【東張西望】婚前以為另一半「有性格」，港爸婚後慘遭太太精神施虐長達6年！

近年喺香港不時都會聽到虐兒、虐妻，虐老等事件發生，但其實施虐嘅唔一定係男方，亦有女方施虐嘅情況，男方更因為啞忍而拒絕求助，最終身心受盡精神虐待。

Photo from TVB (official)/YT

日前無綫節目《東張西望》主持李旻芳就採訪咗一名長期被太太精神施虐嘅當事人田先生。田先生與前妻 6 年前結婚，一心以為組織一個幸福家庭，估不到是噩夢的開始。

Photo from TVB (official)/YT

田先生指兩人係經朋友介紹認識，前妻係專業人士，愛乾淨有潔癖，對每件事都會好嚴謹，唔容易出錯：「佢講嘅嘢，如果你唔附和佢，佢就會發脾氣。」而田先生就指自己比較隨和，事事唔太計較，當時仲將對方嘅缺點視為「有性格」。

Photo from TVB (official)/YT

二人喺婚後，對方就因為怕老咗冇人照顧所以提議生小朋友，而當時田先生亦只好答應，但換嚟嘅則係更多嘅精神折磨，田先生指有一次前妻喺佗 B 期間，因有事唔順佢意就不停狂跳話要墮胎：「佢佗住BB，一有唔順佢意嘅嘢，佢就不停跳！又話要落（墮胎）咗佢，其實佢係用BB嚟威脅我，要滿足佢嘅要求，要我留喺屋企。」

Photo from TVB (official)/YT

佢並指前妻慢慢從生活及思想上控制佢，有唔順對方意嘅時候，對方就會把家中屬於佢嘅物件全部破壞，更由起初嘅語言暴力、辱罵、哭鬧、喺廚房拎菜刀劈櫃、劈洗碗盆及拎開信刀亂插物件外，最後甚至到處破壞。

Photo from TVB USA Official/YT

Photo from TVB (official)/YT

其中最令當事人心寒係對方曾經有一次走到窗前打開窗望住窗外，好似想講畀當事人知如果唔服從，佢任何事都做得出一樣。田先生指當時已被太太強迫至精神崩潰，但為咗兒子，只好啞忍，因此以瞓覺嚟逃避現實，就算瞓醒都會繼續匿喺被中唔想面對：「如果定力低啲，可能我已經去尋死。」

Photo from TVB (official)/YT

最終當事人田先生喺社工協助下終結束二人嘅 6 年婚姻重，並已重過新生活。

Photo from TVB (official)/YT

而就田先生嘅遭遇，臨床心理學家張傳義則指施虐情況一般係會持續發生，而喺家庭中嘅權力分佈亦會愈嚟愈失衡。因此喺問題初發生時，就應及早解決。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

業主驚見放租單位出現喺《日日有樓睇》 揭發地產代理陰招推銷

09 Apr 2021

日前，北角君譽峰一個單位嘅女業主竟然喺睇地產節目嘅時候，發現自己嘅單位俾地產經紀推銷緊，最過份嘅喺片中竟然喺有「業主」陪同下拍攝！該名業主決定要向地產代理監管局投訴，認為佢哋未經業主許可就擅自帶人睇樓。

Photo from TVB

樓盤節目相信大家都成日睇，但又有冇諗過會喺節目見到自己嘅單位呢？！最近，北角君譽峰嘅一位女業主劉太就喺樓盤節目《日日有樓睇》發現自己正在放租嘅單位竟然喺節目亮相。

Photo from 《日日有樓睇》

Photo from 《日日有樓睇》

而最過份嘅係當時節目中有一位自稱係業主嘅李小姐，令劉太嘅朋友感到非常奇怪，所以先揭發呢件事。

Photo from 《日日有樓睇》

劉太表示由於單位中嘅傢俬比較獨特，大部份嘅傢俬都係佢自己根據房嘅大小所設計，所以比較難喺市面上搵到同類型嘅，令佢一眼就認出節目上介紹嘅正正就係佢嘅單位！佢質疑地產經紀未經許可擅自帶人入單位內進行節目拍攝！

Photo from 《日日有樓睇》

Photo from 《日日有樓睇》

劉太喺接受媒體訪問嘅時候就話單位係打算用嚟放租做投資用途，喺今年2月收樓後先開始喺唔同嘅地產公司放租。佢就聲稱將單位嘅密碼鎖密碼俾咗啲地產經紀，但就有話如果約咗睇樓就通知佢。

Photo from TVB

涉事地產經紀黃文龍就向劉太表示非常不好意思，解釋係為咗替單位做廣告，因為見單位裝修得靚，所以希望藉此提高租金。仲話自稱業主嘅李小姐係樓下其他層數嘅業主，係影片剪接問題先會引起誤會。但劉太就唔係好接受佢呢一連串嘅解釋，並表示會向地產代理監管局投訴。

Photo from TVB

根據《地產代理常規（一般責任及香港住宅物業）規例》，未經住宅物業的業主事先同意，持牌地產代理不可以安排任何人視察及查看住宅物業。另外，喺冇業主嘅書面同意下，持牌地產代理亦不得使用有關物業的鎖匙作安排準買家或租客視察物業以外的用途。一旦被發現違規，持牌地產代理將會受到處分，嚴重嘅會被吊銷牌照！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）