download HolidaySmart 假期日常 app
2021「超級粉紅月亮」4月出現!同場加映「天琴座流星雨」

2021「超級粉紅月亮」4月出現!同場加映「天琴座流星雨」

生活熱話
By Ella on 12 Apr 2021
Digital Content Writer

今個4月將會出現「超級粉紅月亮」及「天琴座流星雨」兩個天文奇觀,有興趣嘅朋友就要記低預測日期及時間啦!

「超級粉紅月亮」

超級月亮」係指滿月前後見到較大嘅月亮,由於月球圍繞地球公轉嘅軌道係橢圓形,因此月球有時會比較接近地球,所以就可以見到比平時更大更亮嘅滿月。因為4月嘅滿月又稱為「粉紅月」(Pink moon),所以今次就係「超級粉紅月亮」!

「超級月亮」係指滿月前後見到較大嘅月亮。Photo from Pinterest

雖然叫「粉紅月」,但其實月亮並唔係真係粉紅色,「粉紅月」呢個名嘅由來係因為4月係粉紅色「福祿考花」(Pink Creeping Phlox Flowers)盛開嘅日子,所以就有呢個咁浪漫嘅名字。

「粉紅月」呢個名嘅由來係因為4月係粉紅色「福祿考花」(Pink Creeping Phlox Flowers)盛開嘅日子,所以就有呢個咁浪漫嘅名字。Photo from Pinterest

而今次出現超級粉紅月亮嘅日子將會係4月26日,預計大約喺夜晚11點33分左右會係最亮!

Photo from Pinterest

「天琴座流星雨」

「天琴座流星雨」每年4月下旬都會出現,係因為地球穿越佘契爾彗星(C/1861 G1),彗尾留下嘅塵埃帶而產生,通常流星會係中等亮度。

「天琴座流星雨」每年4月下旬都會出現。Photo from Pinterest

而今年「天琴座流星雨」出現嘅高峰期係4月22日嘅夜晚9點,預計一個鐘有機會可以見到約20顆流星,建議觀測時段係夜晚11點至第二日嘅清晨5點。

今年「天琴座流星雨」出現嘅高峰期係4月22日嘅夜晚9點,預計一個鐘有機會可以見到約20顆流星。Photo from Pinterest

至於去邊到睇流星雨係最好?大美督、大坳門風箏場及西貢萬宜水庫天文公園都係觀賞流星雨嘅好地方!

Photo from Pinterest

睇唔到流星雨嘅朋友都唔好忘記4月26日夜晚抬頭望吓個「超級粉紅月亮」啊!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel