「保險細路」楊凱博15歲近照公開！竟暗戀劉穎鏇？

大家上網都會睇過一張萬能key圖，圖中嘅小朋友已大個仔，佢最近仲出演TVB劇集《大步走》添！年紀小小嘅佢竟然暗戀劉穎鏇？

Photo from YouTube

2012年一個保險廣告入面嘅其中一位小朋友因為一邊問「乜嘢叫保險呀？」，一邊露出好得戚嘅招積表情，而引發網上一連串改圖熱潮。相信大部分網友都有睇過，甚至用過呢張萬能key改圖。

Photo from YouTube

Photo from 網上圖片

其實改圖嘅主角叫楊凱博，係一名童星，佢之後都參演咗唔少劇集，包括：《城寨英雄》、《天命》、《特技人》、《降魔的2.0》等。

Photo from 楊凱博IG

「保險細路」楊凱博原來今年已經15歲！佢最近參演TVB《大步走》，飾演張達倫嘅仔仔、陳山聰嘅學生。

Photo from 楊凱博IG

Photo from 楊凱博IG

劇中佢仲暗戀劉穎鏇添，劉穎鏇喺IG post出兩人合照，大讚楊凱博好man，好可愛～

Photo from 劉穎鏇IG

其實楊凱博仲係全港公開新秀武術比賽男子小童組三項全能冠軍，有真功夫嘅佢喺《城寨英雄》飾演童年版陳展鵬。

Photo from 楊凱博IG

Photo from YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《堅離地愛堅離地》童星羅梓龍 18 歲大個仔變超 Chok 小鮮肉　網民：成個韓星咁靚仔

18 Jan 2021

TVB 劇集《堅離地愛堅離地》係 3 年前嘅作品，曾一度延期播出，相隔 3 年，劇中嘅演員依家已經起咗好大變化，好似劇中飾演康華與李國麟兒子「王子駿」嘅童星羅梓龍依家已經 18 歲大個仔，仲變成韓風小鮮肉！

現年 18 歲嘅羅梓龍其實已經係有 15 年年資嘅「前輩」，佢 3 歲就入行做小模特兒，7 歲開始接觸戲劇，當中令人印象深刻嘅就係喺《超能老豆》中飾演李思捷兒子「谷筱楠（燒腩仔）」一角，年紀輕輕但演技自然，讀起對白時一啲都唔生硬。另外，喺《逆緣》中飾演黎耀祥與江欣燕兒子「賀嘉誠」一角表現同樣搶鏡。

Photo from 《超能老豆》

Photo from 《超能老豆》

喺《堅離地愛堅離地》中羅梓龍飾演康華與李國麟兒子「王子駿」，係一個「巴士迷」，有唔少戲份，可惜「王子駿」最後不幸墮樓身亡。

Photo from 《堅離地愛堅離地》

Photo from 《堅離地愛堅離地》

羅梓龍拍攝《堅離地愛堅離地》時得 15 歲，仲有少少 baby fat，同細個嘅時候一樣咁可愛。不過相隔 3 年，羅梓龍依家已經 18 歲大個仔，不時喺社交平台大曬近照，18 歲嘅佢臉上褪去咗當年嘅稚氣，變咗一個型爆小鮮肉！

Photo from lo.marcus@IG

Photo from lo.marcus@IG

羅梓龍依家已經冇咗當時嘅baby fat，五官輪廓更加深邃，衣著風格仲非常有型，同劇中角色感覺完全判若兩人。羅梓龍 Post 相之外仲經常配上一啲有深意嘅字句，令人驚嘆當年嘅可愛小童星長大了～

Photo from lo.marcus@IG

Photo from lo.marcus@IG

唔少網民見到羅梓龍啲相都睇到心心眼，大讚佢有型之餘，都話佢大個咗，更有網民讚佢「成個韓星咁靚仔」！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

童星Jacky仔重返娛樂圈 拍劇+配音 哥哥做導演 兩兄弟拍住上

11 Apr 2019

大家睇電視劇不時都會發現有啲精靈可愛嘅童星參演，而觀眾最熟悉嘅一定係「Jacky仔」王樹熹同佢哥哥王秉熹喇！

哥哥王秉熹就做過《十兄弟》入面嘅「大喊十」，而Jacky仔就參演過《翻新大少》同《隨時候命》，喺劇入面角色就叫「Jacky仔」，呢個名亦都成為佢嘅藝名。

Photo from 王樹熹微博

隨住年紀漸長，兩兄弟都專注返學業，慢慢淡出娛樂圈。今年Jacky仔已經讀緊大學，而哥哥更已經大學畢業喇。

Photo from 王樹熹微博

哥哥王秉熹畢業於BU電影系，佢執導嘅作品更獲得《第一屆全球大學電影獎》的「浸大電影特別推薦獎」，更係傳理系電影專業第一名，好犀利！

Photo from 王樹熹微博

Photo from 王樹熹微博

睇Jacky微博可以感受到佢好為哥哥驕傲～

最近Jacky仔都重返大台拍劇，根據維基百科，佢今次係拍田蕊妮、曹永廉主演嘅《她她她的少女時代》，飾演曹永廉嘅青年時期。

Photo from 王樹熹微博

Photo from 王樹熹微博

Photo from 王樹熹微博

除咗拍劇之外，Jacky仔仲有參與配音工作，佢配音嘅《超變戰陀》已經喺VIU TV播出，佢都有喺微博宣傳。

Photo from 王樹熹微博

Photo from 王樹熹微博

兩兄弟都咁叻，嚟緊都有機會拍住上啊！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）