林作頻頻練拳大曬身材對比圖　網民嘲笑「分唔清邊張before 邊張after！」

林作近來忙於為9月嘅「百萬擂台賽」做足準備積極練拳，仲喺Facebook話自己將會喺5月1號參加佢人生中嘅第一場公開拳賽。而佢仲上載咗一張身材對比圖，想同大家分享佢呢幾個星期嘅成果。但網民睇完照片之後，都留言表示「究竟有咩分別？！」

Photo from 林作FB

林作同埋富三代鍾培生嘅「百萬擂台賽」就已經落實咗將於9月18號喺九龍灣國際展覽中心Star Hall舉行，所以林作就忙於為比賽練拳，時不時都會喺Facebook同IG上載自己最新嘅練習近況。

Photo from 林作FB

Photo from 林作FB

日前，林作就喺Facebook表示自己已經報名參加5月1號嘅拳擊公開賽，希望借呢個機會熟悉拳賽，仲話歡迎支持佢嘅可以買飛入場睇佢嘅拳擊「處男戰」！

Photo from 林作FB

Photo from 林作FB

除此之外，林作仲上載咗一張自己整嘅身材對比圖，仲喺caption打「幾個禮拜而已」，似乎非常滿意自己嘅身材進展！由照片所見，左邊圖嘅佢大汗淋灕，應該係練完拳之後即刻影；而右邊圖嘅佢就戴住眼鏡、頭髮凌亂，比較似運動前影，但就唔太清楚邊一張先係before同after。

Photo from 林作FB

而網民睇完呢張對比圖之後，都紛紛留言話冇咩分別，亦有好多網民留低好搞笑嘅留言話「係咪沖涼前同後嘅分別？！」、「燈光真係好大分別」等。

Photo from 林作FB

Photo from 林作FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

鍾培生豪花千萬製作費 鍾林拳賽票價最貴近3萬元？ 林作揶揄：得你老豆先會買！

24 Mar , 2021

鍾培生同林作繼 3 月初簽定「林鍾一戰」合約並正式召開記者招待會交代詳情後，二人便隨即進入備戰狀態。而近日佢哋嘅大戰終於有確實日期同地點喇！

近日有指「百萬林鍾拳賽」正式落實 9 月 18 日於九展 Star Hall 舉行，而比賽當日亦會採取社交距離措施，約開放 1800 位觀眾。

消息指，當日除咗佢哋二人嘅比賽外，鍾培生仲搵嚟樂隊 LMF 同側田擔任表演嘉賓，而女神陳嘉倩亦有可能現身為現場報導比較實況。除咗表演嘉賓同現場報導員外，梗係唔少得司儀喇，據知司儀隊將由 3 人組成，暫定會邀請兩位分別嚟自 TVB 以及 ViuTV 嘅司儀，第三位則係拳賽資深司儀，並強調Ring girl 一定會喺專業嘅靚女。

另外，鍾培生更豪擲 900 萬同作比賽嘅製作費及宣傳，其中就包括以 300 萬喺紅隧落廣告，睇嚟真係好大手筆喎！

有確實比賽日期同地點，當然仲有大家最想知嘅票價喇！有指今次門票將 1,200 港元起，最貴可達 3 萬港元一張，認真唔平呀！

而佢嘅對手林作，近日積極備戰，不過佢都有出 post 回應票價並留言指：「三萬蚊一張飛，我估得你老豆會買。我媽媽應該會喺場外等接個仔放工。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）