曾志偉回歸大作3大節目主持平均年齡最高係50歲？ 網民講笑：193應該係做足功課先講出口！

自從曾志偉正式返TVB擔任副總經理嘅職位，就開始多咗好多嘅新節目出現，《開心大綜藝》大跳韓國當紅團體BTS同BLACKPINK嘅歌曲引起一班韓團fans不滿，193@Error霸氣還擊。

Photo from 193 IG

自從曾志偉以副總經理身份回巢諗計對撼ViuTV，陸陸續續都有將會有好多新節目即將推出。而琴日全新直播節目《開心大綜藝》就首播，節目一開始群星就載歌載舞，仲大跳韓國當紅團體BTS同BLACKPINK嘅歌曲，唔單止版權問題未搞清楚，核特嘅舞姿再加上老土嘅衣著，更引起一班韓團fans嘅不滿!

Photo from 《開心大綜藝》

Photo from 《開心大綜藝》

而曾志偉出席接受採訪嘅時候就話「ViuTV最高得4點收視，我哋30點，ViuTV節目題材比較偏門，只可以同J2比」。

Photo from 《東張西望》

同時間星期日亦喺ViuTV《最後一屆口罩小姐選舉》總決賽，當ERROR成員被問到有關曾志偉所講嘅呢一番言論時，193就不甘示弱咁反擊話「TVB收視得幾百部電視機，J2係咩？係咪40幾歲仲講緊後生仔傾吓偈嗰個？」仲話自己會努力做好每個節目，唔太在意收視率！雖然有網民擔心193今次嘅霸氣回應會影響星途，不過亦有網民講笑咁話以193嘅身高，如果同曾志偉、王祖藍同台都未必見到佢哋兩個！

Photo from ERROR 193IG

其實又好難怪193咁講，網民睇返曾志偉嘅頭炮大作《開心大綜藝》嘅主持人班底比較有經驗，女主持靠馮盈盈拉返低少少，平均年齡大約係40歲，而男主持方面平均年年就大約係42.5。

Photo from 《開心大綜藝》

Photo from 《開心大綜藝》

之前叫停重新包裝嘅《聲夢傳奇》唔計其他歌手，兩位主持森美同李克勤平均年齡更有50歲，難怪節目當中嘅參賽者都話唔識前輩李克勤。

Photo from 《聲夢傳奇》

而由三位媽媽余安安、羅敏莊同埋陳凱琳所主持嘅新節目《日日媽媽聲》首播，第一集嘅嘉賓就請來袁詠儀（靚靚）同鄧兆尊。雖然各位靚媽都保養得宜，但原來這個節目主持的平均年齡都有45歲，確實TVB普遍節目主持嘅平均年齡都偏高，適合年齡層較大嘅觀眾～

Photo from 《日日媽媽聲》

TVB新推出嘅節目好多時都係大打友情牌，因為好多嘉賓或者主持人都係曾志偉嘅朋友，而好多時佢哋仲要上節目公然咁被折磨！鄧兆尊就係其中一位上節目其中嘅「快問快答」環節，就喺當鄧兆尊所回應嘅答案，令主持人唔滿意，就會剪掉一條喺頭上面所吊住嘅水桶繩，藉此機會令到佢披露咗自己對愛情嘅睇法！

Photo from 《日日媽媽聲》

節目播出之後，有網民就認為節目要嘉賓被水淋嘅環節好無謂，仲覺得俾人感覺好似唔太尊重嘉賓！睇嚟距離節目「改革成功」都仲需要一段時間～

Photo from Big big channel Youtube

Photo from Big big channel Youtube

有「現代韋小寶」之稱嘅鄧兆尊而家同時擁有3位女友，而喺節目一開頭就話自己對愛情嘅睇法比較獨特，形容自己係「冇腳嘅雀仔」。當被問到幾時開始擁有多於一位女友嘅時候，佢就表示其實自己係受害者！當時同大女友Carmen拍緊拖，但有晚飲醉咗，而當時仲未係佢女友嘅二女友Cherry就將佢鎖喺酒店房，完美咁將責任推比女友！

Photo from 《日日媽媽聲》

Photo from 《日日媽媽聲》

靚靚就忍唔住問佢係點樣分配時間，鄧兆尊就好有自信咁話非常簡單，仲話從來都冇出現過女友間「搶人」嘅事件！因為佢哋可以互換時間，令主持人講笑話好似圖書館借書咁。

Photo from 《日日媽媽聲》

Photo from 《日日媽媽聲》

而主持人就話天生多情嘅鄧兆尊有冇受到女友們嘅控制，佢就話3位女友都有佢嘅手機定位追蹤，隨時可以知道佢嘅行蹤，一有可疑嘅地方就會被佢哋審問。仲形容佢哋好似《西遊記》入面跟住唐僧嘅3位徒弟咁，同心擋開啲「妖魔鬼怪」。

Photo from 《日日媽媽聲》

Photo from 《日日媽媽聲》

去到「二選一」環節，佢就被問到要喺不舉同結婚之間揀一樣，佢就話自己會寧願選擇不舉，話因為結婚會得罪好多人！

Photo from 《日日媽媽聲》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

TVB大股東狠批「所有嘢都老化」建議加入內地年青創富故事　網民：更加冇人想睇！

7 Apr , 2021

近年 TVB 嘅節目引嚟唔少話題，加上早前出任TVB集團副總經理及行政委員會特別顧問嘅曾志偉同首席創作官王祖藍相信將會帶嚟新一輪革新。而近日 TVB 大股東喺接受傳媒訪問時罕有狠批 4 大不滿！

TVB 大股東黎瑞剛近日接受傳媒訪問，罕有狠批 TVB 近年表現，更直言「不滿意，不滿意，非常不滿意！」，並指出其中 4 大問題：

1. 全面老化

黎瑞剛指 TVB 全台都趨向老化，離年青觀眾越嚟越遠，成個團隊都要有新陳代謝嘅機制，節目內容需要創新，唔可以日日教煮餸，佢建議可加入有創意嘅節目例如「內地年青人創富故事」有助啟發香港年青觀眾。

2. 決策失誤

自 TVB 與四大唱片反面，亦少有一線明星喺節目中出現。他慨歎以往台慶陣容鼎盛，當時香港最著名嘅巨星都會現身，但反觀近年卻變得封閉，剩係請自己人，自娛自樂，越做越細。佢又指 TVB 有責任重振香港文化創意產業。

3. 製作技術落後

黎瑞剛又稱而唔少內地節目製作人都係睇 TVB 長大，但依家唔少嘅製作技術及設備都已經較內地落後。雖然唔少內地平台都仲可以睇到 TVB 嘅節目，但都已經係數十年前製作，少有近年嘅新作。

4. 派系鬥爭

唔少老一輩嘅藝人都曾經講過 TVB 山頭林立，難以形成合力，而身為大股東嘅黎瑞剛當然都知道，更直言現時 TVB 正處於諸侯割據，無乜凝聚力，阻礙集團創新。佢更舉例指如果節目被幾個山頭控制，就會形成好似私人利益領地一樣。

最後覺得佢接示搵曾志偉、王祖藍回巢只係改革嘅第一步，因為佢覺得成個電視台已經係「沉到水底，再不改革救上岸，就沒了。」而除咗改革問題，黎瑞剛仲指 TVB 近年被網民狙擊，相關抵制廣告商行為屬「違法」，希望有關當局可以阻止。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）