈞未公開拍拖,當被追問有沒有拍拖時,佢即尷尬指:「我唔係好相信旺唔旺夫,好多嘢都應該互相磨合,最緊要係同對方性格夾。」

麥玲玲叫大家可以儲定人情賀馬國明喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

拍拖半年屢傳婚訊!馬國明、湯洛雯再傳明年結婚 靚湯超無奈回應

30 Dec 2020

馬國明、湯洛雯自6月承認戀情以嚟屢次傳出婚訊,兩人早已明言視彼此為結婚對象,不過結婚消息都被佢哋否認。今日再有傳馬明靚湯將於下年結婚,靚湯爸爸更會送馬鞍山半億別墅做嫁妝,靚湯喺IG無奈回應。

藝人馬國明、湯洛雯喺6月13日齊齊喺IG發情侶公仔相公開戀情。兩人拍拖消息獲各界祝福。

自從佢哋公開戀情後就不時高調晒恩愛放閃,唔止喺公開場合大方提起另一半,又喺IG留言互動。靚湯亦不諱言同男友有討論過結婚問題。

馬明靚湯公開戀情後就不時高調晒恩愛放閃

馬明年齡唔細,唔少fans仲開始催婚,而靚湯表示屋企人對馬明相當滿意,更畀足100分!

靚湯表示屋企人對馬明相當滿意,更畀足100分!

而早喺10月初已傳出馬明有意喺疫情後同靚湯結婚,靚湯否認會閃婚,佢表示結婚慢慢計劃好多,又要買樓,暫時想儲錢先。

早喺10月初已傳出馬明有意喺疫情後同靚湯結婚,靚湯否認會閃婚

唔夠一個月再傳出馬明求婚成功,將會喺出年初迎娶靚湯,而馬明當時亦表示無求婚,佢話最近非常忙碌,未有時間諗結婚呢樣嘢。

再傳出馬明求婚成功,將會喺出年初迎娶靚湯

兩個月後再有消息指馬明靚湯下年將正式拉埋天窗,馬明更會搬入湯洛雯爸爸湯鎮宗送贈嘅馬鞍山半億豪宅。

再有消息指馬明靚湯下年將正式拉埋天窗,馬明更會搬入湯洛雯爸爸湯鎮宗送贈嘅馬鞍山半億豪宅。

拍拖半年3度傳婚訊,靚湯喺IG Story回應傳聞:「又黎?」留下一個「笑到碌地」嘅emoji,似乎無奈得嚟又哭笑不得。

靚湯喺IG Story回應傳聞:「又黎?」

兩人多次表示如果有好消息一定會公開畀大家知,暫時都未有結婚打算。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel