陳自瑤晒白滑美背有感而發　網民激讚：索到離曬大譜！

最近轉戰 YouTube 同抖音嘅靚媽陳自瑤（YoYo）不時都會喺社交平台晒靚相同分享生活日常，唔少網友都勁 Like，依日又上傳咗一輯新相喇！

自加入 KOL 行列後，YoYo幾乎日日都有靚相Update。依日佢更大派「裸背」福利，實行同大家開心 share。

YoYo仲留言：「不管其他人怎麼說，我都認為自己的感受才是最重要的，無論其他人怎麼看，都不要被別人打亂自己的節奏，因為生活是自己的，不是別人的......」

相中見佢大晒白滑美背，滑到反晒光嘅美背唔止引嚟一班圈中姊妹大讚索爆外，唔少絲打粉絲都大嗌羨慕「世界級靚背呀！」、「完全睇唔出係一個媽咪」，仲問佢有咩美背心得添！

而有網友就回應佢嘅留言，叫佢做好自己就得，唔使理人哋眼光！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳自瑤重現頒獎禮經典黑面 認自己慢熱睇落難相處：有時會亂諗嘢令自己唔開心

09 Mar 2021

近來，越來越多藝人都開始向Youtuber嘅方向發展，陳自瑤亦都開咗個自己嘅頻道，仲邀請咗好姐妹黃翠如同連詩雅做嘉賓玩大踢爆。期間，黃翠如仲非常大膽咁叫陳自瑤再做多次經典黑面表情，果然係好姐妹～

Photo from 陳自瑤FB

陳自瑤 （Yoyo）嘅Youtube channel開咗大概一個月就已經有56K嘅訂閱人數，可以話係有非常好嘅迴響。近日，佢就邀請咗黃翠如同連詩雅黎玩「閨蜜大踢爆」，由佢哋三個打打鬧鬧嘅片段可以睇得出佢哋嘅感情好好。

Photo from 陳自瑤FB

而其中一條嘅題目就係叫佢哋用一個水果黎形容對方，黃翠如就指Yoyo似菠蘿，因為認為佢係一個有刺嘅人，但實際上內心係一個好sweet嘅女仔。仲即刻叫對方向鏡頭擺無表情嘅樣，話佢呢個樣成日令人誤會佢好寸。

Photo from 陳自瑤YouTube

之後，陳自瑤亦都承認自己係一個比較慢熱嘅人，仲話細個嘅時候比而家更加誇張，導致成日都比人覺得佢好難相處。正因為佢知道自己呢個缺點，所以佢而家都好努力咁調整緊自己。

Photo from 陳自瑤YouTube

陳自瑤仲話係電視劇嘅角色改變咗佢，因為佢自己係一個好投入咁演戲嘅人，當佢演緊某一個角色嘅時候，佢果一排就會變到同個角色好似。喺演《那些我愛過的人》嘅時候，佢就發現個角色係一個可以令周圍嘅人都好開心嘅人，所以即使劇集完咗佢都無完全抽離角色。

Photo from TVB

連詩雅亦講咗Yoyo嘅缺點就係每件事都會諗太多，而黃翠如就即刻爆料話佢連轉髮型都諗咗一年！所以Yoyo就話好感激身邊有佢哋兩個睇住佢，令佢唔會向唔好嘅方面諗～

Photo from 黃翠如FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）