鄭嘉穎同陳凱琳育有兩個仔仔鄭承悅（Rafael）、鄭承亮（Yannick），媽媽陳凱琳日前公開同細仔玩嘅相，8個月大嘅Yannick眼大大面圓圓，同爸爸鄭嘉穎簡直餅印！
鄭嘉穎同陳凱琳於2018年結婚，婚後2年抱兩，分別喺2019年同2020年誕下大仔鄭承悅（Rafael）、細仔鄭承亮（Yannick）。
陳凱琳做咗媽媽後就無再拍劇，專心湊仔，最近佢再次現身幕前，喺TVB《日日媽媽聲》、《諸朋好友》做主持。
雖然唔拍劇，但陳凱琳就有喺IG分享湊仔日常，佢不時會大晒一家四口嘅幸福合照，網友大讚佢兩個仔仔都勁得意～
2歲大仔Rafael最近開始返學，陳凱琳就將重心放喺照顧細仔身上，佢喺IG post咗同細仔Yannick玩嘅相片，透露仔仔已經8個月大。
Yannick眼仔碌碌，非常精靈，天然呆萌樣連謝安琪、龔嘉欣都話可愛！Yannick同爸爸鄭嘉穎都幾似樣，鄭嘉穎嘅童年相雖然非常低清，但都睇得出兩父子嘅五官有啲似。
哥哥Rafael一向都被網友指同爸爸係餅印，睇返Rafael嘅BB相，同Yannick都好似樣，一樣係眼大大，表情多多，好cute！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
28歲陳凱琳素顏比濃妝更靚？！兩子之母身材仍然fit到漏
7 Apr 2021
28歲嘅陳凱琳2013年參選香港小姐奪冠後代表香港參加中華小姐，再度成為冠軍，之後獲TVB力捧，參演過多套電視劇。
2018年佢同鄭嘉穎結婚，同年大仔Rafael鄭承悅出世，2020年再次懷孕，誕下細仔Yannick鄭承亮。陳凱琳由人妻升呢做人母，暫時淡出電視圈，將重心放喺家庭，集中精力照顧兩個仔仔。
雖然已經係兩子之母，但佢外貌、身材仍然fit到爆！佢經常喺IG post造型照，好多都影得好靚～
濃妝嘅Grace眼睛明亮，而且將佢充滿異域風情嘅外貌展露無遺！
除咗日常造型照外，佢私下同朋友聚會又或者湊仔時就多數會以淡妝、素顏示人。
淡妝下嘅Grace皮膚仍然白滑！兩眼皮明顯，蘋果肌飽滿，比濃妝後更加突出！
睇返佢嘅童年照，原來佢細細個蘋果肌已經好明顯，笑容亦同依家好相似～
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳凱琳公開與鄭嘉穎表妹合照！表妹50歲超逆齡令網民震驚：睇落得30歲出頭！
24 Mar 2021
陳凱琳貴為香港小姐冠軍，美貌已得到認證。近日陳凱琳龍鳳胎細佬結婚，佢榮升二姑奶。
雖然陳凱琳老公鄭嘉穎甚少公開家人照片，但佢家族原來都有唔少美人！
陳凱琳喺IG晒出同鄭嘉穎表妹Vivian嘅合照，祝賀對方50歲生日，佢大讚對方好似姐姐咁愛佢、好似朋友咁鼓勵佢、好似母親咁支持佢。
而令網民震驚嘅係鄭嘉穎嘅表妹原來已經50歲，從Grace公開嘅相片中，表妹Vivian睇落非常年輕，只有30幾歲。
估唔到Vivian實際上竟然大陳凱琳20年！皮膚仍然keep得緊緻，雖然眼周有細紋，但仍然係凍齡美人。
有網友留言讚鄭嘉穎表妹完全唔似50歲，仲話佢睇落只有實際年齡嘅一半！而51歲嘅鄭嘉穎亦同樣Keep得好好，果然係家族基因！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）