54 歲凍齡李若彤最新古裝look 仙氣十足！網民：比當年的「小龍女」更美！

李若彤（Carman）有「最美小龍女」之稱，雖然已經 54 歲，但其 Fit 爆零贅肉身型同靚樣完全睇唔出歲月痕跡，而這位美魔女更不時都會喺社交網站上分享自己的靚相與健身心得。

李若彤與古天樂1995年合作拍《神雕俠女》，二人多年後再合照，兩人都依然保養得宜！

當年李若彤飾演觀小龍女一角深入民心，估唔到事隔多年，佢再著去古裝依然咁靚！

近日，佢就喺微博上傳咗喺山東曲阜出席活動時嘅相，佢分享 share 咗兩套唔同風格嘅古裝，令人驚艷美出一個新高度，其中一套就係以白色為主色嘅打扮滲出陣陣仙氣。

而喺依輯相中佢又玩投壺又拉弓射箭，一舉手一投足，盡是英氣！

Carman留言指：「來到山東曲阜的尼山聖境，感受千年孔子文化的沉澱，回想小時候讀書時候學的很多名言警句都是出自《論語》，很榮幸今天來到這裡，和你們分享今天的尼山之行」

至於，另一套古裝就以粉色加上白色嘅打扮，相中嘅佢練寫、看書以及喺庭園中賞茶，舉指優雅，猶如喺古代穿越嚟嘅大家閨秀一樣，同另一套相比又係另一種感覺。

唔少網友睇完兩輯相後，除咗大讚李若彤充滿仙氣，身材 Fit 爆，係真正嘅不老女神，仲笑言姑姑回來了：「仙女姑姑啊」、「仙女下凡，好美啊」、「姑姑真是古典美人」等等，人氣更一度登上微博熱搜榜添！

唔知幾時有機會再喺香港見到姑姑呢！？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

重返 17 歲！54 歲李若彤再著中學校服兼晒舊相：有鬆位要增磅

24 Nov 2020

有「最美小龍女」之稱嘅美魔女李若彤（Carman）向來係健身狂熱者，佢不是都會喺微博/IG 上分享自己健身生活，其 Fit 爆零贅肉身型同靚樣完全睇唔出佢原來已經年屆54歲喇！近日更喺大陸綜藝節目上教大家健身，佢仲挑戰著上當年 17 歲時嘅同款校服，完全零遺和感呀！

日前李若彤喺大陸綜藝節目《天天向上》中教大家健身，除咗教大家以雙手高舉啞鈴收拜拜肉嘅運動外，佢仲挑戰著上當年 17 歲嘅同款中學校服。事後佢更喺微博上傳靚相同當年嘅學生相，畀大家比對吓！

Photo from 李若彤/微博

Photo from 李若彤/微博

Photo from 李若彤/微博

Carman留言指：「2020年，54歲的我，在節目中穿上了17歲時的同款校服，卻是母校提供給現在的初中學生的尺碼（看來該是增磅些些的時候了），身型沒甚麼改變，但心比從前更堅定強大了。? ​​​​」

Photo from 李若彤/微博

Photo from 李若彤/微博

網友睇完兩張相後， 除咗大讚李若彤由細到大都咁靚之外，仲話佢充滿仙氣，身材 Fit 爆，係真正嘅不老女神，完全睇唔出佢已經 54 歲：「這 54 歲，說 20 歲我都信」、「真正美少女加神仙姐姐」以及「歲月不敗美人~」等等，人氣更登上微博熱搜榜第一位添！

Photo from 李若彤/微博

「姑姑」依個好身材真係令人太羨慕喇！

Photo from 李若彤/微博

Photo from 李若彤/微博

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）