download HolidaySmart 假期日常 app
應采兒公開力數陳小春三大缺點  直言擔心兒子俾佢教壞!

應采兒公開力數陳小春三大缺點 直言擔心兒子俾佢教壞!

娛樂新聞
By Stephanie on 07 Apr 2021
Digital Content Writer

陳小春應采兒呢對夫婦近呢幾年都將事業發展轉移去內地,時不時都會出演唔同嘅內地綜藝節目。近日,應采兒就出演咗內地全新嘅女性talk show《聽姐說》 ,仲喺節目大爆陳小春嘅缺點,表示驚仔仔會俾佢教壞!

應采兒IGPhoto from 應采兒IG

陳小春同應采兒喺2010年於美國拉斯維加斯結婚,並於2013年誕下大兒子Jasper及2020年誕下小兒子Hoho。二人一直都愛得高調,經常喺節目同社交網站大曬恩愛,感情十分甜蜜!

應采兒微博Photo from 應采兒微博

應采兒IGPhoto from 應采兒IG

近日,應采兒喺當任內地節目《聽姐說》嘅嘉賓時就話自己其實係湊緊三個仔,爆料話老公陳小春係一個冇自理能力嘅人。屋企所有嘅嘢都唔識得組裝,就連音響都唔識得用,所以當應采兒唔喺屋企嘅時候就唔會播音樂。

《聽姐說》Photo from 《聽姐說》

應采兒忍唔住繼續大爆陳小春無記性,每次申請網上密碼嘅時候都用一個全新嘅密碼,但好快就會唔記得!而且陳小春亦都唔識得辦理登機手續,所以佢講笑咁話佢哋一齊去旅行嘅時候會覺得自己似佢助理多啲。

《聽姐說》Photo from 《聽姐說》

《聽姐說》Photo from 《聽姐說》

另外,應采兒亦指陳小春「無口齒」,經常講大話。佢曾經答應應采兒會戒煙,但自從話戒煙之後,就每日都以買咖啡嘅理由外出偷偷抽煙。

《聽姐說》Photo from 《聽姐說》

《聽姐說》Photo from 《聽姐說》

應采兒就表示自己好驚老公嘅呢啲壞習慣會教壞仔仔!事關佢哋早前買咗部電動車,而仔仔Jasper就好想玩,但佢就因為危險而禁止仔仔玩。但有一次,老公就帶仔仔去公園玩電動車,返到嚟就發現仔仔受傷嘴角流血!

應采兒IGPhoto from 應采兒IG

《聽姐說》Photo from 《聽姐說》

雖然應采兒喺節目上大講老公嘅不是,但最後都以曬恩愛結尾,表示可以包容佢嘅缺點係因為愛佢!

《聽姐說》Photo from 《聽姐說》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Jasper轉學到上海!應采兒要兒子學中文 規劃名校路線:目標清華/北大/耶魯

10 Dec , 2020

陳小春應采兒嘅大仔Jasper近日轉學到上海,媽媽應采兒透露母子之間因為學中文有啲不愉快,佢為仔仔規劃好名校路線,目標係清華、北大、耶魯。

陳小春同兒子Jasper一齊出演《爸爸去哪兒》後爆紅,之後更不時一家三口上綜藝節目。

陳小春同兒子Jasper一齊出演《爸爸去哪兒》後爆紅,之後更不時一家三口上綜藝節目。Photo from 應采兒微博

早前喺《新生日記2》應采兒都有要求Jasper學習中文,虎媽應采兒同Jasper玩遊戲,但見仔仔基礎極差,好多字都唔識,忍唔住嚴肅教育兒子,Jasper更委屈落淚。

早前喺《新生日記2》應采兒都有要求Jasper學習中文Photo from 《新生日記2》

虎媽應采兒同Jasper玩遊戲,但見仔仔基礎極差,好多字都唔識,忍唔住嚴肅教育兒子Photo from 《新生日記2》

Jasper更委屈落淚Photo from 《新生日記2》

但應采兒有認真同Jasper講中文一定要學,佢指中文難過英文,學中文絕對唔係一件好玩嘅事,但唔理Jasper幾歲中文係一定要識,因為越大就會越難學。

應采兒有認真同Jasper講中文一定要學Photo from 微博

應采兒以自己經歷向Jasper解釋中文係一定要識Photo from 微博

最後應采兒更將iPad語言較做中文,從生活細節做起。

其實Jasper已經讀小學,但之前應采兒被拍到送Jasper喺台灣幼稚園返學,不過最近陳小春、應采兒夫婦出席活動時提到兒子嘅教育問題。

之前應采兒被拍到送Jasper喺台灣幼稚園返學Photo from 《新生日記2》

應采兒表示Jasper已經轉學到上海,學中文仍然係一大難題,佢仲透露兩母子不久前更因為學中文有啲不愉快。

應采兒表示Jasper已經轉學到上海,學中文仍然係一大難題Photo from 應采兒微博

同時虎媽應采兒為仔仔規劃好名校路線,目標係清華大學、北京大學、耶魯大學。

應采兒教育Jasper學中文片段:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel