張繼聰謝安琪仔仔張瞻大晒歌喉！音樂世家Jam歌超有愛 網友：把聲似媽咪

張繼聰同謝安琪育有一對仔女，日前張繼聰喺IG公開全家合作Jam歌片段，仔仔張瞻更罕有晒歌喉唱《Isn't She Lovely》，網友大讚佢哋一家人好有愛，仲話仔仔把聲比較似媽咪添！

Photo from 張繼聰IG

歌手出身嘅張繼聰同謝安琪育有仔仔張瞻同女兒張靖，佢日前喺IG post出仔仔唱歌嘅片段。

Photo from 張繼聰IG

Photo from 張瞻IG

張瞻今年14歲，片段中佢拎住手機大展歌喉，唱美國歌手Stevie Wonder嘅經典作品《Isn't She Lovely》～

Photo from 張繼聰IG

張繼聰同謝安琪雖然無出鏡，但從背景聲音可以聽出應該係爸爸張繼聰負責彈結他，而媽媽謝安琪就伴唱，仲不時指導下仔仔添！

Photo from 謝安琪IG

Photo from 張繼聰IG

佢哋一家Jam歌將客廳燈光熄咗，好有氣氛，更令超大客廳意外曝光！

Photo from 張繼聰IG

雖然張瞻唱功略顯稚嫩，但佢對自己都好有要求，一唱唔好就向後倒地。爸爸張繼聰就冧爆：「My boy is lovely, isn’t he ?」

Photo from 張繼聰IG

網友大讚張繼聰一家人好浪漫：「爸爸彈結他、媽咪同嗰仔一齊唱，一家人一齊jam歌，好有愛」，亦有網友指張瞻把聲似媽咪謝安琪，表示希望下次會有妹妹喺隔離伴舞咁話！

Photo from 張繼聰IG

Photo from 張繼聰IG

View this post on Instagram

A post shared by 張繼聰 Louis (@louischeung2013)

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張繼聰減磅撞樣木村拓哉！有網民不滿留言指越嚟越反感 張繼聰高EQ回覆獲激讚

3 Mar 2021

張繼聰減磅後激似日本男星木村拓哉，有部分自拍更連朋友都差啲認錯，有網民對此感到不滿，更專登留言指對張繼聰指越嚟越反感！張繼聰唔嬲不但只更勁高EQ回覆獲網友大讚！

Photo from 張繼聰Facebook

張繼聰轉咗髮型之後越嚟越似木村拓哉，有好多網友更封佢為港版木村。佢喺網上post出嘅自拍有啲角度真係激似木村，戴上口罩連阿佘都留言話佢似！

Photo from 張繼聰Facebook

Photo from 張繼聰IG

雖然張繼聰無自稱過似木村，不過估唔到都引起部分網民嘅不滿，有網友喺佢嘅自拍下留言：「唔知你係真傻定假痴，定係真係好鍾意木村，定可能你做自己唔係『參考』木村，真心對你越嚟越反感 利申：唔係fans同anti fans」

Photo from 張繼聰Facebook

張繼聰無嬲不但止，更親自回覆呢位網民，佢指自己的確好中意木村：「多謝你嘅坦白，我係好鍾意木村，不過亦都係做緊自己。你覺得我做咗d咩令你反感？其實就算我係點，都會有人喜歡或者唔喜歡。」

Photo from 張繼聰Facebook

張繼聰表示：「選擇過自己喜歡嘅生活，做一個喜歡嘅自己。喺自己嘅Page 分享吓生活，好閒啫，好多人覺得我係點都好，我都人到中年咯，唔理㗎啦！Peace」

Photo from 張繼聰Facebook

Photo from 張繼聰Facebook

唔少網友都大讚張繼聰勁高EQ，話佢回應得相當得體。

Photo from 張繼聰Facebook

其實之前有網民質疑囡囡3歲仲食奶嘴，直指「怪獸就是這樣養成的」，而張繼聰亦有耐心回覆指每個家長都有唔同嘅方法。

Photo from 張繼聰IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張繼聰被網民質疑囡囡3歲仲食奶嘴 留言護女：無謂對啲小朋友太harsh

12 Aug 2020

張繼聰同謝安琪女兒張靖（Karina）今年3歲，全家都好愛錫孻女。近日張繼聰喺IG分享囡囡照片，有網民質疑Karina 3歲仲食奶嘴，張繼聰留言護女，並與網友分享教育方法。

張繼聰同謝安琪育有一子一女，其中女兒張靖（Karina）今年3歲，爸媽哥哥錫到濃，張繼聰亦不時喺IG分享同「前世情人」約會嘅相。

佢琴日再post出囡囡照片：「今朝，你話約咗人去公園，唔得閒陪我睇PJ Masks???」

不過就有網民錯重點，質疑Karina已經3歲仲食緊奶嘴。張繼聰留言表達自己睇法：「大人有d嘢一世都戒唔到??‍♂️ 無謂對啲小朋友太harsh??」

有網民唔同意並指「怪獸就是這樣養成的」。

張繼聰都耐心回覆：「朋友，奶嘴啫，唔需要咁嘅??教導小朋友唔係一件容易嘅事，做父母都係邊學邊做，而且每個家長都有唔同嘅方法，因為每個小朋友都係獨一無二❤️ 亦唔能夠一把尺套係唔同嘅事情上 。大家分享吓，peace ??」

佢又分享自己嘅育兒心得，指當年仔仔張瞻戒奶嘴時同佢講：「你放心食，食到幾多歲都得，不過將來有女朋友，你諗吓會唔會影響大家嘅感情」無幾耐就成功戒咗。

面對網民話Karina懂事後，或會怪父母唔教導佢令佢喺同學面前出醜，張繼聰表示：「我會引導自己嘅小朋友，擁有一顆強大嘅心，可以專心做好自己，同時可以包容同尊重別人」

圖片來源：張繼聰IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）