謝安琪囡囡厭世表情影相被讚有性格 搞怪李元元/ 暖男翟德彥 可愛星二代超多人Like

謝安琪同張繼聰時不時都會喺IG上載一家四口嘅溫馨照片，而謝安琪仲幫囡囡Karina(張靖)開咗個IG account分享佢嘅日常。Karina天生就有自然卷嘅啡色頭髮，而且影相嘅時候表情亦有自己特有嘅風格，令唔少網民都話可愛！

張繼聰同謝安琪喺2007年生下大仔張瞻，再於2017年誕下囡囡張靖。兩夫婦偶爾都會上載一家人嘅合照，而謝安琪仲專誠幫囡囡嘅咗個IG account （Kaka Ball)嚟分享佢嘅日常生活。而Karina天生就有一頭咖啡色嘅曲髮，再加上佢嘅搞怪表情，都吸引咗好多followers㗎～

近日，謝安琪就上載咗Karina影相時嘅幕後花絮，相中嘅Karina翹起雙手，一面厭世嘅表情，人仔細細就已經有自己獨特風格，令網民都忍唔住喺下面留言話佢好有style啊！

其實Karina嗰IG都有好多得意嘅照片，睇嚟佢遺傳咗爸爸張繼聰嘅搞怪性格～

其實而家好多家長都會幫自己年幼嘅子女開IG紀錄低佢哋嘅成長過程，而呢排都有好多好出名嘅星B㗎！位位都有唔同嘅性格，圈粉無數～

1.李元元 （Lucy）

Lucy係演員李璨琛同圈外女友梁志瑩嘅囡囡，喺2017年出世。Lucy憑住佢可愛嘅樣貌同古靈精怪嘅行為，已經成功吸引接近25萬嘅IG followers, 人氣非常高！

而佢平時就最鍾意唱歌跳舞，前排仲迷上咗韓團BLACKPINK嘅歌。載歌載舞嘅片段非常高人氣，仲俾BLACKPINK嘅經理人喺IG分享，令唔少網民都直話「睇嚟真係可以喺韓國出道喇」！

2.翟德彥（伯伯）

翟德彥係林芊妤（Coffee）同圈外男友翟志榮所生嘅仔仔，IG亦都擁有16.5萬嘅followers。由於仔仔細個就已經有厭世嘅佬味，所以就俾Coffee改咗「伯伯」呢個花名。而Coffee亦表明IG只係想紀錄伯伯嘅日常，直到佢兩歲就會停止更新IG。

雖然伯伯嘅IG已經冇再更新，但大家依然可以偶爾係Coffee嘅IG見到伯伯嘅身影㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李元元同媽媽童年照撞樣！大眼睛+圓臉簡直餅印 完美複製髮型/表情

8 Feb , 2021

李璨琛女兒李元元（Lucy）憑圓碌碌身型吸引無數粉絲！近日李璨琛老婆梁志瑩喺IG post出自己嘅童年照，同女兒近照作對比，竟發現兩母女似到十足十！

李璨琛女兒李元元年僅兩歲，但係因為圓碌碌肚腩仔同埋肉肉面珠躉成為超高人氣星二代，IG followers高達21萬！

李元元媽媽經常會喺IG post女兒嘅可愛照，李元元肥嘟嘟嘅「靴型面」更獲譽為「真人版蠟筆小新」。

原來李元元唔止撞面蠟筆小新，更好似一個人。

呢個人就係佢媽咪梁志瑩喇！近日李元元媽媽喺IG post咗自己嘅童年照，仲拎埋同李元元作對比，兩母女如同餅印！

肥嘟嘟圓臉同大大嘅眼睛都一模一樣！連髮型、表情都好似複製咁！

李元元媽媽更表示：「講一個殘酷嘅現實畀大家聽，其實呢幾年，你哋愛上嘅並唔係李元元」原來應該係李媽媽。

網民都感歎佢哋母女似到十足十：「似孖生姊妹！」，不過有網友搵到少少嘅分別，就係李媽媽有頸，而李元元無。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）